2 कुरिन्थियो 7:4 - Halbi

⁴ मय तुमके खुबे हिम्मत चो संगे बलेंसें, मोके तुमचो उपरे बड़े घमण्ड आसे; मय शान्ति ले भरून गेले से। आपलो पूईतराय कलेश ने मय हरिक ले खुबे भरपूर रऊं आय।

परमेस्वर को सच्चो वचन ख जाननू

⁴ मी तुम लोग हुन से खुल ख बोला करूँ हैं, मो ख तुम लोग हुन पर बड़ो घमण्ड करूँ हैं; ऐ से मोखा भरपूर कि सान्ति मिल हैं। अऊर मोरो सब दुख हुन म खुसी से बेजा भरपूर रहू।

2 कुरिन्थियो 7:4 ပူးပေါင်းရင်းမြစ်များ

प्रेरितो 5:41

हुनमन ऐ गोठ ले हरिक होऊन भाती माहासभा चो पुरे ले जाते गेला, कि आमी हुनचो नाव चो काजे बेईजित होतो लायक तो ठेबलु।

रोमियो 5:3

मात्र ऐई नाई, मान्तर आमी कलेशमन ने बले घमण्ड करू, ऐ जानुन भाती कि कलेश ले धीरज,

1 कुरिन्थियो 1:4

मय तुमचो बारे ने आपलो माहापुरू चो धन्यबाद सदा करूं आंय, ऐईकाजे कि माहापुरू चो ऐ अनुग्रह तुमचो उपरे मसीह ईशु ने होली,

2 कुरिन्थियो 1:14

जसन तुमीमन ले कितलोमन मानला सोत आमी तुमचो घमण्ड चो कारन आंव, असने ची तुमी बले परबु ईशु चो दिने आमचो काजे घमण्ड चो कारन ठेबासे।

2 कुरिन्थियो 1:4

हुन आमचो सपाय कलेशमन ने शान्ति देऊ आय; बल्ले आमी हुन शान्ति चो लागुन जोन माहापुरू आमके देऊ आय, हुनमन के बले शान्ति देऊक सकु जोन कोनी परकार चो कलेश ने आसोत।

2 कुरिन्थियो 10:8

कसनबल्लोने अगर मय हुन अधिकार चो बारे ने आउर बले घमण्ड दकायें दे, जोन परबु तुमके नशातो काजे नाई मान्तर बनातो काजे आमके दिलो से, तेबे लाज नी होयें।

2 कुरिन्थियो 11:21

मोचो बोलतोर अनादर चो रीति ची थाने आसे, माना आमी ऐचो काजे कमजोर असन रलु। मान्तर जोन कोनी गोठ ने कोनी साहास करू आय मय मुरूक ले बोलु आंय तेबे मय बले साहास करू आंय।

2 कुरिन्थियो 2:14

मान्तर माहापुरू चो धन्यबाद होओ जोन मसीह ने सदा आमके जय चो हरिक ने धरून फिरू आय, आउर आपलो गिआन चो बास आमचो बाटले हर जगा फयलाऊ आय।

2 कुरिन्थियो 3:12

ऐईकाजे असन आशा संगाऊन भाती आमी हिम्मत चो संगे बोलु आंव,

2 कुरिन्थियो 7:14

कसनबल्लोने अगर मय हुनचो पुरे तुमचो बारे ने काई घमण्ड दकाले, तेबे लाज नी होले, मान्तर जसन आमी तुमचो ले सपाय गोठमन सत-सत बोलुन देऊ रलु, असने ची आमचो घमण्ड दकातोर तीतुस चो पुरे बले सत निकरली।

2 कुरिन्थियो 8:24

आउर आपलो मया आउर आमचो हुन घमण्ड जोन तुमचो बारे ने आसे कलीसियामन चो पुरे सिद्ध करून हुनमन के दकाहा।

फिलिप्पियो 1:14

आउर परबु ने जोन भाई आत, हुनमन थानले खुबे मोचो कयद होतोर कारन, हिम्मत बान्दुन भाती माहापुरू चो बचन बेधड़क सुनातोर आउर बले साआस करू आत।

फिलिप्पियो 1:20

मय तो ऐई हारदिक लालच आउर आशा संगायें से कि मय कोनी गोठ ने लाज नी होयें, मान्तर जसन मोचो परबल साआस चो कारन मसीह चो बड़ाई मोचो देंह चो बाटले सदा होते रली से, असने ची ऐबे बले होओ, भले मय जीव रयें नाहले मरून जायें।

फिलिप्पियो 1:26

आउर जोन घमण्ड तुमी मोचो बारे ने करू आस, हुन मोचो फेर तुमचो लगे ईलो ने मसीह ईशु ने खुबे बडुन जाओ।

फिलिप्पियो 2:17

अगर मोके तुमचो बिश्वास रूपी बलिदान आउर सेवा चो संगे आपलो लऊ बले बोहड़ाऊक पड़ो, तेबे बले मय हरिक आसे आउर तुमी सपाय चो संगे हरिक करूं आंय।

कुलुस्सियो 1:24

अदायं मय हुन दुखमन चो लागुन हरिक करें से, जोन तुमचो काजे उठाऊँ आंय आउर मसीह चो कलेशमन चो ऊना हुनचो देंह चो काजे, बल्ले कलीसिया चो काजे, आपलो देंह ने पुरा करू आंय;

1 थिस्सलुनीकियो 2:19

अच्छा आमचो आशा नाहले हरिक नाहले बड़ाई चो मुकुट काय आय? काय आमचो परबु ईशु चो पुरे हुनचो ऐतोर समया तुमी ची नी हुआस?

1 थिस्सलुनीकियो 2:2

मान्तर तुमी खुद ची जानेसास कि पयले फिलिप्पी ने दुक उठातोर आउर उपद्रव सहलो थानले बले आमचो माहापुरू आमके असन साहास दिलो, कि आमी माहापुरू चो नगतखबर भारी बिरूदमन चो होते-होते बले तुमके सुनाऊ।

2 थिस्सलुनीकियो 1:4

ऐथा ले कि आमी खुद माहापुरू चो कलीसिया ने तुमचो बारे ने घमण्ड करूं आंव कि जितरो झंझट आउर कष्ट तुमी सहु आहास, हुन सपाय ने तुमचो धीरज आउर बिश्वास परकट होऊ आय।

फिलेमोन 1:7

कसनबल्लोने हे भाई, मोके तुचो मया ले खुबे हरिक आउर शान्ति मिरू आय, ऐईकाजे कि तुचो लागुन पवितर लोगमन चो मन हरा-भरा होऊन गेलीसे।

याकूब 1:2

ऐ मोचो भाईमन, जिदलदाय तुमी नाना परकार चो परीक्षामन ने पड़ा, तेबे ऐके पुरा हरिक चो गोठ समजा,