2 पतरस 1:1 - Halbi

¹ शिमोन पतरस चो बाटले, जोन ईशु मसीह चो दास आउर पठालोबिता आय, हुन लोगमन चो नाव जोनमन आमचो माहापुरू आउर मुक्ति करू ईशु मसीह चो धारमिकता ले आमचो असन बड़े मोल बिश्वास परापत करला से।

परमेस्वर को सच्चो वचन ख जाननू

¹ समोन पतरस कि तरफ से, जो यीसु मसी को दास अर प्रेरित आय, वी अदमी हुन को नाम जीन ख हमारो परमेस्वर अर उध्दार देन वालो यीसु मसी कि धार्मिकता को असो हमारो जसो बेजा किमती विस्वास मिल लो हैं।

2 पतरस 1:1 ပူးပေါင်းရင်းမြစ်များ

मत्ती 10:2

ये बारहो पठालोबितामन चो नाव ऐ आय पयला शिमोन, जोन पतरस बलाया जाऊ आय, आउर हुनचो भाई अन्द्रियास; जबदी चो बेटा याकूब, आउर हुनचो भाई यूहन्ना;

मत्ती 4:18

ईशु गलील चो झील चो कटा बुलते-बुलते हुन दुई भाईमन बल्लोने शिमोन के जोन पतरस बलाया जाऊ आय, आउर हुनचो भाई अन्द्रियास के झील ने झारी पकातोर दकलो; कसनबल्लोने हुनमन मछरी धरतो बितामन रवत।

लूका 1:47

आउर मोचो आत्मा मोचो मुक्ति करतो बिता माहापुरू ले हरिक होली,

लूका 11:49

ऐईकाजे माहापुरू चो अकल बले बल्लो से, ‘मय हुनमन चो लगे अगम गिआनीमन आउर पठालोबितामन के पटायें दें, आउर हुनमन-हुनमन थानले कितलो के मारून पका दे, आउर कितलो के कन्दरा दे।’

यूहन्ना 1:42

हुन हुनके ईशु चो लगे आनलो। ईशु हुनचो उपरे दकुन भाती बल्लो, “तुय यूहन्ना चो बेटा शिमोन आस, तुय कयफा बल्लोने पतरस बलाय होसे।”

यूहन्ना 12:26

अगर कोनी मोचो सेवा करें दें, तो मोचो पाटे होओ; आउर जोन थाने मय आंसे, हुता मोचो सेवक बले होये दे। अगर कोनी मोचो सेवा करे दे, तेबे बुआ हुनचो मान करे दे।

यूहन्ना 20:21

ईशु फेर हुनमन ले बल्लो, “तुमके शान्ति मिरो; जसन बुआ मोके पठालो से, असने ची मय बले तुमके पटायें से।”

प्रेरितो 15:14

शिमोन सांगलो कि माहापुरू पयले-पयले दुसर जातिमन ने कसन दयाधरम करलो कि हुनमन थानले आपलो नाव चो काजे गोटक लोग बना ओ।

रोमियो 1:1

पौलुस चो बाटले जोन ईशु मसीह चो दास आय, आउर पठालोबिता होतो काजे हाग दिया गेलो, आउर माहापुरू चो हुन नगतखबर काजे अलग करा गेलो से

रोमियो 1:12

बल्लोने ऐ कि जिदलदाय मय तुमचो मंजी ने होयें, तेबे आमी हुन बिश्वास चो बाटले जोन मोचो ने आउर तुमचो ने आसे, गोटक दुसर ले होसला पाऊँ।

रोमियो 1:17

कसनबल्लोने हुन थाने माहापुरू चो धारमिकता बिश्वास ले आउर बिश्वास चो काजे उजागर होऊ आय; जसन लिकलोर आसे, “बिश्वास ले धरमी जन जीव रयदे।”

1 कुरिन्थियो 1:30

मान्तर हुनचेई बाटले तुमी मसीह ईशु ने आसास, जोन माहापुरू चो बाटले आमचो काजे गिआन थेबलो, बल्लोने धरम, आउर पवितरता, आउर छुटकारा;

1 कुरिन्थियो 15:9

कसनबल्लोने मय पठालोबितामन ने सपाय ले नानी आंय, मान्तर पठालोबिता बलाय जातोर लायक बले नुआय, कसनबल्लोने मय माहापुरू चो कलीसिया के कन्दराऊन रलें।

1 कुरिन्थियो 9:1

काय मय छुटछाड़ा नुआय? काय मय पठालोबिता नुआय? काय मय ईशु के जोन आमचो परबु आय, नी दकले? काय तुमी परबु ने मचो बनालोर नुआस?

2 कुरिन्थियो 4:13

ऐईकाजे कि आमचो थाने हुनी बिश्वास चो आत्मा आसे, जेचो बारे ने लिकलोर आसे, “मय बिश्वास करले, ऐईकाजे मय बल्ले।” आउर आमी बले बिश्वास करू आंव, ऐईकाजे बोलु आंव।

2 कुरिन्थियो 5:21

जोन पाप ले अनजान रये, हुनी के हुन आमचो काजे पाप ठेबालो कि आमी हुन थाने होऊन भाती माहापुरू चो धारमिकता बनुन जाऊं।

गलातियो 2:8

(कसनबल्लोने जोन पतरस ले खतना करलो बितामन ने पठालोबिता चो काम बड़े असर चो संगे करालो, हुनी ची मोके बले दुसर जातिमन ने असरदार काम करालो),

इफिसीयो 3:5

जोन दुसर समयामन ने मानेमन चो पिलामन के असन नी सांगा जाऊ रये, जसन कि आत्मा चो दुवारा अदायं हुनचो पवितर पठालोबितामन आउर अगम गिआनीमन उपरे परकट कराय गेली से।

इफिसीयो 4:11

हुन कितलो के पठालोबिता नियुक्त करून, आउर कितलो के अगम गिआनी नियुक्त करून, आउर कितलो के नगतखबर सुनातो बिता नियुक्त करून, आउर कितलो के राका करूमन आउर उपदेशक नियुक्त करून देऊन दिलो,

इफिसीयो 4:5

गोटक ची परबु आय, गोटक ची बिश्वास, गोटक ची डूबन,

फिलिप्पियो 1:1

मसीह ईशु चो दास पौलुस आउर तीमुथियुस चो बाटले, सपाय पवितर लोगमन चो नाव जोन मसीह ईशु ने होऊन भाती फिलिप्पी ने रऊ आत, अध्यक्षमन आउर सेवकमन संगे।

फिलिप्पियो 1:29

कसनबल्लोने मसीह चो लागुन तुमचो उपरे ऐ अनुग्रह होली कि ना मात्र हुनचो उपरे बिश्वास करा मान्तर हुनचो काजे दुख बले उठाआ;

फिलिप्पियो 3:9

आउर हुन थाने मिरूक होओ; ना कि आपलो हुन धारमिकता चो संगे, जोन नियम ले आसे, मान्तर हुन धारमिकता चो संगे जोन मसीह उपरे बिश्वास करतोर कारन आय आउर माहापुरू चो बाटले बिश्वास करलो ने मिरू आय;

2 तीमुथियुस 1:5

मोके तुचो हुन निष्कपट बिश्वास चो सुद्धि ऐऊ आय, जोन पयले तुचो दीदी लोईस आउर तुचो आया यूनीके ने रली, आउर मोके तय आसे कि तुचो थाने बले आसे।

तीतुस 1:1

पौलुस चो बाटले जोन माहापुरू चो दास आउर ईशु मसीह चो पठालोबिता आय, माहापुरू चो चुनलो लोगमन चो बिश्वास आउर हुन सत चो पयचान चो अनुसार जोन भक्ति चो अनुसार आय,

तीतुस 1:4

तीतुस चो नाव, जोन बिश्वास चो संगती चो बिचार ले मोचो सत बेटा आय: माहापुरू बुआ आउर आमचो मुक्तिकरू मसीह ईशु चो बाटले तुके अनुग्रह आउर शान्ति मिरते रओ।

तीतुस 2:13

आउर हुन धन्य आशा चो बल्लोने आपलो माहान माहापुरू आउर मुक्ति करू ईशु मसीह चो महिमा चो परकट होतोर बाट टाकते रओत।

याकूब 1:1

माहापुरू चो आउर परबु ईशु मसीह चो दास याकूब चो बाटले हुन बारा कुलमन चो जोन जत-खत होऊन भाती रऊ आत जुहार अमरो।

1 पतरस 1:1

पतरस चो बाटले जोन ईशु मसीह चो पठालोबिता आय, हुन परदेशीमन चो नाव जोन पुन्तुस, गलातिया, कप्पदुकिया, आसिया आउर बितूनिया ने जत-खत होऊन भाती रऊ आत,

1 पतरस 1:7

आउर ऐ ऐईकाजे आय कि तुमचो परकलो बिती बिश्वास, जोन आईग ले तपालो बिती नाश होतो बिती सोना ले बले कितलो आगर बड़े मोल आय, ईशु मसीह चो परकट होलो ने परशंसा आउर महिमा आउर मान चो कारन ठेबला।

1 पतरस 2:7

आउर तुमचो काजे जोन बिश्वास करू आस हुन बड़े मोल आय, मान्तर जोन बिश्वास नी करोत हुनमन काजे “जोन पकना के राजमिस्त्रीमन बेकार ठेबाऊ रला, हुनी कोनया चो टोक होऊन गेली,”

1 पतरस 5:1

तुमनमन ने जोन सियान आय, मय हुनमन चो असन सियान आउर मसीह चो दुखमन चो गोहई आउर परकट होतो बिती महिमा ने शामिल होऊन भाती हुनमन के ऐ समजायें से

2 पतरस 1:4

जोनमन चो दुवारा हुन आमके बड़े मोल आउर खुबे बड़े बायदामन दिलो से बल्ले ऐ मन चो दुवारा तुमी हुन कुवतोर ले छुटुन भाती, जोन संवसार ने खराप मनमानीमन ले होऊ आय, माहापुरू चो स्वभाव चो शामिल होऊन जाहा।

यहूदा 1:1

यहूदा चो बाटले जोन ईशु मसीह चो दास आउर याकूब चो भाई आय, हुन हाग दिलो बितामन चो नाव जोन माहापुरू बुआ ने लाडरा आउर ईशु मसीह चो काजे अच्छा आसे।