2 कुरिन्थियो 12:14 - Halbi

¹⁴ दका, मय तीसर हार तुमचो लगे ऐतो काजे तिआर आंसे, आउर मय तुमचो उपरे काई भार नी संगाये, कसनबल्लोने मय तुमचो धनमाल नाई मान्तर तुमके ची चाहाऊं आंय। कसनबल्लोने पिला-झिला के आया-बुआ चो काजे धन रूंड़ा नी करतोर आय, मान्तर आया-बुआ के पिलाझिला चो काजे।

परमेस्वर को सच्चो वचन ख जाननू

¹⁴ देख, मी तीसरी बार तुमारो लोग हुन नजीक आवन का लाने तैयार हो रयो हैं, अर मी तुम पर कई भार नी रखू हैं, काहेकि मी तुमारी सम्पत्ति नी आय पर तुम ही ख चाहूँ हैं। काहेकि पोरिया हुन का माय-बाप का लाने धन इखटा करनु नी चाहिए, पर माय-बाप ख पोरिया हुन का लाने।

2 कुरिन्थियो 12:14 ပူးပေါင်းရင်းမြစ်များ

प्रेरितो 20:33

मय कोचीई चाँदी, सोना नाहले फटीई चो लालच नी करले।

1 कुरिन्थियो 10:24

कोनी आपन चो नुकु के नाई, मान्तर दुसरमन चो नुकु के डगरा ओ।

1 कुरिन्थियो 10:33

जसन मय बले सपाय गोठमन ने सपाय के हरिक संगाऊ आय, आउर आपलो नाई मान्तर खुबेमन चो लाब डगराऊ आंय कि हुनमन मुक्ति पाओत।

1 कुरिन्थियो 11:34

अगर कोनी भुके होओ तो आपलो घर ने खाओ, जेचो ले तुमचो रूंड़ा होतोर डण्ड चो कारन नी होओ। बाकी गोठ के मय ऐऊन भाती अच्छा करेंदे।

1 कुरिन्थियो 16:5

मय मकिदुनिया होऊन भाती तुमचो लगे ऐयें दें, कसनबल्लोने मोके मकिदुनिया होऊन भाती जातोर ची आय।

1 कुरिन्थियो 4:19

मान्तर परबु चाहा ओ तो मय तुमचो लगे झटके ची ऐयें दें, आउर हुन फुललो बितामन चो गोठमन के नाई, मान्तर हुनमन चो सामरत के जाने दे।

1 कुरिन्थियो 9:12

जिदलदाय दुसरमन चो तुमचो उपरे ऐ अधिकार आसे, तेबे काय आमचो ऐचो ले आगर नी होयेदे? मान्तर आमी ऐ अधिकार काम ने नी आनलु; मान्तर सपाय काई सहु आंव कि आमचो बाटले मसीह चो नगतखबर ने काई अड़चन नी होओ।

1 कुरिन्थियो 9:18

तो मोचो काय भुती आय? ऐ कि नगतखबर सुनातो ने मय मसीह चो नगतखबर सेंत मेंत करून देये ऐथा ले कि नगतखबर ने जोन मोचो अधिकार आसे हुनके बले मय पुरा रीति ले काम ने नी आने।

1 कुरिन्थियो 9:19

कसनबल्लोने सपाय ले छुटछाड़ा होतोर ले बले मय आपन खुद के सपाय चो दास बनान दिले से कि खुबे लोगमन के झिकुन आने।

2 कुरिन्थियो 1:15

ऐई भरसा ले मय चाहते रयें कि पयले तुमचो लगे ऐयें दें कि तुमके गोटक आउर दान मिरो;

2 कुरिन्थियो 11:9

आउर जिदलदाय मय तुमचो संगे रये आउर मोके घाटा होली, तेबे मय काचीई उपरे बोजा नी लातले, कसनबल्लोने भाईमन मकिदुनिया ले ऐऊन भाती मोचो घटलोर के पुरा करला; आउर मय सपाय गोठ ने आपन खुद के तुमचो उपरे बोजा बनतोर ले ठेबाले, आउर ठेबाऊन रयें दे।

2 कुरिन्थियो 12:13

तुमी कोन असन गोठ ने दुसर कलीसियामन ले कम राआस, मात्र ऐ थाने कि मय तुमचो उपरे आपलो भार नी डालले मोचो ऐ अनियाय छमा करा।

गलातियो 4:19

हे मोचो लेकामन, जिदलदाय ले तुमचो ने मसीह चो रूप नी बनुन जाये, हुदलदाय ले मय तुमचो काजे फेर जनमा लो असन दुकामन सहु आंय।

फिलिप्पियो 4:1

ऐईकाजे हे मचो लाडरा भाईमन, जोनमन थाने मचो जीव लगु रऊ आय, जोन मचो हरिक आउर मुकुट होओ, हे लाडरा भाईमन, परबु ने ऐई परकार थीर राआ।

फिलिप्पियो 4:17

ऐ नाई कि मय दान चाहायें से मान्तर मय असन फल चाहाऊं आंय जोन तुमचो फायदा चो काजे बड़ते जाओ।

1 थिस्सलुनीकियो 2:11

तुमी जानेसास कि जसन बुआ आपलो लेकामन चो संगे बेवहार करू आय, असने ची आमी बले तुमचो थानले हरकोनी के उपदेश करते, आउर शान्ति देते, आउर समजाते रऊँ।

1 थिस्सलुनीकियो 2:8

आउर असने ची आमी तुमचो लालच करते, ना मात्र माहापुरू चो नगतखबर थाने आपलो-आपलो जीव बले तुमके देतोर तिआर रलु, ऐईकाजे कि तुमी आमचो लाड़रा होऊन जाऊ राआस।