2 कुरिन्थियो 11:23 - Halbi

²³ काय हुनीमन ची मसीह चो सेवक आत मय बया चो असन बलें सें मय हुनमन ले बडुन भाती आंय! खुबे मसागत करलो ने; घन-घन कयद होतोर ने; कोड़ा खातोर ने; घन-घन मरना चो खतरामन ने।

परमेस्वर को सच्चो वचन ख जाननू

²³ का वी ही मसी को सेवक आय मी पागल का जसो कहू हैं मी उनसे बढ़ ख हूँ! जादा महेनत करन म; बार-बार जेल जानो म; सोटा खान म; बार-बार मरन को हालत म।

2 कुरिन्थियो 11:23 ပူးပေါင်းရင်းမြစ်များ

प्रेरितो 14:19

मान्तर कितलो यहूदीमन अन्ताकिया आउर इकुनियुम ले ऐऊन भाती लोगमन के आपलो बाटे करला, आउर पौलुस उपरे पखना मारला, आउर मरलो समजुन भाती हुनके नंगर चो बाहरे ओड़गड़ते निला।

प्रेरितो 20:23

मात्र ऐ कि पवितर आत्मा हर नंगर ने गोहई देऊन-देऊन भाती मोचो ले बोलु आय कि बान्दन आउर कलेश तुचो काजे तिआर आसे।

प्रेरितो 21:11

हुन आमचो लगे ऐऊन भाती पौलुस चो कटीबंद धरलो, आउर आपलो हाथ पाँय बान्दुन भाती बल्लो, “पवितर आत्मा ऐ बले से कि जोन माने चो ऐ कटीबन्ध आय, हुनके यरूशलेम ने यहूदी ऐई रीति ले बांद दे, आउर दुसर जातिमन चो हाथे सोप दे।”

प्रेरितो 25:14

हुनमन चो खुबे दिन हुता रलोर पाचे फेस्तुस पौलुस चो बारे ने राजा के सांगलो, गोटक माने आसे, जोन के फेलिक्स बन्दी छांडुन गेलो से।

प्रेरितो 27:1

जिदलदाय ऐ तय होऊन गेली कि आमी जाहाज ले इटली जांवा, तेबे हुनमन पौलुस आउर खिन्डिक दुसर बन्दीमन के बले यूलियुस नाव चो अगुस्तुस चो पलटन चो गोटक सुबेदार चो हाथे सोपुन दिला।

प्रेरितो 28:16

जिदलदाय आमी रोम ने पोंचलु, तेबे पौलुस के गोटक पलटन चो संगे जोन हुनचो राका करते रलो, ऐकला रतोर हुकुम मिरून गेली।

प्रेरितो 28:30

हुन पुरा दुय बरक आपलो किराया चो घर ने रलो,

प्रेरितो 9:16

आउर मय हुनके सांगेंदें कि मोचो नाव चो काजे हुनके कसन-कसन दुक उठाऊक पड़ेदे।

रोमियो 8:36

जसन लिकलोर आसे, “तुचो काजे आमी दिनभर घात कराय जाऊ आंव; आमी पुजाय होतो बिती मेंडामन चो असन गेनाया गेलु से।”

1 कुरिन्थियो 15:10

मान्तर मय जोन काई बले आय, माहापुरू चो अनुग्रह ले आय। हुनचो अनुग्रह जोन मोचो उपरे होली, हुन फकाहा नी होली; मान्तर मय हुन सपाय ले बडुन भाती मसागत बले करले तेबले बले ऐ मोचो बाटले नी होली मान्तर माहापुरू चो अनुग्रह ले जोन मोचो उपरे रली।

1 कुरिन्थियो 3:5

अपुल्लोस काय आय? आउर पौलुस काय आय? मात्र सेवक, जेचो दुवारा तुमी बिश्वास करलास, जसन हरकोनी के परबु दिलो।

1 कुरिन्थियो 4:1

माने आमके मसीह चो सेवक आउर माहापुरू चो भेदमन चो भण्डारी समजोत।

1 कुरिन्थियो 4:11

आमी ऐ घड़ी ले भुके पिआस आउर बिन फटीई आंसु, आउर ठुसामन खाऊँ से आउर गलिन-गलिन फिरू से;

1 कुरिन्थियो 4:9

मोचो समज ने माहापुरू आमी पठालोबितामन के सपाय चो पाचे हुन लोगमन चो असन ठेबालो से, जेचो मरना चो हुकुम होऊन चुकली से; कसनबल्लोने आमी जगत आउर सरग दूतमन आउर मानेमन चो काजे गोटक नाटवा ठेबलु से।

2 कुरिन्थियो 10:7

तुमी हुनी गोठमन के दका, जोन आँईक चो पुरे आसे। अगर कोनी के आपलो उपरे ऐ भरसा होओ कि मय मसीह चो आंय, तेबे हुन ऐ बले जानो कि जसन हुन मसीह चो आय असने ची आमी बले आंव।

2 कुरिन्थियो 11:5

मय तो समजु आंय कि मय कोनी गोठ ने बड़े ले बड़े पठालोबितामन ले कम नुआय।

2 कुरिन्थियो 3:6

जोन आमके नवा बायदा चो सेवक होतोर लायक बले करलो, शब्द चो सेवक नाई मान्तर आत्मा चो; कसनबल्लोने शब्द मारू आय, मान्तर आत्मा जिआऊ आय।

2 कुरिन्थियो 4:11

कसनबल्लोने आमी जीवता-जीवता हरमेशा ईशु चो लागुन मरना चो हाथ ने सोपा जाऊ आंव कि ईशु चो जीवना बले आमचो मरनहार देंह ने परकट होओ।

2 कुरिन्थियो 6:9

अनजानमन चो समान आत, तेबले बले नामचीन आत; मरतो बितामन चो समान आत आउर दका जीव आसोत; मार खातो बितामन चो समान आत मान्तर जीव ले मारा नी जाओत;

गलातियो 6:17

पयले ले कोनी मोके दुख नी दिआस, कसनबल्लोने मय ईशु चो दागमन के आपलो देंह ने धरून फिरें से।

इफिसीयो 3:1

ऐई लागुन मय पौलुस जोन तुमी दुसर जातिमन चो काजे मसीह ईशु चो बन्दी आंय

इफिसीयो 4:1

ऐईकाजे मय जोन परबु ने बन्दी आसे तुमचो ले बिनती करें से कि जोन बुलाहट ले तुमी हाग दिया जाऊ राआस, हुनचो लायक चाल चला,

इफिसीयो 6:20

जेचो काजे मय सिकरा ले बान्दलो बिती राजदूत आंय; आउर ऐ बले कि मय हुनचो बारे ने जसन मोके जरूरत आसे साआस ले बलेंदें।

फिलिप्पियो 1:13

ऐथा ले कि राजा चो राज महल चो पुईतराय पलटन आउर बाकी सपाय लोगमन ने ऐ परकट होऊन गेली से कि मय मसीह चो काजे बन्दी आसे;

फिलिप्पियो 2:17

अगर मोके तुमचो बिश्वास रूपी बलिदान आउर सेवा चो संगे आपलो लऊ बले बोहड़ाऊक पड़ो, तेबे बले मय हरिक आसे आउर तुमी सपाय चो संगे हरिक करूं आंय।

कुलुस्सियो 1:24

अदायं मय हुन दुखमन चो लागुन हरिक करें से, जोन तुमचो काजे उठाऊँ आंय आउर मसीह चो कलेशमन चो ऊना हुनचो देंह चो काजे, बल्ले कलीसिया चो काजे, आपलो देंह ने पुरा करू आंय;

कुलुस्सियो 1:29

ऐचीई काजे मय हुनचो हुन शक्ति चो अनुसार जोन मोचो ने सामरत चो संगे असर करू आय, तनमन लगाऊन भाती मसागत बले करू आंय।

1 थिस्सलुनीकियो 3:2

आउर आमीमन तीमुथियुस के, जोन मसीह चो नगतखबर ने आमचो भाई आउर माहापुरू चो सेवाकरू आय, ऐईकाजे पठाले कि हुन तुमके थीर करो आउर तुमचो बिश्वास चो बारे ने तुमके समजाओ,

1तीमुथियुस 4:6

अगर तुय भाईमन के ऐ गोठमन चो सुद्धि दिआते रसे, तो मसीह ईशु चो अच्छा सेवक ठेब से; आउर बिश्वास आउर हुन अच्छा उपदेश चो गोठमन ले, जोन तुय मानते ईली सीस, तुचो पालन पोषन होते रयदे।

2 तीमुथियुस 1:16

उनेसिफुरूस चो घरलोगमन उपरे परबु दया करो, कसनबल्लोने हुन खुबे हार मोचो जीव के सितर करलो आउर मोचो सिकरामन ले लाज नी होलो।

2 तीमुथियुस 1:8

ऐईकाजे आमचो परबु चो गोहई ले, आउर मोचो ले जोन हुनचो कयदी आंय, लाजे नी हो, मान्तर हुन माहापुरू चो सामरत चो असन नगतखबर चो काजे मोचो संगे दुख उठाव

2 तीमुथियुस 2:9

जेचो काजे मय कुकरमी चो असन दुख उठाऊँ आय, ऐथा ले कि कयद बले आंसे; मान्तर माहापुरू चो बचन कयद निआय।

2 तीमुथियुस 3:11

आउर असन दुखमन ने बले जोन अन्ताकिया आउर इकुनियुम आउर लुस्त्रा ने मोचो उपरे पडुन रये, आउर दुसर दुखमन ने बले जोन मय उठाले से; मान्तर परबु मोके हुन सपाय ले छंडालो।

फिलेमोन 1:9

तेबे बले मय डोकरा पौलुस के जोन अदायं मसीह ईशु चो काजे कयदी आंय, ऐ आउर बले अच्छा जान पढ़ली कि मया ले बिनती करें।

इब्रानियो 10:34

कसनबल्लोने तुमी कयदीमन चो दुक ने बले दुकी होलास आउर आपलो सम्पत्ति बले हरिक ले जटुक दिलास; ऐ जानुन भाती कि तुमचो लगे गोटक आउर बले बड़ीया आउर हरमेशा ठेबतो बिती सम्पत्ति आसे।