2 कुरिन्थियो 11:26 - Halbi

²⁶ मय घन-घन यातरामन ने; लंदीमन चो खतरामन ने; डाकुमन चो खतरामन ने; आपलो जाति बितामन ले खतरामन ने; दुसर जातिमन ले खतरामन ने; नंगरमन चो खतरामन ने; रान चो खतरामन ने; समुन्द चो खतरामन ने; फंदी भाईमन चो मंजी खतरामन ने रले।

परमेस्वर को सच्चो वचन ख जाननू

²⁶ मी बार-बार रस्ता हुन म; मोखा नद्दी हुन को जोखिम हुन; डाकू हुन को जोखिम हुन म; अपनो जाति वालो से जोखिम हुन म; दुसरी जात हुन से जोखिम हुन म; सहर हुन को जोखिम हुन म; जंगल को जोखिम हुन जोखिम म समुंदर को जोखिम हुन म; झूठो भई हुन का बीच जोखिम म रयो।

2 कुरिन्थियो 11:26 ပူးပေါင်းရင်းမြစ်များ

प्रेरितो 13:45

मान्तर यहूदी भीड़ के दकुन भाती डाह ले भरला, आउर निन्दा करते-करते पौलुस चो गोठमन चो बिरूद ने बोलुक मुरयाला।

प्रेरितो 13:50

मान्तर यहूदीमन भगत आउर सियानिन बायले लेकीमन के आउर नंगर चो मुखिया लोगमन के हुच हुचाला, आउर पौलुस आउर बरनबास चो बिरूद हुड़दुम कराऊन भाती हुनमन के आपलो संदी ले निकराऊन दिला।

प्रेरितो 14:19

मान्तर कितलो यहूदीमन अन्ताकिया आउर इकुनियुम ले ऐऊन भाती लोगमन के आपलो बाटे करला, आउर पौलुस उपरे पखना मारला, आउर मरलो समजुन भाती हुनके नंगर चो बाहरे ओड़गड़ते निला।

प्रेरितो 14:5

मान्तर जिदलदाय दुसर जाति आउर यहूदी हुनमन चो बेईजित आउर हुनमन उपरे पखना मारतो काजे आपलो सरदार संगे हुनमन उपरे गेला,

प्रेरितो 15:40

मान्तर पौलुस सीलास के चुनलो, आउर भाईमन ले माहापुरू चो अनुग्रह ने सोपी जाऊन भाती हुता ले जाते गेलो;

प्रेरितो 17:13

मान्तर जिदलदाय थिस्सलुनी चो यहूदी जानुन गेला कि पौलुस बिरीया ने बले माहापुरू चो बचन सुनाऊ आय, तेबे हुता बले ऐऊन भाती लोगमन के हुच हुचाक आउर हुड़दुम करूक मुरयाला।

प्रेरितो 17:5

मान्तर यहूदीमन कुचर ले भरून भाती बजार चो लोगमन थानले कितलो दुष्ट मानेमन के आपलो संगने धरला, आउर भीड़ रूंड़ा करून नंगर ने कोलार करूक मुरयाला, आउर यासोन चो घर थाने जबरन जाऊन हुनमन के लोगमन चो पुरे आनुक मन करला।

प्रेरितो 18:12

जिदलदाय गल्लियो अखाया देश चो हाकिम रलो, तेबे यहूदीमन गोटक होऊन पौलुस चो उपरे ईला, आउर हुनके नियाय आसन चो पुरे आनुन भाती बोलुक मुरयाला,

प्रेरितो 19:1

जिदलदाय अपुल्लोस कुरिन्थुस ने रलो, तेबे पौलुस उपर चो सपाय परदेश ले होऊन भाती इफिसुस ने ईलो। हुता खिन्डिक चेलामन के दकुन भाती

प्रेरितो 19:23

हुन समया हुन बाट चो बारे ने बड़े कोलार होली।

प्रेरितो 20:19

बल्लोने बड़े दिनता ले, आउर आँसु बहाऊन-बहाऊन भाती, आउर हुन परीक्षामन ने जोन यहूदीमन चो खराप उआट चो लागुन मोचो उपरे ऐऊन पड़ली, मय परबु चो सेवा करते ची रले

प्रेरितो 20:3

जिदलदाय तीन मयना रऊन भाती हुन हुता ले जाहाज थाने सीरिया चो बाटे जातो थाने रलो, तेबे यहूदी हुनचो घत ने भीड़ला, ऐईकाजे हुन ऐ तय करलो कि मकिदुनिया होऊन भाती बोहडून जाओ।

प्रेरितो 23:10

जिदलदाय खुबे झगड़ा होली, तेबे पलटन चो सरदार ऐ डर ले कि हुनमन पौलुस चो गोंदा-गोंदा नी करून दे ओत, पलटन के हुकुम दिलो कि उतरून भाती हुनके हुनमन चो मंजी ले जबरन निकराओत आउर गड़ ने धरून नेओत।

प्रेरितो 25:3

आउर हुनचो ले बिनती करून हुनचो बिरूद ने ऐ बर चाहला कि हुन हुनके यरूशलेम ने हाग देओ, कसनबल्लोने हुनमन हुनके बाट ने ची मारून देतोर घत ने लगु रवत।

प्रेरितो 27:42

तेबे पलटनमन चो ऐ बीचार होली कि बन्दीमन के मारून देऊ, असन नी होओ कि कोनी पोंअरून भाती निकरून परा ओत।

रोमियो 15:19

आउर चिनामन, आउर भयंकर काममन चो सामरत ले, आउर पवितर आत्मा चो सामरत ले मोचो ची बाटले करला, ऐथा ले कि मय यरूशलेम ले धरून भाती चारो बाटे इल्लुरिकुम ले मसीह चो नगतखबर चो पुरा-पुरा परचार करले।

रोमियो 8:35

कोन आमके मसीह चो मया ले अलग करेदे? काय कलेश, काय संकट नाहले उपद्रव, नाहले अकाल नाहले नंगाई, नाहले खतरा नाहले तलवार?

1 कुरिन्थियो 15:30

आउर आमी बले केंव हर घड़ी खतरा ने पडु रऊँ आंव?

1 कुरिन्थियो 15:32

अगर मय माने चो रीति थाने इफिसुस ने रान पशुमन ले लड़ले तो मोके काय फायदा होली? अगर मुरदा जिआया नी जादे, “तो ईआ, खाऊ-पीऊं, कसनबल्लोने काली के तो मरून ची जांवा।”

2 कुरिन्थियो 11:32

दमिश्क ने अरितास राजा चो बाटले जोन हाकिम रलो, हुन मोके धरतो काजे दमिशकिमन चो नंगर थाने पाहारा बसाऊन रये,

गलातियो 2:4

ऐ हुन फंदी भाईमन चो लागुन होली जोन खुसराय ओलुन ऐऊ रवत, कि हुन छुटछान्डा चो जोन मसीह ईशु ने आमके मिरली से, भेद धरून आमके दास बना ओ।