2 कुरिन्थियो 6:5 - Halbi

⁵ कोड़ा खादलो ले, कयद होलो ले, कोलारमन ले, मसागत ले, चेता रलो ले, उपास करलो ले,

परमेस्वर को सच्चो वचन ख जाननू

⁵ हम ख मर खात से, जेल होना से, कल्ला से, महेनत से, जागते रहनो से, उपास करन से,

2 कुरिन्थियो 6:5 ပူးပေါင်းရင်းမြစ်များ

मत्ती 14:10

आउर हुन जयलघर ने लोगमन के पटाऊन भाती यूहन्ना चो मुण्ड कटाऊन दिलो;

मत्ती 14:3

कसनबल्लोने हेरोदेस आपलो भाई फिलिप्पुस चो बायले हेरोदियासनी चो लागुन, यूहन्ना के धरून भाती बान्दलो आउर जयलघर ने ढ़ाकुन रलो।

मत्ती 9:15

ईशु हुनमन ले बल्लो, “काय बराती, जिदलदाय ले दुला हुनमन चो संगे आसे, दुख करूक सकोत? मान्तर हुन दिन ऐयदे जिदलदाय दुला हुनमन ले अलग करा जायदे, हुन समया हुनमन उपास करदे।

प्रेरितो 13:3

तेबे हुनमन उपास आउर पारथना करून आउर हुनमन चो उपरे हाथ संगाऊन भाती हुनमन के बिदा करला।

प्रेरितो 14:19

मान्तर कितलो यहूदीमन अन्ताकिया आउर इकुनियुम ले ऐऊन भाती लोगमन के आपलो बाटे करला, आउर पौलुस उपरे पखना मारला, आउर मरलो समजुन भाती हुनके नंगर चो बाहरे ओड़गड़ते निला।

प्रेरितो 14:23

आउर हुनमन हरकोनी कलीसिया ने हुनमन चो काजे सियान थेबाला, आउर उपास संगे पारथना करून हुनमन के परबु चो हाथे सोपला जेचो उपरे हुनमन बिश्वास करू रला।

प्रेरितो 17:5

मान्तर यहूदीमन कुचर ले भरून भाती बजार चो लोगमन थानले कितलो दुष्ट मानेमन के आपलो संगने धरला, आउर भीड़ रूंड़ा करून नंगर ने कोलार करूक मुरयाला, आउर यासोन चो घर थाने जबरन जाऊन हुनमन के लोगमन चो पुरे आनुक मन करला।

प्रेरितो 20:31

ऐईकाजे चेता राहा, आउर सुरता करा कि मय तीन बरक ले रात दिन आँसु बहाऊन-बहाऊन हरकोनी के जनातोर नी छांडले।

प्रेरितो 23:10

जिदलदाय खुबे झगड़ा होली, तेबे पलटन चो सरदार ऐ डर ले कि हुनमन पौलुस चो गोंदा-गोंदा नी करून दे ओत, पलटन के हुकुम दिलो कि उतरून भाती हुनके हुनमन चो मंजी ले जबरन निकराओत आउर गड़ ने धरून नेओत।

प्रेरितो 23:35

आउर जिदलदाय जानलो कि किलिकिया चो आय तेबे हुनचो ले बल्लो, “जिदलदाय तुचो बयरी बले ऐ दे, तेबे मय तुचो मुकदमा करें दें।” आउर हुन हुनके हेरोदेस चो किला ने पाहारा ने संगातोर हुकुम दिलो।

प्रेरितो 24:27

मान्तर जिदलदाय दुय बरक बितुन गेली तेबे पुरकियुस फेस्तुस, फेलिक्स चो जगा थाने ईलो; आउर फेलिक्स यहूदीमन के खुश करतोर इच्छा ले पौलुस के बन्दी ची छांडुन गेलो।

प्रेरितो 26:10

आउर मय यरूशलेम ने असने ची करले; आउर परधान याजकमन ले अधिकार पाऊन भाती खुबे असन पवितर लोगमन के जयलघर ने ढाकले, आउर जिदलदाय हुनमन मारून दिया जाते रवत तेबे मय बले हुनमन चो बिरूद ने आपलो सहमती देते रयें।

प्रेरितो 26:29

पौलुस बल्लो, “माहापुरू ले मोचो पारथना आय कि काय खिन्डिक ने काय खुबे ने, मात्र तुय ची नाई मान्तर जितरो लोग आजी मोचो सुनु आत, ऐ बान्दनमन के छांडुन हुनमन मोचो समान होऊन जाओत।”

प्रेरितो 28:30

हुन पुरा दुय बरक आपलो किराया चो घर ने रलो,

प्रेरितो 5:18

आउर पठालोबितामन के धरून भाती जयल ने ढ़ाकुन दिला।

1 कुरिन्थियो 15:10

मान्तर मय जोन काई बले आय, माहापुरू चो अनुग्रह ले आय। हुनचो अनुग्रह जोन मोचो उपरे होली, हुन फकाहा नी होली; मान्तर मय हुन सपाय ले बडुन भाती मसागत बले करले तेबले बले ऐ मोचो बाटले नी होली मान्तर माहापुरू चो अनुग्रह ले जोन मोचो उपरे रली।

1 कुरिन्थियो 4:11

आमी ऐ घड़ी ले भुके पिआस आउर बिन फटीई आंसु, आउर ठुसामन खाऊँ से आउर गलिन-गलिन फिरू से;

1 कुरिन्थियो 7:5

तुमी एक दुसर ले अलग नी राहा; मान्तर मात्र खिन्डिक समया ले आपस चो सलाह ले कि पारथना चो काजे छुट्टी मिरो, आउर फेर गोटक संगे राहा; असन नी होओ कि तुमचो अधिरजा चो लागुन शयतान तुमके परको।

2 कुरिन्थियो 11:27

मसागत आउर कष्ट ने; घन-घन चेतते रतोर ने; भुक पिआस ने; घन-घन उपास करतोर ने; सीतकार ने; उगाढ़ा रतोर ने;

इफिसीयो 3:1

ऐई लागुन मय पौलुस जोन तुमी दुसर जातिमन चो काजे मसीह ईशु चो बन्दी आंय

फिलिप्पियो 1:13

ऐथा ले कि राजा चो राज महल चो पुईतराय पलटन आउर बाकी सपाय लोगमन ने ऐ परकट होऊन गेली से कि मय मसीह चो काजे बन्दी आसे;

1 थिस्सलुनीकियो 2:9

कसनबल्लोने, हे भाईमन, तुमी आमचो मसागत आउर कष्ट के सुरता संगाऊ आहास; आमी तो ऐईकाजे रात दिन काम धन्धा करते-करते तुमचो ने माहापुरू चो नगतखबर परचार करलु कि तुमचो थानले काचीई उपरे भार नी होओ।

1तीमुथियुस 4:10

कसनबल्लोने आमी मसागत आउर कोशिश ऐईकाजे करूं आंव कि आमचो आशा हुन जीवता माहापुरू थाने आसे, जोन सपाय मानेमन चो आउर नीज करून बिश्वासीमन चो मुक्तिकरू आय।

2 तीमुथियुस 1:8

ऐईकाजे आमचो परबु चो गोहई ले, आउर मोचो ले जोन हुनचो कयदी आंय, लाजे नी हो, मान्तर हुन माहापुरू चो सामरत चो असन नगतखबर चो काजे मोचो संगे दुख उठाव

2 तीमुथियुस 2:9

जेचो काजे मय कुकरमी चो असन दुख उठाऊँ आय, ऐथा ले कि कयद बले आंसे; मान्तर माहापुरू चो बचन कयद निआय।

2 तीमुथियुस 4:5

मान्तर तुय सपाय गोठमन ने बाचुन रा, दुख उठाव, नगतखबर परचार चो काम कर, आउर आपलो सेवा के पुरा कर।

इब्रानियो 11:36

कितलो झन मजाक ने उड़ाया जातोर; आउर कोड़ा खातोर मान्तर बान्दा जातोर, आउर कयद ने पड़तोर लागुन परका गेला।

इब्रानियो 13:17

आपलो अगुवामन चो हुकुम माना आउर हुनमन चो अधीन राहा, कसनबल्लोने हुनमन-हुनमन चो असन तुमचो जीवमन चो काजे चेता रऊ आत जोनमन के लेखा देऊक पड़ेदे; हुनमन ऐ काम हरिक ले करोत, ना सितर फुंडा धरून-धरून भाती, कसनबल्लोने ऐ दसा ने तुमके काई लाब निआय।

इब्रानियो 13:23

तुमके ऐ मालुम होओ कि तीमुथियुस, आमचो भाई छुटुन गेलो से आउर अगर हुन झटके ऐयेदे तो मय हुनचो संगे तुमचो ले भेट करेंदे।

प्रकाशितवाक्य 2:10

“जोन दुक तुके झेलुक होयदे, हुनचो ले नी डर। कसनबल्लोने दका, शयतान तुमनमन ले कितलो के जयलघर ने डालतो थाने आसे बल्ले तुमी परका जाआ, आउर तुमके दस दिन ले कलेश उठाऊक पढ़ेदे। जीव देओत ले बिश्वासी रा, तेबे मय तुके जीवना चो मुकुट देयेंदे।”