2 कुरिन्थियो 8:19 - Halbi

¹⁹ आउर ईतली ची नाई, मान्तर हुन कलीसिया बाटले थेबाया बले गेलो कि ऐे दान चो काम चो काजे आमचो संगे जाओ। आमी ऐ सेवा ऐईकाजे करू आंव कि परबु चो महिमा आउर आमचो मन चो तिआर परकट होऊन जाओ।

परमेस्वर को सच्चो वचन ख जाननू

¹⁹ अऊर इतनो ही नी, पर उ कलीसिया दुवारा रखियो भी गयो कि यू दान को काम हुन को लाने हमारो संग जाहे। हम यू सेवा एकोलाने करिये हैं कि प्रभु की महिमा अर हमारो मन की तैयारी प्ररगट हो जाहे।

2 कुरिन्थियो 8:19 ပူးပေါင်းရင်းမြစ်များ

प्रेरितो 14:23

आउर हुनमन हरकोनी कलीसिया ने हुनमन चो काजे सियान थेबाला, आउर उपास संगे पारथना करून हुनमन के परबु चो हाथे सोपला जेचो उपरे हुनमन बिश्वास करू रला।

प्रेरितो 15:22

तेबे सपाय कलीसिया संगे पठालोबिता आउर सियानमन के अच्छा लागली कि आपलो थानले खिन्डिक मानेमन के चुनोत, बल्लोने यहूदा जोन बरसबा बलाया जाऊ आय, आउर सीलास के जोन भाईमन ने मुखिया रये; आउर हुनमन के पौलुस आउर बरनबास चो संगे अन्ताकिया पठाला।

प्रेरितो 15:25

ऐईकाजे आमी गोटक मन होऊन भाती ठीक समजलु कि चुनलो बिता माने के आपलो लाड़रा बरनबास आउर पौलुस चो संगे तुमचो लगे पटाऊ।

प्रेरितो 19:22

ऐईकाजे आपलो सेवा करतो बितामन थानले तीमुथियुस आउर इरास्तुस के मकिदुनिया पटाऊन भाती खुद खिन्डिक दिन आसिया ने रऊन गेलो।

प्रेरितो 19:29

आउर सपाय नंगर ने बड़े कोलार होऊन गेली, आउर लोगमन मकिदुनिया बासी गयुस आउर अरिस्तर्खुस के जोन पौलुस चो संगवारी यातरी रवत, धरला, आउर गोटक संगे रंगगुड़ी ने पराला।

रोमियो 5:11

मात्र ऐई नाई, मान्तर आमी आपलो परबु ईशु मसीह चो कारन, जेचो कारन आमचो मेल होली से, माहापुरू ने हरिक होऊ आंव।

रोमियो 5:3

मात्र ऐई नाई, मान्तर आमी कलेशमन ने बले घमण्ड करू, ऐ जानुन भाती कि कलेश ले धीरज,

2 कुरिन्थियो 4:15

कसनबल्लोने सपाय तीजमन तुमचो काजे आय, बल्ले अनुग्रह खुबेमन चो दुवारा खुबे होऊन भाती माहापुरू चो महिमा चो काजे धन्यबाद बले बड़ाओ।

2 कुरिन्थियो 8:11

ऐईकाजे अदायं ऐ काम पुरा करा कि जसन इच्छा करतो ने तुमी तिआर राआस, असने ची आपलो-आपलो पुंजी चो अनुसार पुरा बले करा।

2 कुरिन्थियो 8:12

कसनबल्लोने अगर मन चो तिआर होओ तेबे दान हुनचो अनुसार गरहन बले होऊ आय जोन हुनचो लगे आसे, ना कि हुनचो अनुसार जोन हुनचो लगे निआय।

2 कुरिन्थियो 8:20

आमी ऐ गोठ ने हुसीयार रऊ आंव कि ऐ उदारता चो काम चो बारे ने जेचो सेवा आमी करू आंव, कोनी आमचो उपरे दोष नी लगाऊक पाओत।

2 कुरिन्थियो 9:2

कसनबल्लोने मय तुमचो मन चो तिआर के जाने, जेचो लागुन मय तुमचो बारे ने मकिदुनिया रतो बितामन चो पुरे घमण्ड दकाऊ आंय कि अखाया चो लोग गोटक बरक ले तिआर होला सोत, आउर तुमचो हरिक आउर खुबेमन के बले उठाला से।

2 कुरिन्थियो 9:8

माहापुरू सपाय परकार चो अनुग्रह तुमके खुबे ले खुबे देऊक सके जेचो ने सपाय गोठ ने आउर हर समया, सपाय काई, जोन तुमके जरूरत आसे, तुमचो लगे रओ; आउर हरकोनी अच्छा काम चो काजे तुमचो लगे खुबे काई होओ।