2 कुरिन्थियो 1:19 - Halbi

¹⁹ “कसनबल्लोने माहापुरू चो बेटा ईशु मसीह जेचो आमचो बाटले बल्लोने मोचो आउर सिलवानुस आउर तीमुथियुस चो बाटले तुमचो मंजी ने परचार होली, हुन थाने ‘हव’ आउर ‘नाई’ दुनो नी रये, मान्तर हुन थाने ‘हव’ ची ‘हव’ होली।

परमेस्वर को सच्चो वचन ख जाननू

¹⁹ काहेकि परमेस्वर को पोरिया यीसु मसी जे को हमारो दुवारा एको मतलब मोरो अर सिलवानुस अर तीमुथियुस को दुवारा तुमारो बीच म प्रचार भयो, ओ म हाव अर नी दोई नी हते, अर ओमा हाव ही हाव हुई।

2 कुरिन्थियो 1:19 ပူးပေါင်းရင်းမြစ်များ

मत्ती 17:5

हुन बलते रलो कि गोटक उजर बादरी हुनमन के छांई होली, आउर हुन बादरी थानले ऐ शब्द निकरली, “ऐ मोचो लाड़रा बेटा आय, जेचो ले मय हरिक आंसे: ऐचो सुना।”

मत्ती 24:35

बादरी आउर धरतनी टलुन जादे, मान्तर मोचो गोठमन केबीई नी टले।”

मत्ती 27:40

आउर ऐ बलते रवत, “हे मंदिर के घसरातो बिता आउर तीन दिन ने बनातो बिता, आपन खुद के तो बचाव! अगर तुय माहापुरू चो बेटा आस, तो कुरूस थानले उतरून आव।”

मत्ती 27:54

तेबे सुबेदार आउर जोन हुनचो संगे ईशु चो पाहारा देते रवत भुईं डोल आउर जोन काई होऊ रली हुनके दकुन भाती ऐकदाय डरला आउर बल्ला, “सत-सत ऐ माहापुरू चो बेटा रलो!”

मत्ती 3:17

आउर ऐ आकाशबानी होली, “ऐ मोचो लाड़रा बेटा आय, जेचो ले मय खुबे हरिक आंसे।”

मत्ती 4:3

तेबे परकतो बिता शयतान लगे ऐऊन भाती ईशु ले बल्लो, “अगर तुय माहापुरू चो बेटा आस, तो बोलुन देस, कि ऐ पकना रोटीमन बनुन जाओ।”

मरकुस 1:1

माहापुरू चो बेटा ईशु मसीह चो नगतखबर चो मुर।

लूका 1:35

सरगदूत हुनके जबाप दिलो, “पवितर आत्मा तुचो उपरे उतरे दे, आउर परमपरधान चो सामरत तुचो उपरे छांय करेंदे; ऐईकाजे हुन पवितर जोन पयदा होतो बिता आय, माहापुरू चो बेटा बलाय जायेदे।

यूहन्ना 1:34

आउर मय दकले, आउर गोहई दिले से कि ऐई ची माहापुरू चो बेटा आय।”

यूहन्ना 1:49

नतनएल हुनके जबाप दिलो, “हे रब्बी, तुय माहापुरू चो बेटा आस; तुय इस्राएल चो माहाराजा आस।”

यूहन्ना 19:7

यहूदीमन हुनके जबाप दिला, “आमचो बले नियम आसे आउर हुन नियम चो अनुसार हुन मारा जातोर लायक आय कसनबल्लोने हुन आपन खुद के माहापुरू चो बेटा बनालो।”

यूहन्ना 20:28

ऐ सुनुन थोमा जबाप दिलो, “हे मोचो परबु, हे मोचो माहापुरू!”

यूहन्ना 20:31

मान्तर ऐ ऐईकाजे लिका गेली से कि तुमी बिश्वास करा कि ईशु ची माहापुरू चो बेटा मसीह आय, आउर बिश्वास करून हुनचो नाव ले जीवना पाआ।

यूहन्ना 3:16

“कसनबल्लोने माहापुरू जगत ले असन मया संगालो कि हुन आपलो गोटकी ची बेटा देऊन दिलो, बल्ले जोन कोनी हुनचो उपरे बिश्वास करोत हुन नष्ट नी होओत, मान्तर अमर जीवना पाओत।

यूहन्ना 6:69

आउर आमी बिश्वास करलु आउर जानुन गेलु से कि माहापुरू चो पवितर जन तुय ची आस।”

यूहन्ना 8:58

ईशु हुनमन ले बल्लो, “मय तुमचो ले सत-सत बलेंसें, कि पयले ऐचो ले कि अब्राहाम उपजास होलो, मय आंय।”

प्रेरितो 15:22

तेबे सपाय कलीसिया संगे पठालोबिता आउर सियानमन के अच्छा लागली कि आपलो थानले खिन्डिक मानेमन के चुनोत, बल्लोने यहूदा जोन बरसबा बलाया जाऊ आय, आउर सीलास के जोन भाईमन ने मुखिया रये; आउर हुनमन के पौलुस आउर बरनबास चो संगे अन्ताकिया पठाला।

प्रेरितो 16:1

फेर हुन दिरबे आउर लुस्त्रा ने बले गेलो। हुता तीमुथियुस नाव चो गोटक चेला रलो, जोन कोनी बिश्वासी यहूदीनी चो बेटा रलो, मान्तर हुनचो बुआ यूनानी रलो।

प्रेरितो 18:5

जिदलदाय सीलास आउर तीमुथियुस मकिदुनिया ले ईला, तेबे पौलुस बचन सुनातोर धुन ने यहूदीमन के गोहई देऊक मुरयालो कि ईशु ची मसीह आय।

प्रेरितो 8:36

बाट ने हिन्ड़ते-हिन्ड़ते हुनमन कोनी पानी चो जगा ने अमरला। तेबे खोजा बल्लो, “दक ऐथा पानी आसे, अदायं मोके डूबन धरतो ने काय अड़चन आसे।”

प्रेरितो 9:20

आउर हुन तुरते आराधना घरमन ने ईशु चो परचार करूक मुरयालो कि हुन माहापुरू चो बेटा आय।

2 कुरिन्थियो 1:1

पौलुस चो बाटले जोन माहापुरू चो इच्छा ले मसीह ईशु चो पठालोबिता आय। आउर भाई तीमुथियुस चो बाटले ले माहापुरू चो हुन कलीसिया चो नाव, जोन कुरिन्थुस ने आसे आउर सपाय अखाया चो सपाय पवितर लोगमन चो नाव:

1 थिस्सलुनीकियो 1:1

पौलुस आउर सिलवानुस आउर तीमुथियुस चो बाटले थिस्लुनिकीमन चो कलीसिया चो नाव, जोन माहापुरू बुआ आउर परबु ईशु मसीह ने आसे। अनुग्रह आउर शान्ति तुमके मिरते रओ।

2 थिस्सलुनीकियो 1:1

पौलुस आउर सिलवानुस आउर तीमुथियुस चो बाटले थिस्लुनिकीमन चो कलीसिया चो नाव, जोन आमचो बुआ माहापुरू आउर परबु ईशु मसीह ने आसे:

1तीमुथियुस 3:16

ऐ थाने संका निआय कि भक्ति चो भेद गंभीर आय, बल्लोने, हुन जोन देंह ने परकट होलो, आत्मा ने धरमी ठेबलो, सरग दूतमन के दका दिलो, दुसर जातिमन ने हुनचो परचार होली, जगत ने हुनचो उपरे बिश्वास करा गेली, आउर महिमा ने उपरे उठाया गेलो।

इब्रानियो 1:11

हुनमन तो नष्ट होऊन जादे, मान्तर तुय बनुन रसे; आउर हुनमन सपाय फटीई चो असन जुना होऊन जादे,

इब्रानियो 13:8

ईशु मसीह काली आउर आजी आउर जुग-जुग गोटक समान आय।

1 पतरस 5:12

मय सिलवानुस चो होते, जेके मय बिश्वास लायक भाई समजु आय कम ने लिकुन भाती तुमके समजाले से, आउर ऐ गोहई दिले से कि माहापुरू चो सत अनुग्रह ऐई आय, ऐई थाने थीर राहा।

2 पतरस 1:17

कसनबल्लोने जिदलदाय हुन माहापुरू बुआ ले ईजीत आउर महिमा पावलो आउर हुन परतापमय महिमा थानले ऐ आवाज ईली, “ऐ मोचो लाड़रा बेटा आय, जेचो ले मय हरिक आंसे।”

1यूहन्ना 1:3

जोन काई आमीमन दकलु आउर सुनलु से हुनचो खबर तुमके बले देऊ से, ऐईकाजे कि तुमी बले आमचो संगे शामिल हुआ; आउर आमचो ऐ सामिलता बुआ चो संगे आउर हुनचो बेटा ईशु मसीह चो संगे आय।

1यूहन्ना 5:20

आमी ऐ बले जानु से कि माहापुरू चो बेटा ईलो से आउर हुन आमके अकल दिलो से कि आमी हुन सत के चिताऊ; आउर आमी हुन थाने जोन सत आय, बल्लोने हुनचो बेटा ईशु मसीह ने रऊँ आंव। सत माहापुरू आउर अमर जीवना ऐई आय।

2 यूहन्ना 1:9

जोन कोनी मसीह चो सिक्या ले पयले बडुन जाऊ आय आउर हुन थाने बनुन नी रये, हुनचो लगे माहापुरू निआय, जोन कोनी हुनचो सिक्या ने थीर रऊ आय, हुनचो लगे बुआ बले आसे आउर बेटा बले।

प्रकाशितवाक्य 1:11

“जोन काई तुय दक सीस हुनके किताब ने लिकुन भाती सातो कलीसियामन चो लगे पटाऊन देस, बल्लोने इफिसुस, आउर स्मुरना, आउर पिरगमुन, आउर थुआथीरा, आउर सरदीस, आउर फिलदिलफिया, आउर लौदीकिया के।”

प्रकाशितवाक्य 1:17

जिदलदाय मय हुनके दकले तो हुनचो पाँयमन थाने मुरदा असन घसरुन पढ़ले। हुन मोचो उपरे आपलो उजा हाथ संगाऊन भाती बल्लो, नी डर; मय पयला आउर आखरी आउर जीव आंय;

प्रकाशितवाक्य 1:8

परबु माहापुरू, जोन आसे आउर जोन रये आउर जोन ऐतो बिता आय, जोन सर्वशक्तिमान आय, ऐ बले से, “मय ची अलफा आउर ओमेगा आंय।”

प्रकाशितवाक्य 2:18

“थुआथीरा चो कलीसिया चो दूत के ऐ लिक: माहापुरू चो बेटा जेचो आँईकमन आईग चो तरास चो असन, आउर जेचो पाँय बड़ीया पीतल चो असन आसे, हुन ऐ बलेसे”