2 कुरिन्थियो 13:11 - Halbi

¹¹ आउर हे भाईमन, हरिक राआ; सिद्ध बनते जाआ; हिम्मत संगाआ; गोटक ची मन संगाआ; मिलुन राआ। आउर मया आउर शान्ति चो देतो बिता माहापुरू तुमचो संगे रये दे।

परमेस्वर को सच्चो वचन ख जाननू

¹¹ आखरी म, अरे मोरो भई बहिन हुन, खुसी रह; सिध्द बनते जा; धीरज रख; एक ही मन रख; मिल ख रवह। अर प्रेम सान्ति को दाता परमेस्वर तुमारा संग होए।

2 कुरिन्थियो 13:11 ပူးပေါင်းရင်းမြစ်များ

मत्ती 1:23

“दका, गोटक कुंआरी देंहबारी होयेदे आउर गोटक बेटा जनमायदे, आउर हुनचो नाव इम्मानुएल संगाया जायेदे,” जेचो अरत आय-माहापुरू आमचो संगे।

मत्ती 5:48

ऐईकाजे जरूरी आय कि तुमी सिद्ध बना, जसन तुमचो सरग चो बुआ सिद्ध आय।”

मरकुस 10:49

तेबे ईशु ठेबुन भाती बल्लो, “हुनके हाग दिआस।” आउर लोगमन हुन काना के हाग देऊन भाती हुनचो ले बल्ला, “धीरज धर! उठ! हुन तुके हाग देये से।”

मरकुस 9:50

लोन ठीक आय, मान्तर अगर लोन चो सुआद जाते रये दे, तेबे हुनके काय ले खर करा से? आपलो थाने लोन संगावा, आउर आपस ने मिला-मिसा होऊन राआ।”

लूका 9:61

गोटक दुसर बले बल्लो, “हे परबु, मय तुचो पाटे होयें दें, मान्तर पयले मोके जाऊक देस कि आपलो घर चो लोगमन ले बिदा धरून ऐयें दें।”

यूहन्ना 17:23

मय हुनमन ने आउर तुय मोचो ने कि हुनमन सिद्ध होऊन भाती गोटक होऊन जाओत, आउर संवसार जानो कि तुय ची मोके पठालीस, आउर जसन तुय मचो ले मया संगालीस असने ची हुनमन ले मया संगाले।

प्रेरितो 15:29

“कि तुमी मुरतीमन थाने पुजलो बिती ले आउर लऊ ले, आउर टोडरा अलटलो बिती मास ले आउर बेबीचार ले लापी राहा। ऐ मन ले लापी राहा तेबे तुमचो भला होये दे। पुरे शुभ।”

प्रेरितो 18:21

मान्तर ऐ बोलुन भाती हुनमन ले बिदा होलो, “अगर माहापुरू मन करे दे तेबे मय तुमचो लगे फेर ऐयें दें।” तेबे हुन इफिसुस ले जाहाज ढीलुन भाती जाते गेलो;।

प्रेरितो 23:30

“जिदलदाय मोके सांगा गेली कि हुनमन ऐ माने चो घत ने भीड़ला सोत तेबे मय तुरते हुनके तुचो लगे पटाऊन दिले; आउर बयरीमन के बले हुकुम दिले कि तुचो पुरे हुनचो उपरे नालिस करोत।”

रोमियो 12:16

आपस ने गोटक समान मन संगाआ; घमण्डी नी हो, मान्तर सोज लोगमन चो संगे संगत संगाआ; आपलो नजर ने अकल बितामन नी होओ।

रोमियो 12:18

जाहां ले होऊक सके, तुमी भरसक सपाय मानेमन चो संगे मेल मिलाप संगाहा।

रोमियो 14:19

ऐईकाजे आमी हुन गोठमन ने लगुन रऊँ जोनमन ले मिला-मिसा आउर गोटक दुसर चो सुदार होओ।

रोमियो 15:13

माहापुरू जोन आशा चो देऊ बिता आय तुमके बिश्वास करतो ने सपाय परकार चो हरिक आउर शान्ति ले भरपूर करो, कि पवितर आत्मा चो सामरत ले तुमचो आशा बाड़ते जाओ।

रोमियो 15:33

शान्ति चो माहापुरू तुमी सपाय चो संगे रओ। आमीन।

रोमियो 16:20

शान्ति चो माहापुरू शयतान के तुमचो पाँयमन ले झटके रमदुन देये दे। आमचो परबु ईशु मसीह चो अनुग्रह तुमचो उपरे होते रओ।

1 कुरिन्थियो 1:10

हे भाईमन, मय तुमचो ले आमचो परबु ईशु मसीह चो नाव ले बिनती करें से कि तुमी सपाय गोटक ची गोठ बोला, आउर तुमचो ने फूट नी होओ, मान्तर गोटक ची मन आउर गोटक ची मति होऊन भाती मिलुन राआ।

2 कुरिन्थियो 1:4

हुन आमचो सपाय कलेशमन ने शान्ति देऊ आय; बल्ले आमी हुन शान्ति चो लागुन जोन माहापुरू आमके देऊ आय, हुनमन के बले शान्ति देऊक सकु जोन कोनी परकार चो कलेश ने आसोत।

2 कुरिन्थियो 13:14

परबु ईशु मसीह चो अनुग्रह आउर माहापुरू चो मया आउर पवितर आत्मा चो भागीदारी तुमी सपाय चो संगे होते रओ।

2 कुरिन्थियो 13:9

जिदलदाय आमी कमजोर आंसु आउर तुमी बलवन्त हुआ, तेबे आमी हरिक होऊ आंव, आउर ऐ पारथना बले करू आंव कि तुमी सिद्ध होऊन जाआ।

इफिसीयो 4:12

जेचो ले पवितर लोग सिद्ध होऊन जाओत आउर सेवा चो काम कराय जाओ आउर मसीह चो देंह उन्नती पाओ,

इफिसीयो 4:3

आउर मेल चो बान्दन ने आत्मा चो सोर सुतर ने संगातोर कोशिश करा।

इफिसीयो 6:23

माहापुरू बुआ आउर परबु ईशु मसीह चो बाटले भाईमन के शान्ति आउर बिश्वास संगे मया मिरो।

फिलिप्पियो 1:27

मात्र ईतलो करा कि तुमचो चाल-चलन मसीह चो नगतखबर चो लायक होओ कि भले मय ऐऊन भाती तुमके दकेंदें, भले नी बले ऐयें, तुमचो बारे ने ऐई सुनेंदे कि तुमी गोटक ची आत्मा ने थीर आसास, आउर गोटक मन होऊन भाती नगतखबर चो बिश्वास चो काजे मसागत करते रऊ आस,

फिलिप्पियो 3:16

ऐईकाजे जोन लगले आमी अमरलु से, हुनचेई अनुसार चलु।

फिलिप्पियो 4:2

मय यूओदिआ के बिनती करें से आउर सुन्तूखे के बले, कि हुनमन परबु ने गोटक मन रओत।

फिलिप्पियो 4:4

परबु ने हरमेशा हरिक राआ; मय फेर बलेंसें, हरिक ने राआ।

फिलिप्पियो 4:9

जोन गोठमन तुमी मचो ले सिकलास, आउर गरहन करलास, आउर सुनलास, आउर मचो ने दकलास, हुनीमन चो पालन करा, तेबे माहापुरू चो जोन शान्ति चो झरन आय तुमचो संगे रयदे।

1 थिस्सलुनीकियो 3:10

आमी रात दिन खुबे ची पारथना करते रऊँ आंव कि तुमचो मुंह दकु आउर तुमचो बिश्वास चो घटी पुरा करूं।

1 थिस्सलुनीकियो 4:1

ऐईकाजे हे भाईमन, आमी तुमके गुहार करूं से आउर तुमके परबु ईशु ने समजाऊँ से कि जसन तुमी आमचो ले लायक चाल चलतोर आउर माहापुरू के हरिक करतोर सिकलासास, आउर जसन तुमी चलेसास बले, असने ची आउर बले बड़ते जाहा।

1 थिस्सलुनीकियो 4:18

ऐई परकार ऐ गोठमन ले गोटक दुसर के शान्ति दिया करा।

1 थिस्सलुनीकियो 5:13

आउर हुनमन चो काम चो कारन मया चो संगे हुनमन के खुबे ची मान चो लायक समजा। आपस ने मेल मिलाप ले राहा।

1 थिस्सलुनीकियो 5:16

सदा हरिक ने राहा।

1 थिस्सलुनीकियो 5:23

शान्ति चो माहापुरू खुदे ची तुमके पुरा रीति ले पवितर करो; आउर तुमचो आत्मा आउर जीव आउर देंह आमचो परबु ईशु मसीह चो ऐतो दाय ले पुरा आउर बेकसूर सुरक्षित रओत।

2 थिस्सलुनीकियो 2:16

आमचो परबु ईशु मसीह खुद ची, आउर आमचो बुआ माहापुरू, जोन आमचो ले मया संगालो आउर अनुग्रह ले अमर शान्ति आउर अच्छा आशा दिलोसे,

2 थिस्सलुनीकियो 3:1

आखरी ने, हे भाईमन, आमचो काजे पारथना करते राआ कि परबु चो बचन असन झटके फयलो आउर महिमा पाओ, जसन तुमचो ने होली,

2 थिस्सलुनीकियो 3:16

अदायं परबु जोन शान्ति चो झरन आय खुद ची तुमके सदा आउर हर परकार ले शान्ति देओ। परबु तुमी सपाय चो संगे रओ।

2 तीमुथियुस 2:22

ठेंगवा दाय चो इच्छामन ले पराव, आउर जोन शुद्धमन ले परबु चो नाव धरू आत हुनमन चो संगे धरम, आउर बिश्वास, आउर मया, आउर मिला मिसा के पीछा कर।

इब्रानियो 12:14

सपाय ले मेल मिलाप संगाहा, आउर हुन पवितरता चो खोजी हुआ जेचो बिना कोनी परबु के केबे नी दक दे।

इब्रानियो 13:20

अदायं शान्ति देऊ माहापुरू, जोन आमचो परबु ईशु के जोन मेंडामन चो बड़े राका करू आय हरमेशा बायदा चो लऊ चो गुन ले मरलो बितामन थानले जियाऊन भाती धरून ईलो,

याकूब 1:4

मान्तर धीरज के आपलो पुरा काम करूक दिआस कि तुमी पुरा आउर सिद्ध होऊन जाहा, आउर तुमचो थाने कोनी गोठ चो कमी नी रओ।

1 पतरस 3:11

हुन खराप चो संग छांड़ो, आउर भलाई ची करो; हुन मिला-मिसा के डगरा ओ, आउर हुनचो खोज ने रओ।

1 पतरस 3:8

आउर सपाय चो सपाय गोटक मन आउर किरपामय आउर भाईचारा चो लाड़ संगातो बितामन, आउर करूनामय आउर सोज बना।

1 पतरस 5:10

अदायं माहापुरू जोन सपाय अनुग्रह चो देतो बिता आय, जोन तुमके मसीह ने आपलो अमर महिमा चो काजे हाग दिलो से, तुमचो डण्डिक काजे दुख उठालोर पाचे खुद ची तुमके सिद्ध आउर थीर आउर बलवान करे दे।

प्रकाशितवाक्य 22:21

परबु ईशु चो अनुग्रह पवितर लोगमन चो संगे रओ। आमीन।