2 कुरिन्थियो 10:7 - Halbi

⁷ तुमी हुनी गोठमन के दका, जोन आँईक चो पुरे आसे। अगर कोनी के आपलो उपरे ऐ भरसा होओ कि मय मसीह चो आंय, तेबे हुन ऐ बले जानो कि जसन हुन मसीह चो आय असने ची आमी बले आंव।

परमेस्वर को सच्चो वचन ख जाननू

⁷ तुम उ इच बात हुन ख देख, जो आँखी ख सामने हैं। यदि कोई ख अपनो पर यू विस्वास होए कि मी मसी को आय, ते उ भी यू जान ले कि जसो उ मसी को आय वसो ही हम भी आय।

2 कुरिन्थियो 10:7 ပူးပေါင်းရင်းမြစ်များ

मत्ती 23:5

हुनमन आपलो सपाय काम लोगमन के दकातो काजे करू आत हुनमन आपलो ताबिजमन के ओसार करू आत आउर आपलो फटीईमन चो धड़ी बड़ाऊ आत।

लूका 16:15

हुन हुनमन ले बल्लो, “तुमी तो मानेमन चो पुरे आपन खुद के धरमी ठेबाऊ आस, मान्तर माहापुरू तुमचो मन के जानु आय, कसनबल्लोने जोन तीज मानेमन चो नजर ने बड़े आय, हुन माहापुरू चो लगे घिन-घिना आय।

यूहन्ना 7:24

मुंह दकुन नियाय नी करा, मान्तर नुकु-नुकु नियाय करा।”

1 कुरिन्थियो 1:12

मोचो बोलतोर अरत ऐ आय कि तुमनमन ले कोनी तो आपन खुद के “पौलुस चो,” कोनी “अपुल्लोस चो,” कोनी “कयफा चो,” तो कोनी “मसीह चो” बोलु आय।

1 कुरिन्थियो 14:37

अगर कोनी माने आपन खुद के अगम गिआनी नाहले आत्मिक जन समजो, तेबे ऐ जानुन रओ कि जोन गोठमन मय तुमके लिके से, हुन परबु चो हुकुममन आय।

1 कुरिन्थियो 15:23

मान्तर हरकोनी आपलो-आपलो बनवाड़ी ले; पयला फल मसीह फेर मसीह चो ईलो ने हुनचो लोग।

1 कुरिन्थियो 3:23

आउर तुमी मसीह चो आस, आउर मसीह माहापुरू चो आय।

1 कुरिन्थियो 9:1

काय मय छुटछाड़ा नुआय? काय मय पठालोबिता नुआय? काय मय ईशु के जोन आमचो परबु आय, नी दकले? काय तुमी परबु ने मचो बनालोर नुआस?

2 कुरिन्थियो 10:1

मय हुनी पौलुस जोन तुमचो पुरे सोज आंय मान्तर पाट पाटे तुमचो बाटे साआस करू आंय, तुमके मसीह चो नम्रता आउर कोमलता चो कारन समजायें से।

2 कुरिन्थियो 11:18

जसन कि खुबे असन लोग देंह चो अनुसार घमण्ड करू आत, तो मय बले घमण्ड करें दें।

2 कुरिन्थियो 11:23

काय हुनीमन ची मसीह चो सेवक आत मय बया चो असन बलें सें मय हुनमन ले बडुन भाती आंय! खुबे मसागत करलो ने; घन-घन कयद होतोर ने; कोड़ा खातोर ने; घन-घन मरना चो खतरामन ने।

2 कुरिन्थियो 11:4

अगर कोनी तुमचो लगे ऐऊन भाती कोनी दुसर ईशु चो परचार करोत, जेचो परचार आमीमन नी करलु; नाहले कोनी आउर आत्मा तुमके मिरो, जोन पयले नी मिरू रली; नाहले आउर कोनी नगतखबर सुना ओत जोन के तुमी पयले नी मानु राआस, तेबे तुमी हुनके सहु आहास।

2 कुरिन्थियो 12:11

मय मुरूक तो बनले, मान्तर तुमी ची मोके ऐ करतो काजे मजबूर करलास। तुमी तो मोके सहरातोर रली, कसनबल्लोने मान्तर मय काई बले नुआय, तेबले बले हुन बड़े ले बड़े पठालोबितामन ले कोनी गोठ ने कम नुआय।

2 कुरिन्थियो 13:3

कसनबल्लोने तुमी तो ऐचो सबुत चाहायसास कि मसीह मोचो थाने बोलु आय, जोन तुमचो काजे कमजोर नुआय मान्तर तुमीमन ने सामरती आय।

2 कुरिन्थियो 5:12

आमी फेर बले आपलो बड़ाई तुमचो पुरे नी करू, मान्तर आमी आपलो बारे ने तुमके घमण्ड करतोर मवका देऊं से कि तुमी हुनमन के जबाप देऊक सका, जोन मन थाने नाई मान्तर दकावटी गोठमन थाने घमण्ड करू आत।

गलातियो 3:29

आउर अगर तुमी मसीह चो आहास तो अब्राहाम चो बंश आउर बायदा चो अनुसार हकदार बले आहास।

1यूहन्ना 4:6

आमी माहापुरू चो आंव जोन माहापुरू के जाने, हुन आमचो सुनु आय; जोन माहापुरू के नी जाने हुन आमचो नी सुने। ऐई परकार आमी सत चो आत्मा आउर भरम चो आत्मा के चिताऊ आंव।