2 कुरिन्थियो 3:6 - Halbi

⁶ जोन आमके नवा बायदा चो सेवक होतोर लायक बले करलो, शब्द चो सेवक नाई मान्तर आत्मा चो; कसनबल्लोने शब्द मारू आय, मान्तर आत्मा जिआऊ आय।

परमेस्वर को सच्चो वचन ख जाननू

⁶ जो न हमे ख नयो वादा को दास होन को लायक भी करियो हैं, सब्द को दास नी यानी आत्मा को; काहेकि सब्द मर हैं, पर आत्मा जिन्दो कर हैं।

2 कुरिन्थियो 3:6 ပူးပေါင်းရင်းမြစ်များ

मत्ती 13:52

फेर ईशु हुनमन ले बल्लो, “ऐईकाजे सपाय शास्तरी जोन सरग राज चो चेला बनलो से, हुन घर चलाऊ बिता चो असन आय जोन आपलो भण्डार ले नवा आउर जुना तीजमन निकराऊ आय।”

मत्ती 26:28

कसनबल्लोने ऐ बायदा चो मोचो हुन लऊ आय, जोन खुबेमन चो काजे पापमन चो छमा चो लागुन बहाया जाये से।

मरकुस 14:24

आउर ईशु हुनमन ले बल्लो, “ऐ बायदा चो मोचो लऊ आय, जोन खुबे लोग काजे बहाया जाये से।

लूका 22:20

ऐई रीति ले हुन भात चो पाचे बटका बले ऐ बोलते-बोलते दिलो, “ऐ बटका मोचो हुन लऊ ने जोन तुमचो काजे बहाया जाये से, नवा बायदा आय।

यूहन्ना 5:21

जसन बुआ मरलो लोगमन के उठाऊ आय आउर जिआऊ आय, असने ची बेटा बले जोन के चाहाऊ आय हुनमन के जिआऊ आय।

यूहन्ना 6:63

आत्मा तो जीवन देऊ आय, देंह ले काई लाब नाई; जोन गोठमन मय तुमचो ले बल्ले से हुन आत्मा आय, आउर जीव बले आय।

रोमियो 1:5

हुनचो बाटले आमके अनुग्रह आउर पठालोबिता चो काम मिरली कि हुनचो नाव चो कारन सपाय जातिमन चो लोग बिश्वास करून हुनचो मानोत,

रोमियो 3:20

कसनबल्लोने नियम चो काममन ले कोनी जीव हुनचो पुरे धरमी नी ठेबदे ऐईकाजे कि नियम चो बाटले पाप चो पयचान होऊ आय।

रोमियो 4:15

नियम तो रीस पयदा करू आय, आउर जाहांय नियम निआय हुता हुनचो तोड़ बले निआय।

रोमियो 4:17

जसन लिकलोर आसे, “मय तुके खुबे जातिमन चो बुआ ठेबाले से” हुन माहापुरू चो पुरे जेचो थाने बिश्वास करलो, आउर हुन मरलो बितामन के जिआ लो से, आउर जोन गोठमन आसे ची नाई हुनमन चो नाव असन धरू आय कि माना हुनमन आसोत।

रोमियो 7:6

मान्तर जेचो गांट ने आमी रलु हुनचो काजे मरून भाती, अदायं नियम ले असन छुटलु, कि लिकलोर जुना रीति थाने नाई, मान्तर आत्मा चो नवा रीति थाने सेवा करूंसे।

रोमियो 8:2

कसनबल्लोने जीवन चो आत्मा चो नियम ने मसीह ईशु ने मोके पाप चो, आउर मरना चो नियम ले छुटछाड़ा करून दिलो।

1 कुरिन्थियो 11:25

ऐई रीति ले हुन बिआरी चो पाटकुती बटका बले धरलो आउर बल्लो, “ऐ बटका मोचो लऊ ने नवा बायदा आय: जेबे केबीई पिआ, तेबे मोचो सुरता काजे ऐई करा।”

1 कुरिन्थियो 12:28

आउर माहापुरू कलीसिया ने अलग-अलग माने तिआर करलो से; पयला पठालोबिता, दुसर अगम गिआनी, तीसर गुरजी, फेर सामरत चो काम करतो बितामन, फेर चेंगा करतो बितामन, आउर उपकार करतो बितामन, आउर जुगाड़ करतो बितामन, आउर नाना परकार चो भाषा बोलतो बितामन।

1 कुरिन्थियो 15:45

असने ची लिकलोर बले आसे, कि “पईल माने, बल्लोने आदम जिन्दा प्राणी बनलो” आउर आखरी आदम जीवना देतो बिती आत्मा बनली।

1 कुरिन्थियो 3:10

माहापुरू चो हुन अनुग्रह चो अनुसार जोन मोके दिया गेली, मय अकल बितामन राजमिस्त्रीमन चो समान पाया डालले, आउर दुसर हुन थाने रदा संगाऊ आय। मान्तर हरकोनी माने चलाक रओ कि हुन हुन थाने कसन रदा संगाय से।

1 कुरिन्थियो 3:5

अपुल्लोस काय आय? आउर पौलुस काय आय? मात्र सेवक, जेचो दुवारा तुमी बिश्वास करलास, जसन हरकोनी के परबु दिलो।

2 कुरिन्थियो 11:23

काय हुनीमन ची मसीह चो सेवक आत मय बया चो असन बलें सें मय हुनमन ले बडुन भाती आंय! खुबे मसागत करलो ने; घन-घन कयद होतोर ने; कोड़ा खातोर ने; घन-घन मरना चो खतरामन ने।

2 कुरिन्थियो 3:14

मान्तर हुनमन बया होऊन गेला, कसनबल्लोने आजी ले जुना नियम पढ़तो समया हुनमन चो मनमन थाने हुनी परदा पढु रऊ आय, मान्तर हुन मसीह ने उठून जाऊ आय।

2 कुरिन्थियो 3:3

ऐ परकट आय कि तुमी मसीह चो चिठ्ठी आस, जोन के आमी सेवा करूमन चो असन लिकलु, आउर जोन सीआई ले नाई मान्तर जीवता माहापुरू चो आत्मा ले, पकना चो पटटीमन थाने नाई, मान्तर मन चो मास रूपी पट्टीमन थाने लिकलोर आसे।

2 कुरिन्थियो 3:7

अगर मरना चो हुन बायदा जेचो अखर पकनामन थाने गोदलोर रये, ऐथा ले तेजमय होली कि मूसा चो मुंह थानचो तेज चो कारन जोन घटते बले जाते रये, इस्राएल हुनमन चो मुंह थाने नंजराऊक नी सकते रवत,

2 कुरिन्थियो 3:9

कसनबल्लोने जिदलदाय दोषी ठेबातो बिती बायदा तेजमय रली, तेबे धरमी ठेबातो बिती बायदा आउर बले तेजमय केंव नी होये दे?

गलातियो 3:21

तेबे काय नियम माहापुरू चो बायदामन चो बिरूद ने आसे? केबीई नाई! कसनबल्लोने अगर असन नियम दिया जाति जोन जीव देऊक सकती, तेबे सत-सत धारमिकता नियम ले होती।

इफिसीयो 2:1

हुन तुमके बले जिआ लो, जोन आपलो अपराधमन आउर पापमन चो लागुन मरून रवत

इफिसीयो 2:5

जिदलदाय आमी अपराधमन चो लागुन मरून रलु तेबे आमके मसीह चो संगे जिआ लो (अनुग्रह ची ले तुमचो मुक्ति होली से),

इफिसीयो 3:7

मय माहापुरू चो अनुग्रह चो हुन दान चो अनुसार, जोन हुनचो सामरत चो असर चो अनुसार मोके दिया गेली, हुन नगतखबर चो सेवक बनले।

1तीमुथियुस 4:6

अगर तुय भाईमन के ऐ गोठमन चो सुद्धि दिआते रसे, तो मसीह ईशु चो अच्छा सेवक ठेब से; आउर बिश्वास आउर हुन अच्छा उपदेश चो गोठमन ले, जोन तुय मानते ईली सीस, तुचो पालन पोषन होते रयदे।

2 तीमुथियुस 1:11

जेचो काजे मय परचारक, आउर पठालोबिता, आउर उपदेशक बले ठेबले।

इब्रानियो 12:24

आउर नवा बायदा चो मंजारे ईशु आउर छिंचलोर हुन लऊ चो लगे ईलासास, जोन हाबिल चो लऊ ले बड़ीया गोठमन बोलु आय।

इब्रानियो 13:20

अदायं शान्ति देऊ माहापुरू, जोन आमचो परबु ईशु के जोन मेंडामन चो बड़े राका करू आय हरमेशा बायदा चो लऊ चो गुन ले मरलो बितामन थानले जियाऊन भाती धरून ईलो,

इब्रानियो 7:22

ऐ परकार ईशु गोटक बड़ीया बायदा चो जबाबदार ठेबलो।

इब्रानियो 8:13

नवा बायदा चो बनातोर ले हुन पयला बायदा के जुना ठेबाऊन दिलो; आउर जोन तीज जुना आउर टूटा-फुटा होऊन जाऊ आय हुनचो मेटुन जातोर जरूरी आय।

1 पतरस 3:18

ऐईकाजे कि मसीह बले, आउर अधरमीमन काजे धरमी, पापमन चो लागुन गोटक हार दुख उठालो, बल्ले आमके माहापुरू चो लगे अमराओ हुन देंह चो भाव ले तो घात करा गेलो, मान्तर आत्मा चो भाव ले जिआया गेलो।

1यूहन्ना 1:1

हुन जीवना चो बचन चो बारे ने जोन मुर ले रये, जेके आमीमन सुनलु, आउर जेके आपलो आँईकमन ले दकलु, बल्लोने जेके आमीमन धिआन ले दकलु आउर हाथमन ले छिंवलु।