2 कुरिन्थियो 12:11 - Halbi

¹¹ मय मुरूक तो बनले, मान्तर तुमी ची मोके ऐ करतो काजे मजबूर करलास। तुमी तो मोके सहरातोर रली, कसनबल्लोने मान्तर मय काई बले नुआय, तेबले बले हुन बड़े ले बड़े पठालोबितामन ले कोनी गोठ ने कम नुआय।

परमेस्वर को सच्चो वचन ख जाननू

¹¹ मी बेकुप हुन जसी बात कर रयो हूँ तुम लोग हुन न मोखा ऐका लाने मजबुर करियो हतो। अर तुम ही न मोरी गुजारी करी हती, काहेकि यदि मी कई भी नी आय, तेबी उन ख बड़ो प्रेरित हुन से कुई भी बात म कमी नी हैं।

2 कुरिन्थियो 12:11 ပူးပေါင်းရင်းမြစ်များ

लूका 17:10

असन रीति ले तुमी बले जिदलदाय हुन सपाय काममन के करून चुका जेचो हुकुम तुमके दिया जाऊ रये, तेबे बोला, ‘आमी ठग दास आंव; कि जोन आमके करतोर रये आमी मात्र हुनी करलु से।’”

1 कुरिन्थियो 13:2

आउर अगर मय अगम गोठ करूक सकें दें आउर सपाय भेदमन आउर सपाय परकार चो गिआन के समजेंदें, आउर मोके ऐथा ले पुरा बिश्वास होओ कि मय डोंगरीमन के गुचाऊन देयेंदे, मान्तर मया नी संगायें, तो मय काईची बले नुआय।

1 कुरिन्थियो 3:22

काय पौलुस, काय अपुल्लोस, काय कयफा, काय जगत, काय जीवना, काय मरना, काय वर्तमान, काय अगम, सपाय काई तुमचो आय,

2 कुरिन्थियो 1:6

अगर आमी कलेश पाऊ आंव, तेबे ऐ तुमचो शान्ति आउर मुक्ति चो काजे आय; आउर अगर शान्ति पाऊ आंव, तो ऐ तुमचो शान्ति चो काजे आय; जेचो असर ले तुमी धीरज चो संगे हुन कलेशमन के सहु आहास, जोनमन के आमी बले सऊं आंव।

2 कुरिन्थियो 11:1

अगर तुमी मोचो खिन्डिक असन मुरूक सहतास तेबे काय ची नुकु होती; हव, मोचो साहा बले।

2 कुरिन्थियो 11:5

मय तो समजु आंय कि मय कोनी गोठ ने बड़े ले बड़े पठालोबितामन ले कम नुआय।

2 कुरिन्थियो 12:12

पठालोबितामन चो चिना बले तुमचो मंजी सपाय परकार चो धीरज संगे चिनामन, आउर भयंकर काममन, आउर सामरत चो काममन दकाया गेली।

2 कुरिन्थियो 12:6

कसनबल्लोने अगर मय घमण्ड करतोर चाहायें दे बले तेबे मुरक नी होयें दे, कसनबल्लोने सते बलें दे; तेबले बले ठेबुन जाऊँ आंय, असन नी होओ कि जसन कोनी मोके दकु आय नाहले मोचो ले सुनु आय, मोके हुनचो ले बडुन समजा।

2 कुरिन्थियो 3:1

काय आमी फेर आपलो बड़ाई करूक मुरयालु? नाहले आमके दुसर लोगमन चो असन गुहार चो चिठ्ठीमन तुमचो लगे आनतोर नाहले तुमचो ले धरतोर आय?

2 कुरिन्थियो 5:13

अगर आमी बेसुद आसु तो माहापुरू चो काजे, आउर अगर चेत आसु तो तुमचो काजे आय।

गलातियो 6:3

कसनबल्लोने अगर कोनी काई नी होलो थाने बले आपन खुद के काई समजु आय, तो आपन खुद के धोका देऊ आय।

इफिसीयो 3:8

मोचो उपरे जोन सपाय पवितर लोगमन ले नानी ले बले नानी आंय, ऐ अनुग्रह होली कि मय दुसर जातिमन के मसीह चो अगममय धन चो नगतखबर सुनायें,