2 कुरिन्थियो 7:11 - Halbi

¹¹ आउर दका, ऐई गोठ ले कि तुमके माहापुरू भक्ति चो दुक होली तुमचो ने कितलो उदुम आउर जबाप चो जबाप आउर रीस, आउर भय, आउर लालच, आउर धुन आउर डण्ड देतोर बिचार पयदा होली? तुमीमन सपाय परकार ले ऐ सिद्ध करून दकालास कि तुमी ऐ गोठ ने निर्दोष आस।

परमेस्वर को सच्चो वचन ख जाननू

¹¹ अब देख, या बात से कि तुम ख परमेस्वर भक्ति ख दुख भयो तुम म कित्ता कि धुन अर हर एक जवाब अर गुस्सा, अर डर, अर लालसा, अर धुन अर सजा देन ख विचार उत्पन्न भयो? तुम न सब तरह से यू पुरो कर दिख्यो कि तुम यू बात म बेकसूर हैं।

2 कुरिन्थियो 7:11 ပူးပေါင်းရင်းမြစ်များ

मरकुस 3:5

हुन हुनमन चो मन चो कटर ले मुरमुरा होऊन भाती, हुनमन के रिस ले चारो बाटे दकलो, आउर हुन माने ले बल्लो, “आपलो हाथ लमाव।” हुन लमालो, आउर हुनचो हाथ अच्छा होली।

यूहन्ना 2:17

तेबे हुनचो चेलामन के सुरता ईली कि लिकलोर आसे, “तुचो घर चो धुन मोके खाऊन जाय दे।”

प्रेरितो 17:16

जिदलदाय पौलुस एथेन्स ने हुनमन चो बाट टाकते रलो, तेबे नंगर के मुरतीमन ले भरी होलोर दकुन भाती हुनचो जीव जलुन गेली।

रोमियो 11:20

ठीक आय, हुनमन तो अबिश्वास चो लागुन टुटाया गेली, मान्तर तुय बिश्वास ले बनु रऊ आस ऐईकाजे घमण्डी नी हो, मान्तर भय मान,

रोमियो 14:18

जोन कोनी ऐ रीति ले मसीह चो सेवा करू आय, हुन माहापुरू के भाऊ आय आउर मानेमन ने गरहन लायक ठेबु आय।

रोमियो 3:5

ऐईकाजे अगर आमचो अधरम माहापुरू चो धारमिकता ठेबाऊन देऊ आय, तो आमी काय बोलवां? काय ऐ कि माहापुरू जोन रीस करू आय अनियायी आय? (ऐ तो मय माने चो रीति ले बलें सें)।

1 कुरिन्थियो 12:25

बल्ले देंह ने फूट नी पड़ो, मान्तर धड़ गोटक दुसर चो बराबर चिन्ता करोत।

1 कुरिन्थियो 5:13

मान्तर बाहार बितामन चो नियाय माहापुरू करू आय। ऐईकाजे हुन कुकरमी के आपलो मंजी ले निकराऊन दिआस।

1 कुरिन्थियो 5:2

आउर तुमी दुक तो नी करास, जेचो ले असन काम करतो बिता तुमचो मंजी थानले निकराया जातो, मान्तर घमण्ड करू आहास।

2 कुरिन्थियो 13:7

आमी आपलो माहापुरू ले ऐ पारथना करूं से कि तुमी कोनी खराप नी करा ऐईकाजे नाई कि आमी चंट दका पडु, मान्तर ऐईकाजे कि तुमी अच्छा करा, भले आमी ठग ची ठेबवां।

2 कुरिन्थियो 2:6

असन जन चो काजे ऐ डण्ड जोन भाईमन थानले खुबेमन दिला खुबे आय।

2 कुरिन्थियो 6:4

मान्तर हर गोठ ले माहापुरू चो सेवकमन चो असन आपलो सदगुणमन के परकट करू आत, बड़े धीरज ले, कलेशमन ले, दरिदरता ले, संकटमन ले,

2 कुरिन्थियो 7:1

आउर हे लाडरामन, जिदलदाय कि ऐ बायदामन आमके मिरली से, तो ईआ, आमी आपन खुद देंह आउर आत्मा चो सपाय मईल ले शुद्ध करूं, आउर माहापुरू चो भय संगाते-संगाते पवितरता के सिद्ध करूं।

2 कुरिन्थियो 7:7

आउर ना मात्र हुनचो ईलो ले मान्तर हुनचो हुन शान्ति ले बले, जोन हुनके तुमचो बाटले मिरू रली। हुन तुमचो लालच, तुमचो दुक, आउर मोचो काजे तुमचो धुन चो खबर आमके सुनालो, जेचो ले मोके आउर बले हरिक होली।

2 कुरिन्थियो 7:9

अदायं मय हरिक आंसे मान्तर ऐईकाजे नाई कि तुमके दुक पोंहचली, मान्तर ऐईकाजे कि तुमी हुन दुक चो लागुन मन फिरालास, कसनबल्लोने तुमचो दुक माहापुरू चो इच्छा चो अनुसार रली कि आमचो बाटले तुमके कोनी गोठ ने हानि नी पोंवचो।

2 कुरिन्थियो 9:2

कसनबल्लोने मय तुमचो मन चो तिआर के जाने, जेचो लागुन मय तुमचो बारे ने मकिदुनिया रतो बितामन चो पुरे घमण्ड दकाऊ आंय कि अखाया चो लोग गोटक बरक ले तिआर होला सोत, आउर तुमचो हरिक आउर खुबेमन के बले उठाला से।

इफिसीयो 4:26

रीस तो करा, मान्तर पाप नी करा, बेर बोसु-बोसु तुमचो रीस नी रओ,

इफिसीयो 5:11

अंधार चो ओफल काममन ने शामिल नी हुआ, मान्तर हुनमन उपरे सिक्या दिआस।

फिलिप्पियो 2:12

ऐईकाजे हे मोचो लाडरामन, जोन परकार तुमी सदा ले हुकुम मानते ईलासास, असने ची ऐबे बले ना मात्र मोचो संगे रते-रते मान्तर खास करून अदायं मोचो लापी रलो थानले बले डरते आउर थर-थरते आपलो-आपलो मुक्ति चो काम पुरा करते जाआ;

1 थिस्सलुनीकियो 4:6

कि ऐ गोठ ने कोनी आपलो भाई के नी ठगो, आउर ना हुनचो उपरे दाँव चला ओ, कसनबल्लोने परबु ऐ सपाय गोठमन चो पलटा धरू बिता आय; जसन कि आमीमन पयले ची तुमचो ले बोलु आउर जनाऊन बले रलु।

1तीमुथियुस 5:20

पाप करतो बितामन के सपाय चो पुरे समजाऊन देस, बल्ले आउर लोग बले डरोत।

2 तीमुथियुस 2:15

आपन खुद के माहापुरू चो गरहन लायक आउर असन काम करतो बिता ठेबातोर कोशिश कर, जोन लाज होऊक नी सको, आउर जोन सत चो बचन के अच्छा रीति ले काम ने आनु आय।

तीतुस 3:8

ऐ गोठ सते आय, आउर मय चाहाय से कि तुय ऐ गोठमन चो बारे ने हिम्मत ले बोल ऐईकाजे कि जोनमन माहापुरू उपरे बिश्वास करला से, हुनमन अच्छा-अच्छा काममन ने लगुन रतोर धिआन संगा ओत। ये गोठमन अच्छा आउर मानेमन चो लाब चो आय।

इब्रानियो 4:1

ऐईकाजे जिदलदाय कि हुनचो विश्राम ने ओलतोर बायदा ऐबले आसे, तो आमके डरतोर जरूरी आय असन नी होओ कि तुमनमन ले कोनी जन लापी रऊन जाओत।

याकूब 3:17

मान्तर जोन गिआन उपर ले ऐऊ आय हुन पयले तो पवितर होऊ आय फेर मिलनसार, कोमल आउर सीदा-सादा आउर दया आउर अच्छा फरमन ले लाती होलोर आउर भेद-भाव आउर कपट ले लापी रऊ आय।

1 पतरस 1:17

आउर जसन कि तुमी “हे बुआ” बोलुन भाती हुनचो ले पारथना करू आस, जोन बिना भेद-भाव हरकोनी चो काम चो अनुसार नियाय करू आय, तेबे आपलो परदेशी होतोर समया भय ले गुजारा।

1 पतरस 2:2

नवा जनम लो पिलामन चो असन निंगल आत्मिक गोरस चो आशा करा, बल्ले हुनचो दुवारा मुक्ति पावतो काजे बाड़ते जाहा,

यहूदा 1:23

आउर खुबे के आईग थानले झिकुन भाती निकराहा; आउर खुबेमन उपरे भय चो संगे दया करा, मान्तर हुन कुड़ता ले बले घिन्याहा जोन देंह चो दुवारा कलंकीत होऊन गेली से।

प्रकाशितवाक्य 3:19

“मय जोन-जोन के मया करू आंय, हुन सपाय के सिकाऊ आंय आउर ताड़ना देऊ आंय; ऐईकाजे टिव-टिव हो आउर मन फिराव।”