2 कुरिन्थियो 4:7 - Halbi

⁷ मान्तर आमचो लगे हुन धन माटी चो भण्डवामन ने संगालोर आसे कि ऐ असीम सामरत आमचो बाटले नाई, मान्तर माहापुरू चो बाटले ठेबो।

परमेस्वर को सच्चो वचन ख जाननू

⁷ परन्तु हमारो नजीक उ धन मिठ्टी की ठाटी हुन म रखो हैं कि यू सबसे जादा सक्ति हमारी ओर से नी हैं, अऊर परमेस्वर ही कि ओर से रहे हे।

2 कुरिन्थियो 4:7 ပူးပေါင်းရင်းမြစ်များ

मत्ती 13:44

“सरग चो राज बेड़ा ने लुकालो बिती धन चो असन आय, जोन के कोनी माने पावलो आउर लुकाऊन दिलो, आउर मारे हरिक ने जाऊन भाती आपलो सपाय काई बीकुन दिलो आउर हुन बेड़ा के घेनलो।

मत्ती 13:52

फेर ईशु हुनमन ले बल्लो, “ऐईकाजे सपाय शास्तरी जोन सरग राज चो चेला बनलो से, हुन घर चलाऊ बिता चो असन आय जोन आपलो भण्डार ले नवा आउर जुना तीजमन निकराऊ आय।”

यूहन्ना 16:33

मय ऐ गोठमन तुमचो ले ऐईकाजे बल्ले से कि तुमके मोचो थाने शान्ति मिरो। संवसार ने तुमके कलेश होऊ आय, मान्तर हिम्मत जटाव, मय संवसार के जितले से।”

1 कुरिन्थियो 1:28

आउर माहापुरू जगत चो नीचमन आउर तुच्छमन के, मान्तर जोन आत बले नाई हुनमन के बले चुनलो कि हुनमन के जोन आसे, फकाहा ठेबा ओ।

2 कुरिन्थियो 10:10

कसनबल्लोने हुनमन बोलु आत, “हुनचो चिठ्ठीमन गंभीर आउर असरदार आय; मान्तर जिदलदाय हुन पुरे होऊ आय, तेबे हुन देंह चो कमजोरी आउर जबापदारी ने उसास जान पडु आय।”

2 कुरिन्थियो 13:4

हुन कमजोरी चो लागुन कुरूस उपरे चेगाया गेलो, तेबले बले माहापुरू चो सामरत ले जीव आसे। आमी बले हुन थाने कमजोर आंसु, मान्तर माहापुरू चो सामरत ले जोन तुमचो काजे आसे, हुनचो संगे जिऊन्दे।

2 कुरिन्थियो 4:1

ऐईकाजे जिदलदाय आमचो उपरे असन दया होली कि आमके ऐ सेवा मिरली, तेबे आमी हिम्मत नी छांडु।

2 कुरिन्थियो 5:1

कसनबल्लोने आमी जानु से कि जिदलदाय आमचो धरतनी थाने डेरा असन घर घसराया जाय दे, तेबे आमके माहापुरू चो बाटले सरग थाने गोटक असन भवन मिरे दे जोन हाथमन ले बनलो बिती घर नुआय, मान्तर नी घसरतो बिती आय।

2 कुरिन्थियो 6:10

दुक करतो बितामन चो असन आत, मान्तर हरमेशा हरिक करू आत; कंगालमन चो असन आत, मान्तर खुबेमन के सवकार बनान देऊ आत; असन आत जसन आमचो लगे काई निआय तेबले बले सपाय काई संगाऊ आत।

इफिसीयो 2:5

जिदलदाय आमी अपराधमन चो लागुन मरून रलु तेबे आमके मसीह चो संगे जिआ लो (अनुग्रह ची ले तुमचो मुक्ति होली से),

इफिसीयो 3:8

मोचो उपरे जोन सपाय पवितर लोगमन ले नानी ले बले नानी आंय, ऐ अनुग्रह होली कि मय दुसर जातिमन के मसीह चो अगममय धन चो नगतखबर सुनायें,

कुलुस्सियो 1:27

जोन थाने माहापुरू परकट करतोर चाह लो कि हुनमन के मालुम होओ कि दुसर जातिमन ने हुन भेद चो महिमा चो किमत काय आय, आउर हुन ऐ आय कि मसीह जोन महिमा चो आशा आय तुमचो ने रऊ आय।

कुलुस्सियो 2:12

आउर हुनचेई संगे डूबन ने गाड़ाय गेला आउर हुनचेई थाने माहापुरू चो सामरत उपरे बिश्वास करून, जेचो ले हुनके मरलो बितामन थानले जिआलो, हुनचो संगे जीव बले उठला।

कुलुस्सियो 2:3

जोन थाने बुद्धि आउर गिआन चो पुईतराय भण्डार लुकलोर आसे।

1 थिस्सलुनीकियो 1:5

कसनबल्लोने आमचो नगतखबर तुमचो लगे ना मात्र शब्द मात्र ची ने मान्तर सामरत आउर पवितर आत्मा ने, आउर बड़े तय चो संगे पहुँचली से; जसन तुमी जानेसास कि आमी तुमचो काजे तुमचो मंजी ने कसन बनुन जाऊ रऊँ।

1 थिस्सलुनीकियो 4:4

आउर तुमनमन ले हरकोनी पवितरता आउर मान चो संगे आपलो बायले के परापत करूक जाना,

2 तीमुथियुस 2:20

बड़े घर ने मात्र सोना चाँदी ची चो, मान्तर काट आउर माटी चो बरतन बले होऊ आय कोनी-कोनी ईजीत, आउर कोनी-कोनी बेईजित चो काजे।