1तीमुथियुस 4:1 - Halbi

¹ मान्तर आत्मा छुकछुका ले बले से कि ऐतो बिती समयामन ने कितलो लोग भरमातो बिती आत्मामन, आउर दुष्टआत्मामन चो सिक्यामन थाने मन लगाऊन भाती बिश्वास ले भहकुन जादे।

परमेस्वर को सच्चो वचन ख जाननू

¹ पर आत्मा स्पस्टता से कहव हैं कि आन वालो बखत हुन म कितना लोग हुन भरमान वाला आत्मा, अर दुस्टात्मा हुन को सिक्छा प मन लगा ख विस्वास से बहक जाएगो,

1तीमुथियुस 4:1 ပူးပေါင်းရင်းမြစ်များ

मत्ती 18:7

ठोकरनामन चो लागुन जगत उपरे हाय! ठोकरनामन चो लगतोर जरूरी आय; मान्तर हाय हुन माने चो उपरे जेचो लागुन ठोकरना लगु आय।

लूका 17:1

फेर ईशु आपलो चेलामन ले बल्लो, “ऐ होऊक सके कि हुन गोठमन जोन पाप चो कारन आय, ऐये दे मान्तर हाय, हुन माने उपरे जेचो कारन हुनमन ऐऊ आय!

यूहन्ना 16:13

मान्तर जिदलदाय हुन बल्ले सते चो आत्मा ऐये दे, तेबे तुमके सपाय सते चो बाट सांगे दे, कसनबल्लोने हुन आपलो बाटले नी बले दे मान्तर जोन काई सुने दे हुनी बले दे, आउर ऐतो बिती गोठमन के तुमके सांगे दे।

प्रेरितो 13:2

जिदलदाय हुनमन उपास संगे परबु चो उपास करते रवत, तेबे पवितर आत्मा बल्लो, “मोचो काजे बरनबास आउर शाऊल के हुन काम चो काजे अलग करा जेचो काजे मय हुनमन के हाग दिले से।”

प्रेरितो 17:18

तेबे इपिकुरी आउर स्तोईकी दरशन दकुमन थानले कितलो हुनके तर्क करूक मुरयाला, आउर कितलो बल्ला, “ऐ टाबरी काय बोलुक मन करे से?” मान्तर दुसरमन बल्ला, “हुन दुसर देवमन चो परचार करू जान पड़े से” कसनबल्लोने हुन ईशु चो आउर जीव उठतोर नगतखबर सुनाते रलो।

प्रेरितो 20:23

मात्र ऐ कि पवितर आत्मा हर नंगर ने गोहई देऊन-देऊन भाती मोचो ले बोलु आय कि बान्दन आउर कलेश तुचो काजे तिआर आसे।

प्रेरितो 21:11

हुन आमचो लगे ऐऊन भाती पौलुस चो कटीबंद धरलो, आउर आपलो हाथ पाँय बान्दुन भाती बल्लो, “पवितर आत्मा ऐ बले से कि जोन माने चो ऐ कटीबन्ध आय, हुनके यरूशलेम ने यहूदी ऐई रीति ले बांद दे, आउर दुसर जातिमन चो हाथे सोप दे।”

प्रेरितो 28:25

जिदलदाय हुनमन आपस ने गोटक मत नी होला, तेबे पौलुस चो ऐ गोठ के बोलतो के जाते गेला, पवितर आत्मा यशाया अगम गिआनी चो बाटले तुमचो बुआ दादीमन ले ठीक ची बल्लो,

1 कुरिन्थियो 10:20

नाई, मान्तर ऐ कि दुसर जाति जोन पुजु आत; हुनमन माहापुरू चो काजे नुआय मान्तर दुष्टआत्मामन चो काजे बलिदान करू आत आउर मय नी चाहायें कि तुमी दुष्टआत्मामन चो शामिल हुआ।

1 कुरिन्थियो 11:19

कसनबल्लोने दल बन्दी बले तुमनमन ने जरूर होयेदे, ऐईकाजे कि जोन लोग तुमनमन ने खर आसोत हुनमन परकट होऊन जादे।

1 कुरिन्थियो 12:11

मान्तर ऐ सपाय असरदार काम हुनी गोटक आत्मा करू आय, आउर जोन के जोन चाहाऊं आय हुन बाटुन देऊ आय।

1 कुरिन्थियो 2:10

मान्तर माहापुरू हुनमन के आपलो आत्मा चो दुवारा आमचो उपरे परकट करलो, कसनबल्लोने आत्मा सपाय गोठमन, मान्तर माहापुरू चो गुन गोठमन बले जाचु आय।

2 कुरिन्थियो 11:3

मान्तर मय डरें से कि जसन सांप आपलो चलाकी ले हव्वा के बहकालो, असने ची तुमचो मन हुन सोज आउर पवितरता ले जोन मसीह चो संगे होतोर आय, काहांय खराप नी करा जाओ।

कुलुस्सियो 2:18

कोनी माने दीनता आउर सरग दूतमन चो पुजा कराऊन तुमके दौड़ चो करलो फल ले धुर नी करोत। असन माने दकलो बिती गोठमन ने लगुन रऊ आय आउर आपलो देंह चो समज थाने फोकाहा फुलु आय,

2 तीमुथियुस 3:13

मान्तर दुष्ट आउर गोठ ने फासतो बितामन धोका देते आउर धोका खाते नशते जादे।

2 तीमुथियुस 4:4

आउर आपलो कान सत ले फिरून भाती कथा कहनीमन थाने लगा दे।

याकूब 3:15

ऐ गिआन हुन नुआय जोन उपर ले उतरू आय, मान्तर संवसारिक, आउर शारीरिक, आउर शयतानी आय।

1 पतरस 1:20

हुनचो गिआन तो जगत चो उपजास चो पयले ची ले जाना जाऊ रये, मान्तर अदायं ऐ सरासरी जुग ने तुमचो काजे परकट होलो।

2 पतरस 2:1

जोन परकार हुन लोगमन ने फंदी अगम गिआनी रवत, हुनी परकार तुमचो थाने बले फंदी उपदेशक हो दे, जोन नाश करतो बिता पाखंडी चो उदघाटन लुकुन-लुकुन भाती कर दे, आउर हुन मालिक चो जोन हुनमन के घेनलो से इन्कार कर दे, आउर आपन खुद के झटके बिनाश ने डाल दे।

2 पतरस 3:3

आउर ऐ पयले जाना, कि आखरी दिनमन ने हंसी मजाक करतो बितामन ऐ दे, जोन आपली ची मनमानीमन ची अनुसार चल दे

1यूहन्ना 2:18

हे लेकामन, ऐ आखरी समया आय; जसन तुमनमन सुनलासास कि मसीह चो बिरोधी ऐतो बिता आय, हुनचो अनुसार ऐबे बले खुबे असन मसीह-बिरूदी उठून उबा होला सोत; ऐचो ले आमी जानु से कि ऐ आखरी समया आय।

1यूहन्ना 4:6

आमी माहापुरू चो आंव जोन माहापुरू के जाने, हुन आमचो सुनु आय; जोन माहापुरू के नी जाने हुन आमचो नी सुने। ऐई परकार आमी सत चो आत्मा आउर भरम चो आत्मा के चिताऊ आंव।

यहूदा 1:18

हुनमन तुमके बोलते रवत, “पाचे चो दिनमन ने असन मजाक करतो बितामन होदे जोन आपलो अभक्ति चो मनमानीमन चो अनुसार चलदे।”

यहूदा 1:4

कसनबल्लोने कितलो असन माने खुसराय आमचो ने ऐऊन मिसला से, जोनमन ले ऐ डण्ड चो चरचा जुना समया ने पयले ची ले लिका जाऊ रये: ऐ भक्तिहीन आत, आउर आमचो माहापुरू चो अनुग्रह के ढीला-ढाला ने पलटून देऊ आत, आउर आमचो गोटक मात्र मालिक आउर परबु ईशु मसीह चो इन्कार करू आत।

प्रकाशितवाक्य 13:14

हुन चिनामन चो लागुन, जोनमन के हुन पशु चो पुरे दकातोर अधिकार हुनके दिया जाऊ रली, हुन धरतनी चो रतो लोगमन के भरमाते रये आउर धरतनी चो रतो बितामन ले बोलते रये कि जोन पशु चो तलवार पाऊ रये हुन जीवलो से, हुनचो मुरती बनाहा।

प्रकाशितवाक्य 16:14

ऐ चिना दकातो बिती दुष्टआत्मामन आत, जोन पुईतराय संवसार चो राजामन चो लगे निकरून भाती ऐईकाजे जाऊ आय कि हुनमन के सर्वशक्तिमान माहापुरू चो हुन बड़े दिन चो लड़ीई चो काजे रूंड़ा करो

प्रकाशितवाक्य 18:2

हुन बड़े जोर ले चिचयाऊन भाती बल्लो, “घसरलो बड़े बेबीलोन घसरलो से! हुन दुष्टआत्मामन चो निवास, आउर हरकोनी अशुद्ध आत्मा चो अड्डा, आउर हरकोनी अशुद्ध आउर घिन-घिना चड़ीई चो अड्डा होली।

प्रकाशितवाक्य 18:23

आउर दीया चो उजर फेर केबीई तुचो थाने नी बरे दे, आउर दुला आउर दुली चो शब्द फेर केबीई तुचो थाने सुना नी देये दे; कसनबल्लोने तुचो बेबारी धरतनी चो सियान रवत, आउर तुचो पांगनमन ने सपाय जातिमन भरमाया जाऊ रवत।

प्रकाशितवाक्य 19:20

हुन पशु, आउर हुनचो संगे हुन फंदी अगम गिआनी धरा पड़लो जोन हुनचो पुरे असन चिना दकाऊ रलो जेचो दुवारा हुन हुनमन के भरमालो जोन थाने हुन पशु चो छाप रये आउर जोन हुनचो मुरती चो पुजा करते रवत। ऐ दुनो जीवता-जीवता हुन आईग चो झील ने, जोन गन्धक ले जरू आय डाला गेला।

प्रकाशितवाक्य 2:11

“जेचो कान आसे हुन सुना कि आत्मा कलीसियामन ले काय बलेसे। जोन जय पावला, हुनके दुसर मरना ले हानि नी पहुँचे।”

प्रकाशितवाक्य 2:17

“जेचो कान आसे हुन सुना कि आत्मा कलीसियामन ले काय बले से। जोन जय पावला, हुनके मय गुपत मन्ना थानले देयेंदे, आउर हुनके गोटक पंडरा पकना बले देयेंदे; आउर हुन पकना थाने गोटक नाव लिकलोर होयदे, जोन के हुनके पावतो बिता के छांडुन आउर कोनी नी जाने।”

प्रकाशितवाक्य 2:29

“जेचो कान आसे हुन सुनो कि आत्मा कलीसियामन ले काय बलेसे।”

प्रकाशितवाक्य 2:7

“जेचो कान आसे हुन सुनो कि आत्मा कलीसियामन ले काय बले से। जोन जय पावला, मय हुनके हुन जीवना चो रूकमन थानले जोन माहापुरू चो सरग लोक ने आसे, फल खाऊक देयेंदे।”

प्रकाशितवाक्य 20:10

हुनमन चो भरमातो बिता शयतान आईग आउर गन्धक चो हुन झील ने, जोन थाने हुन पशु आउर फंदी अगम गिआनी बले होये दे, डालुन दिया जाय दे; आउर हुनमन रात दिन जुग-जुग दुखा ने तड़प ते रदे।

प्रकाशितवाक्य 20:8

हुन-हुन जातिमन के जोन धरतनी चो चारो बाटे हो दे, बल्लोने गोग आउर मागोग के जेचो गेनती समुन्द चो बारू चो बराबर होये दे, भरमाऊन भाती लड़ीई चो काजे रूंड़ा करूक लाय निकरदे।

प्रकाशितवाक्य 3:13

“जेचो कान आसे हुन सुनो कि आत्मा कलीसियामन ले काय बलेसे।”

प्रकाशितवाक्य 3:22

“जेचो कान आसे हुन सुनो कि आत्मा कलीसियामन ले काय बलेसे।”

प्रकाशितवाक्य 3:6

“जेचो कान आसे हुन सुनो कि आत्मा कलीसियामन ले काय बलेसे।”

प्रकाशितवाक्य 9:20

बाकी मानेमन जोन हुन मरीमन ले नी मरून रला, आपलो हाथ चो काममन ले मन नी फिराला, कि दुष्टआत्मामन चो, आउर सोना आउर चाँदी आउर पीतल आउर पकना आउर काट चो मुरतीमन चो पुजा नी करोत जोन ना दकुक ना सुनुक, ना हिन्डुक सकोत;