2 कुरिन्थियो 10:5 - Halbi

⁵ ऐईकाजे आमी कलपनामन चो आउर हरकोनी ऊँचा गोठ चो, जोन माहापुरू चो पयचान चो बिरूद ने उठु आय, खंडन करू आत, आउर हरकोनी भावना के कयद करून मसीह चो हुकुम मानु बनान देऊ आंव,

परमेस्वर को सच्चो वचन ख जाननू

⁵ एकोलाने हम विचार हुन म अऊर हर एक ऊँची बात ख, जो परमेस्वर की पहिचान को विरोध म उठ हैं, खण्डन हो कर हैं; अऊर हर एक भावना ख बन्द कर ख मसी को बात ख मानन वालो बना देव हैं,

2 कुरिन्थियो 10:5 ပူးပေါင်းရင်းမြစ်များ

मत्ती 15:19

कसनबल्लोने खराप बिचार, हत्या, दुसर चो बायले के नेतोर, बेबीचार, चोरी, झूठा गवा आउर निन्दा मन ले निकरू आय।

लूका 1:51

हुन आपलो बांहबल दकालो, आउर जोन आपलो मन ने घमण्ड करते रवत, हुनमन के जत-खत करलो।

रोमियो 1:21

ऐई कारन कि माहापुरू के जानलो ने बले हुनमन माहापुरू चो लायक बड़ाई आउर धन्यबाद नी करला, मान्तर फकाहा बिचार करूक मुरयाला, ऐथा ले कि हुनमन चो बेअकल मन अंधार होली।

रोमियो 1:5

हुनचो बाटले आमके अनुग्रह आउर पठालोबिता चो काम मिरली कि हुनचो नाव चो कारन सपाय जातिमन चो लोग बिश्वास करून हुनचो मानोत,

रोमियो 16:26

मान्तर अदायं उजागर होऊन भाती जुग-जुग चो माहापुरू चो हुकुम ले अगम गिआनीमन चो किताबमन चो दुवारा सपाय जातिमन के सांगा गेली से कि हुनमन बिश्वास ले हुकुम मानतो बिता होऊन जाओत,

रोमियो 7:23

मान्तर मोके आपलो अंगमन ने दुसर परकार चो नियम दका पडु आय, जोन मोचो अकल चो नियम ले लडु आय आउर मोके पाप चो नियम चो गांट ने डालु आय जोन मोचो अंगमन ने आसे।

1 कुरिन्थियो 1:19

कसनबल्लोने लिकलोर आसे, “मय गिआन बितामन चो गिआन के नष्ट करें दें, आउर समजदारमन चो समज के तुच्छ करून देयें दें।”

1 कुरिन्थियो 3:19

कसनबल्लोने ऐ संवसार चो गिआन माहापुरू चो लगे मुरूकता आय, जसन लिकलोर आसे, “हुन गिआनिमन के हुनमन चो चलाकी ने फासुन देऊ आय,”

2 कुरिन्थियो 11:20

कसनबल्लोने जिदलदाय तुमके कोनी दास बनाऊ आय, नाहले खाऊन जाऊ आय, नाहले फासु आय, नाहले आपन खुद के बड़े बनाऊ आय, नाहले तुमचो मुंह थाने थापड़ मारू आय, तेबे तुमी सऊ आहास।

2 कुरिन्थियो 9:13

कसनबल्लोने ऐ सेवा के सबुत मानुन हुनमन माहापुरू चो महिमा परकट करू आत कि तुमी मसीह चो नगतखबर के मानुन भाती हुनचो अधीन रऊ आहास, आउर हुनमन चो बाटे सपाय चो सायता करतो ने उदारता परकट करते रऊ आहास।

फिलिप्पियो 4:7

तेबे माहापुरू चो शान्ति, जोन पूईतराय समज ले बाहार आय, तुमचो मन आउर तुमचो बिचारमन के मसीह ईशु ने सुरक्षित संगायेदे।

2 थिस्सलुनीकियो 2:4

जोन बिरूद करू आय, आउर हरकोनी ले जोन ईश्पर नाहले पुजय बलाया जाऊ आय, आपन खुद के बड़े ठेबाऊ आय, ऐथा ले कि हुन माहापुरू चो मंदिर ने बसुन भाती आपन खुद के ईश्पर ठेबाऊ आय।

2 थिस्सलुनीकियो 2:8

तेबे हुन अधरमी परकट होयेदे, जोन के परबु ईशु आपलो टोंड चो फुक ले मारून पकाये दे, आउर आपलो ऐतो दाय चो तेज ले भसम करेदे।

इब्रानियो 4:12

कसनबल्लोने माहापुरू चो बचन जीव, आउर परबल, आउर हरकोनी दुयधारी तलवार ले बले खुबे तेज आय; आउर परान आउर आत्मा के, आउर गट-गट आउर गुदा-गुदा के अलग करून ऐ पाट-हुनपाट भेदु आय आउर मन चो खियाल मन के आउर बिचारमन के जांचु आय।

इब्रानियो 5:9

आउर सिद्ध बनुन भाती, आपलो सपाय हुकुम मानतो बितामन चो काजे हरमेशा चो मुक्ति चो कारन होऊन गेलो,

1 पतरस 1:2

आउर माहापुरू बुआ चो अगम गिआन चो अनुसार, आत्मा चो पवितर करलोर दुवारा हुकुम मानतोर आउर ईशु मसीह चो लऊ के छिंछतो काजे चुना गेलासे। तुमके अनुग्रह आउर शान्ति खुबे ले खुबे मिरते रओ।

1 पतरस 1:22

आउर: जसन कि तुमनमन भाईचारा चो निष्कपट लाड़ चो लागुन सत चो मानतो ले आपलो मनमन के पवितर करलासास, तेबे तन-मन लगाऊन भाती गोटक दुसर ले खुबे मया संगाहा।