2 कुरिन्थियो 11:10 - Halbi

¹⁰ अगर मसीह चो सत मोचो ने आसे तो अखाया देश ने कोनी मोके ऐ घमण्ड ले नी ठेबा दे।

परमेस्वर को सच्चो वचन ख जाननू

¹⁰ अदि मसी की सच्चाई मोरो म हैं ते अखया प्रदेस म ख कोई मो ख यी घमण्ड से नी रोकेगो।

2 कुरिन्थियो 11:10 ပူးပေါင်းရင်းမြစ်များ

प्रेरितो 18:12

जिदलदाय गल्लियो अखाया देश चो हाकिम रलो, तेबे यहूदीमन गोटक होऊन पौलुस चो उपरे ईला, आउर हुनके नियाय आसन चो पुरे आनुन भाती बोलुक मुरयाला,

प्रेरितो 18:27

जिदलदाय हुन तय करलो कि हुनपाट उतरून भाती अखाया चो बाटे जाओ तेबे भाईमन हुनके हिम्मत देऊन भाती चेलामन के लिकला कि हुनमन हुनके अच्छा ढंग ले मिलोत; आउर हुन हुता पोंचुन भाती हुन लोगमन चो बड़े सायता करलो जोनमन अनुग्रह चो लागुन बिश्वास करू रला।

रोमियो 1:9

माहापुरू जेचो सेवा मय आपलो आत्मा ले हुनचो बेटा चो नगतखबर चो बारे ने करेंसे, हुनी मोचो गोहई आय कि मय तुमके कसन परकार सरलगा सुरता करते रऊ आंय,

रोमियो 16:5

हुन कलीसिया के बले जुहार जोन हुनचो घर ने आसोत। मोचो लाड़रा इपैनितुस के, जोन मसीह चो काजे आसिया चो पयला फल आय, जुहार।

रोमियो 9:1

मय मसीह ने सत बलेंसें, झूठ नी बलें आउर मोचो बिबक बले पवितर आत्मा ने गोहई देऊ आय।

1 कुरिन्थियो 16:15

हे भाईमन, तुमी स्तिफनास चो घरलोगमन के जानास कि हुनमन अखाया चो पयला फल आत, आउर पवितर लोगमन चो सेवा चो काजे तिआर रऊ आत।

2 कुरिन्थियो 1:1

पौलुस चो बाटले जोन माहापुरू चो इच्छा ले मसीह ईशु चो पठालोबिता आय। आउर भाई तीमुथियुस चो बाटले ले माहापुरू चो हुन कलीसिया चो नाव, जोन कुरिन्थुस ने आसे आउर सपाय अखाया चो सपाय पवितर लोगमन चो नाव:

2 कुरिन्थियो 1:23

मय माहापुरू के गोहई करून बलेंसें कि मय ऐबे ले कुरिन्थुस ने ऐईकाजे नी ईले, कि मोके तुमचो उपरे तरस ऐते रये।

2 कुरिन्थियो 10:15

आमी संदी ले बाहरे दुसर चो मसागत थाने घमण्ड नी करूं; मान्तर आमके आशा आसे कि जसन-जसन तुमचो बिश्वास बाड़ते जाय दे असने-असने आमी आपलो संदी चो अनुसार तुमचो लागुन आउर बले बड़ते जांवा।

2 कुरिन्थियो 11:12

मान्तर जोन मय करू आंय, हुनी करते रयें दे कि जोन लोग दाँव डगराऊ आत हुनमन के मय दाँव पाऊक नी देयें, बल्ले जोन गोठ ने हुनमन घमण्ड करू आत, हुन थाने हुनमन आमचो ची असन ठेबोत।

2 कुरिन्थियो 11:31

परबु ईशु चो माहापुरू आउर बुआ जोन हरमेशा धन्य आय, जाने से कि मय झूठ नी बलें।

2 कुरिन्थियो 12:19

तुमी ऐबले समजेसास होती कि आमी तुमचो पुरे जबाप उपरे जबाप देऊँ से। आमी तो माहापुरू के हाजिर जानुन भाती मसीह ने बोलु से, आउर हे लाड़रामन, सपाय गोठमन तुमचो उन्नती चो काजे बोलूं से।

2 कुरिन्थियो 9:2

कसनबल्लोने मय तुमचो मन चो तिआर के जाने, जेचो लागुन मय तुमचो बारे ने मकिदुनिया रतो बितामन चो पुरे घमण्ड दकाऊ आंय कि अखाया चो लोग गोटक बरक ले तिआर होला सोत, आउर तुमचो हरिक आउर खुबेमन के बले उठाला से।

गलातियो 1:20

जोन गोठमन मय तुमके लिके से, दका, माहापुरू चो हाजिर जानुन भाती बलें सें कि हुनमन झूठा नुआय।

गलातियो 2:20

मय मसीह चो संगे कुरूस उपरे चेगाया गेले से, अदायं मय जीव नी रले, मान्तर मसीह मोचो ने जीव आसे; आउर मय देंह ने अदायं जोन जीव आंसे तो मात्र हुन बिश्वास ले जीव आंसे जोन माहापुरू चो बेटा उपरे आसे, जोन मोके मया करलो आउर मोचो काजे आपन खुद के देउन दिलो।

1 थिस्सलुनीकियो 2:10

तुमी खुद ची गोहई आहास, आउर माहापुरू बले गोहई आय कि तुमी बिश्वासीमन चो मंजी ने आमचो बेवहार कसन पवितर आउर धारमीक आउर बेकसूर रली।

1 थिस्सलुनीकियो 2:5

कसनबल्लोने तुमी जानेसास कि आमी ना तो केबीई चापलुसी चो गोठमन करा करते रऊँ, आउर ना लोभ चो काजे बाहना करते रऊँ, माहापुरू गोहई आसे;

1तीमुथियुस 2:7

मय सत बलेंसें, झूठ नी बोलें कि मय ऐई बिचार ले परचारक आउर पठालोबिता आउर दुसर जातिमन चो काजे बिश्वास आउर सत चो उपदेशक ठेबाय गेलो।