2 कुरिन्थियो 5:18 - Halbi

¹⁸ ऐ सपाय गोठमन माहापुरू चो बाटले आय, जोन मसीह चो दुवारा आपलो संगे आमचो मिला-मिसा करलो, आउर मिला-मिसा चो सेवा आमके सोपुन दिलोसे।

परमेस्वर को सच्चो वचन ख जाननू

¹⁸ परमेस्वर न यू सब करियो हैं ओ न, मसी को दुवारा अपनो से हमारो मेल झोल कर लियो, अऊर मेल झोल कि सेवा हम ख सोप दियो हैं।

2 कुरिन्थियो 5:18 ပူးပေါင်းရင်းမြစ်များ

लूका 10:5

जोन कोनी घर ने जाआ, पयले बल्ला, ‘ऐ घर थाने आशिर्बाद होओ।’

लूका 24:47

आउर यरूशलेम ले धरून सपाय जातिमन ने मन फिराव चो आउर पापमन चो छमा चो परचार, हुनचेई नाव ले करा जायेदे।

यूहन्ना 3:16

“कसनबल्लोने माहापुरू जगत ले असन मया संगालो कि हुन आपलो गोटकी ची बेटा देऊन दिलो, बल्ले जोन कोनी हुनचो उपरे बिश्वास करोत हुन नष्ट नी होओत, मान्तर अमर जीवना पाओत।

यूहन्ना 3:27

यूहन्ना जबाप दिलो, “जिदलदाय ले माने के सरग ले नी दिया जाये, तेबे तक हुन काई नी पाऊक सके।

प्रेरितो 10:36

जोन बचन हुन इस्राएलीमन चो लगे पठालो, जिदलदाय हुन ईशु मसीह चो बाटले (जोन सपाय चो परबु आय) शान्ति चो नगतखबर सुनालो,

रोमियो 11:36

कसनबल्लोने हुनचो बाटले, आउर हुनचेई कारन, आउर हुनचेई काजे सपाय काई आय: हुनचो महिमा जुग-जुग होते रओ। आमीन।

रोमियो 5:1

आउर जिदलदाय आमी बिश्वास ले धरमी ठेबलु, तेबे आपलो परबु ईशु मसीह चो कारन माहापुरू चो संगे मेल संगाऊ,

1 कुरिन्थियो 1:30

मान्तर हुनचेई बाटले तुमी मसीह ईशु ने आसास, जोन माहापुरू चो बाटले आमचो काजे गिआन थेबलो, बल्लोने धरम, आउर पवितरता, आउर छुटकारा;

1 कुरिन्थियो 11:12

कसनबल्लोने जसन बायले लेकी मनुक ले आसे, असने ची मनुक बायले लेकी चो बाटले आसे; मान्तर सपाय तीजमन माहापुरू ले आय।

1 कुरिन्थियो 12:6

आउर असरदार काम कईं परकार चो आय, मान्तर माहापुरू गोटक ची आय, जोन सपाय ने हर परकार चो असर पयदा करू आय।

1 कुरिन्थियो 3:5

अपुल्लोस काय आय? आउर पौलुस काय आय? मात्र सेवक, जेचो दुवारा तुमी बिश्वास करलास, जसन हरकोनी के परबु दिलो।

1 कुरिन्थियो 8:6

तेबले बले आमचो काजे तो गोटक ची माहापुरू आसे: बल्लोने बुआ जेचो बाटले सपाय तीजमन आसोत, आउर आमी हुनचेई काजे आंसु। आउर गोटक ची परबु आय, बल्लोने ईशु मसीह जेचो बाटले सपाय तीजमन होली, आउर आमी बले हुनचेई बाटले आंव।

कुलुस्सियो 1:22

हुन अदायं हुनचो शारीरिक देंह ने मरना चो कारन तुमचो बले मिलान करलो बल्ले तुमके आपलो पुरे पवितर आउर निसकलंक, आउर बेकसूर बनान भाती हाजिर करो।

इब्रानियो 2:17

ऐई कारन हुनके जरूरत रली, कि सपाय गोठमन ने आपलो भाईमन चो असन बनो; जेचो ले हुन-हुन गोठमन ने जोन माहापुरू ले सम्बंध संगाऊ आय, गोटक दयालु आउर बिश्वास लायक माहायाजक बनो बल्ले लोगमन चो पापमन चो काजे पश्ताओ।

याकूब 1:17

कसनबल्लोने हरकोनी अच्छा बर आउर हरकोनी बड़ीया दान उपर ची ले आय, आउर ज्योतिमन चो बुआ चो बाटले मिरू आय, जोन थाने ना तो कोनी बदलाव होऊक सके, आउर ना अदला बदला चो लागुन हुन थाने छांय पडु आय।

1यूहन्ना 2:2

आउर हुनी आमचो पापमन चो पशतावा आय, आउर मात्र आमचो ची नाई मान्तर पुईतराय जगत चो पापमन चो बले।

1यूहन्ना 4:10

मया ऐ थाने निआय कि आमी माहापुरू ले मया करलु, मान्तर ऐ थाने आसे कि हुन आमके मया करलो आउर आमचो पापमन चो पशतावा चो काजे आपलो बेटा के पठालो।