2 कुरिन्थियो 13:9 - Halbi

⁹ जिदलदाय आमी कमजोर आंसु आउर तुमी बलवन्त हुआ, तेबे आमी हरिक होऊ आंव, आउर ऐ पारथना बले करू आंव कि तुमी सिद्ध होऊन जाआ।

परमेस्वर को सच्चो वचन ख जाननू

⁹ जब हम कमजोर हैं अर तुम ताकत वार हैं, ते हम खुसी होए हैं, अर प्रार्थना भी करिये हैं कि तुम सिध्द हो जा।

2 कुरिन्थियो 13:9 ပူးပေါင်းရင်းမြစ်များ

रोमियो 15:2

आमीमन ले हरकोनी आपलो पड़ोसी के हुनचो भलाई काजे हरिक करू कि हुनचो उन्नती होओ।

1 कुरिन्थियो 1:10

हे भाईमन, मय तुमचो ले आमचो परबु ईशु मसीह चो नाव ले बिनती करें से कि तुमी सपाय गोटक ची गोठ बोला, आउर तुमचो ने फूट नी होओ, मान्तर गोटक ची मन आउर गोटक ची मति होऊन भाती मिलुन राआ।

1 कुरिन्थियो 2:3

मय कमजोरी आउर डर चो संगे, आउर खुबे थरथरुन-थरथरुन तुमचो संगे रले;

1 कुरिन्थियो 4:10

आमी मसीह चो काजे मुरूक आंव, मान्तर तुमी मसीह ने अकल बितामन आस; आमी कमजोर आंव, मान्तर तुमी बलवान आस। तुमी ईजीत पाऊ आस, मान्तर आमी निरादर होऊ आंव।

2 कुरिन्थियो 11:30

अगर घमण्ड करतोर जरूरी आय, तो मय आपलो कमजोरी चो गोठमन थाने घमण्ड करें दें।

2 कुरिन्थियो 13:11

आउर हे भाईमन, हरिक राआ; सिद्ध बनते जाआ; हिम्मत संगाआ; गोटक ची मन संगाआ; मिलुन राआ। आउर मया आउर शान्ति चो देतो बिता माहापुरू तुमचो संगे रये दे।

2 कुरिन्थियो 13:4

हुन कमजोरी चो लागुन कुरूस उपरे चेगाया गेलो, तेबले बले माहापुरू चो सामरत ले जीव आसे। आमी बले हुन थाने कमजोर आंसु, मान्तर माहापुरू चो सामरत ले जोन तुमचो काजे आसे, हुनचो संगे जिऊन्दे।

2 कुरिन्थियो 4:12

ऐ परकार मरना तो आमचो उपरे असर डालु आय आउर जीव तुमचो उपरे।

2 कुरिन्थियो 7:1

आउर हे लाडरामन, जिदलदाय कि ऐ बायदामन आमके मिरली से, तो ईआ, आमी आपन खुद देंह आउर आत्मा चो सपाय मईल ले शुद्ध करूं, आउर माहापुरू चो भय संगाते-संगाते पवितरता के सिद्ध करूं।

कुलुस्सियो 1:28

जेचो परचार करून आमी हरकोनी माने के जनाऊन देऊ आंव आउर पुईतराय गिआन ले हरकोनी माने के सिकाऊ आंव, कि आमी हरकोनी माने के मसीह ने सिद्ध करून हाजिर करूं।

कुलुस्सियो 4:12

इपफ्रास, जोन तुमचो ले आय आउर मसीह ईशु चो दास आय, तुमके जुहार बलेंसें आउर सदा तुमचो काजे पारथनामन ने कोशिश करू आय, बल्ले तुमी सिद्ध होऊन भाती पुरा बिश्वास चो संगे माहापुरू चो इच्छा थाने थीर राहा।

1 थिस्सलुनीकियो 3:10

आमी रात दिन खुबे ची पारथना करते रऊँ आंव कि तुमचो मुंह दकु आउर तुमचो बिश्वास चो घटी पुरा करूं।

2 तीमुथियुस 3:17

बल्ले माहापुरू चो लोग सिद्ध बनोत, आउर हरकोनी अच्छा काम करतोर काजे पयले रओत।

इब्रानियो 12:23

आउर हुन पयलवातमन चो सादा सभा आउर कलीसिया, जोनमन चो नाव सरग ने लिकलोर आसे, आउर सपाय चो नियाय करू माहापुरू चो लगे, आउर सिद्ध करलो बिती धरमीमन चो आत्मामन,

इब्रानियो 13:21

तुमके हरकोनी अच्छा गोठ ने सिद्ध करोत, जेचो ले तुमी हुनचो इच्छा पुरा करा, आउर जोन काई हुनके भाऊ आय हुनके ईशु मसीह चो लागुन आमचो ने उपजास करोत। हुनचेई महिमा जुग-जुग होते रओ। आमीन।

इब्रानियो 6:1

ऐईकाजे ईआ मसीह चो सिक्या चो मुर चो गोठमन के छांडुन भाती आमी सिद्धता चो बाटे पुरे बड़ते जाऊ, आउर मरलो बिती काममन ले मन फिरातो, आउर माहापुरू उपरे बिश्वास करतोर,

1 पतरस 5:10

अदायं माहापुरू जोन सपाय अनुग्रह चो देतो बिता आय, जोन तुमके मसीह ने आपलो अमर महिमा चो काजे हाग दिलो से, तुमचो डण्डिक काजे दुख उठालोर पाचे खुद ची तुमके सिद्ध आउर थीर आउर बलवान करे दे।