2 कुरिन्थियो 11:1 - Halbi

¹ अगर तुमी मोचो खिन्डिक असन मुरूक सहतास तेबे काय ची नुकु होती; हव, मोचो साहा बले।

परमेस्वर को सच्चो वचन ख जाननू

¹ अदि तुम मोरी थोड़ी सी मुर्खता बात हुन झेल भी लाने ते का ही भलो होए; हाव, मोरी झेल भी ले हैं।

2 कुरिन्थियो 11:1 ပူးပေါင်းရင်းမြစ်များ

मत्ती 17:17

ईशु जबाप दिलो, “हे अन्दबिश्वासी आउर टेनाहा लोगमन, मय केब ले तुमचो संगे रयेंदें? केबे तक तुमचो सहेंदें? हुनके ऐथा मोचो लगे आना।”

प्रेरितो 18:14

जिदलदाय पौलुस बोलतो ची थाने रलो, तेबे गल्लियो यहूदीमन ले बल्ला, हे यहूदीमन, अगर ऐ काई ओनियाय नाहले खराप चो गोठ होती, तेबे नगत रली कि मय तुमचो सुनते।

प्रेरितो 26:29

पौलुस बल्लो, “माहापुरू ले मोचो पारथना आय कि काय खिन्डिक ने काय खुबे ने, मात्र तुय ची नाई मान्तर जितरो लोग आजी मोचो सुनु आत, ऐ बान्दनमन के छांडुन हुनमन मोचो समान होऊन जाओत।”

1 कुरिन्थियो 1:21

कसनबल्लोने जिदलदाय माहापुरू चो गिआन चो अनुसार संवसार गिआन ले माहापुरू के नी जानलो, तेबे माहापुरू के ऐ अच्छा लागली कि ऐ परचार चो मुरूकता चो दुवारा बिश्वास करतो बितामन के मुक्ति देओ।

1 कुरिन्थियो 3:18

कोनी आपन खुद के धोका नी दिआस। अगर तुमचो थानले कोनी ऐ संवसार ने आपन खुद के गिआनी समजो, तो मुरूक बनो कि गिआनी होऊन जाओ।

1 कुरिन्थियो 4:10

आमी मसीह चो काजे मुरूक आंव, मान्तर तुमी मसीह ने अकल बितामन आस; आमी कमजोर आंव, मान्तर तुमी बलवान आस। तुमी ईजीत पाऊ आस, मान्तर आमी निरादर होऊ आंव।

1 कुरिन्थियो 4:8

तुमी तो संतुष्ट होऊन चुकलास, तुमी सवकार होऊन चुकलास, तुमी आमचो नाहलोर राज करलास; मान्तर नुकु होती कि तुमी राज करतास कि आमी बले तुमचो संगे राज करतु।

2 कुरिन्थियो 11:19

तुमी तो समजदार होऊन भाती हरिक ले मुरूकमन चो सऊ आहास।

2 कुरिन्थियो 11:21

मोचो बोलतोर अनादर चो रीति ची थाने आसे, माना आमी ऐचो काजे कमजोर असन रलु। मान्तर जोन कोनी गोठ ने कोनी साहास करू आय मय मुरूक ले बोलु आंय तेबे मय बले साहास करू आंय।

2 कुरिन्थियो 11:4

अगर कोनी तुमचो लगे ऐऊन भाती कोनी दुसर ईशु चो परचार करोत, जेचो परचार आमीमन नी करलु; नाहले कोनी आउर आत्मा तुमके मिरो, जोन पयले नी मिरू रली; नाहले आउर कोनी नगतखबर सुना ओत जोन के तुमी पयले नी मानु राआस, तेबे तुमी हुनके सहु आहास।

2 कुरिन्थियो 12:11

मय मुरूक तो बनले, मान्तर तुमी ची मोके ऐ करतो काजे मजबूर करलास। तुमी तो मोके सहरातोर रली, कसनबल्लोने मान्तर मय काई बले नुआय, तेबले बले हुन बड़े ले बड़े पठालोबितामन ले कोनी गोठ ने कम नुआय।

2 कुरिन्थियो 5:13

अगर आमी बेसुद आसु तो माहापुरू चो काजे, आउर अगर चेत आसु तो तुमचो काजे आय।

इब्रानियो 5:2

हुन अगिआनीमन आउर भुलक भटक बितामन चो संगे नरमी ले बेवहार करूक सके, ऐईकाजे कि हुन खुद बले कमजोरी ले घिरलो से।