2 कुरिन्थियो 2:14 - Halbi

¹⁴ मान्तर माहापुरू चो धन्यबाद होओ जोन मसीह ने सदा आमके जय चो हरिक ने धरून फिरू आय, आउर आपलो गिआन चो बास आमचो बाटले हर जगा फयलाऊ आय।

परमेस्वर को सच्चो वचन ख जाननू

¹⁴ अऊर परमेस्वर को धन्यवाद हो, जो हम ख लगातार मसी कि जीत सफर म लेख चला हैं अऊर हमारो दुवारा अपनो नाम को ग्यान कि सुगन्ध जगह फैलो हैं।

2 कुरिन्थियो 2:14 ပူးပေါင်းရင်းမြစ်များ

यूहन्ना 16:33

मय ऐ गोठमन तुमचो ले ऐईकाजे बल्ले से कि तुमके मोचो थाने शान्ति मिरो। संवसार ने तुमके कलेश होऊ आय, मान्तर हिम्मत जटाव, मय संवसार के जितले से।”

रोमियो 1:8

पयले मय तुमी सपाय काजे ईशु मसीह चो बाटले आपलो माहापुरू चो धन्यबाद करेंसे, कसनबल्लोने तुमचो बिश्वास चो चरचा पूईतराय जगत ने होये से।

रोमियो 15:19

आउर चिनामन, आउर भयंकर काममन चो सामरत ले, आउर पवितर आत्मा चो सामरत ले मोचो ची बाटले करला, ऐथा ले कि मय यरूशलेम ले धरून भाती चारो बाटे इल्लुरिकुम ले मसीह चो नगतखबर चो पुरा-पुरा परचार करले।

रोमियो 6:17

मान्तर माहापुरू चो धन्यबाद होओ कि तुमी जोन पाप चो दास रलास अदायं मन ले हुन उपदेश चो मानतो बिता होऊन गेलास, जेचो छछा ने डालाय जाऊ रलास,

रोमियो 8:37

मान्तर ऐ सपाय गोठमन ने आमी हुनचो बाटले जोन आमचो ले मया करलो से, जितरो बिता ले बले बडुन भाती आंव।

1 कुरिन्थियो 12:8

कसनबल्लोने गोटक के आत्मा चो दुवारा अकल चो गोठमन दिया जाऊ आय, आउर दुसर के हुनी आत्मा चो अनुसार गिआन चो गोठमन।

1 कुरिन्थियो 15:37

आउर जोन तुय बुन आस, ऐ हुन देंह नुआय जोन पयदा होतो बिती आय, मान्तर निरादान आय, भले गऊँ चो भले कोनी आउर अनाज चो।

1 कुरिन्थियो 15:57

मान्तर माहापुरू चो धन्यबाद होओ, जोन आमचो परबु ईशु मसीह चो बाटले आमके जयवन्त करू आय।

2 कुरिन्थियो 1:11

तुमी बले मिसुन भाती पारथना चो बाटले आमचो सायता करा से कि जोन बर खुबेमन चो लागुन आमके मिरली, हुनचो लागुन खुबे लोग आमचो बाटले धन्यबाद करोत।

2 कुरिन्थियो 8:16

माहापुरू चो धन्यबाद होओ, जोन तुमचो काजे हुनी उदुम तीतुस चो मन ने डालुन दिलो से।

2 कुरिन्थियो 9:15

माहापुरू चो, हुनचो हुन दान चो काजे जोन बरनन ले बाहरे आसे, धन्यबाद होओ।

इफिसीयो 5:2

आउर मया ने चला जसन मसीह बले तुमचो ले मया करलो, आउर आमचो काजे आपन खुद के सुखदाई बास चो काजे माहापुरू चो पुरे भेट करून बलिदान करून दिलो।

इफिसीयो 5:20

आउर सदा सपाय गोठमन चो काजे आमचो परबु ईशु मसीह चो नाव ले माहापुरू बुआ चो धन्यबाद करते राहा।

फिलिप्पियो 4:18

मचो लगे सपाय काई आसे, मान्तर खुबे ले खुबे बले आसे; जोन तीजमन तुमी इपफ्रुदीतुस चो हाथ ले पटाऊन रलास हुनमन के पाऊन भाती मय संतुष्ट होऊन गेले से, हुन तो सुख देतो बिती बास, धरतो लायक बलिदान आय, जोन माहापुरू के भाऊ आय।

कुलुस्सियो 1:23

अगर तुमी बिश्वास चो पाया थाने जमखम बनुन राहा आउर हुन नगतखबर चो आशा के जोन के तुमी सुनलासास नी छांडा, जेचो परचार बादरी चो खाले चो पूईतराय बरमाण्ड ने कराय गेली, आउर जेचो मय, पौलुस, सेवक बनले।

कुलुस्सियो 1:6

जोन तुमचो लगे पहुँचली से, आउर जसन जगत ने बले फर आनुन आउर बाड़ते जाऊ आय, असने ची जोन दिन ले तुमी हुनके सुनलास आउर सत ले माहापुरू चो अनुग्रह चितालासास, तुमचो ने बले असने ची करू आय।

कुलुस्सियो 2:15

आउर हुन परधानपन आउर अधिकारमन के आपलो ऊपर ले उतराऊन भाती हुनमन चो खुलम खुला तमाशा बनालो आउर कुरूस चो लागुन हुनमन उपरे जय-जय कार चो कोलार सुनाला।

1 थिस्सलुनीकियो 1:8

कसनबल्लोने तुमचो थानले ना मात्र मकिदुनिया आउर अखाया ने परबु चो बचन सुनाया गेली, मान्तर तुमचो बिश्वास चो जोन माहापुरू उपरे आसे, हर जगा असन चरचा फयलुन गेली से कि आमके बोलतोर जरूरत ची निआय।

1 थिस्सलुनीकियो 3:9

आउर जसन हरिक तुमचो लागुन आपलो माहापुरू चो पुरे आसे, हुनचो पलटा तुमचो बारे ने आमी कोन रीति ले माहापुरू चो धन्यबाद करूं दे?

1तीमुथियुस 2:8

ऐईकाजे मय चाहायें से कि हर जगा माने, बिना रीस आउर झगड़ा चो पवितर हाथमन के उठाऊन भाती पारथना करोत।

2 तीमुथियुस 2:2

आउर जोन गोठमन तुय खुबे असन गोहईमन चो पुरे मोचो ले सुनली सीस, हुनमन के बिश्वासी मानेमन के सोपुन देस; जोन दुसर के बले सिकातोर लायक होओ।

प्रकाशितवाक्य 7:12

“आमीन! आमचो माहापुरू चो स्तुति आउर महिमा आउर गिआन आउर धन्यबाद आउर ईजीत आउर सामरत आउर शक्ति जुग-जुग बनुन रओ। आमीन!”