1तीमुथियुस 3:16 - Halbi

¹⁶ ऐ थाने संका निआय कि भक्ति चो भेद गंभीर आय, बल्लोने, हुन जोन देंह ने परकट होलो, आत्मा ने धरमी ठेबलो, सरग दूतमन के दका दिलो, दुसर जातिमन ने हुनचो परचार होली, जगत ने हुनचो उपरे बिश्वास करा गेली, आउर महिमा ने उपरे उठाया गेलो।

परमेस्वर को सच्चो वचन ख जाननू

¹⁶ एमा सन्देह नी कि भक्ति को भेद गम्भीर हैं: लेकिन वह जे सरीर म प्रगट हुओ आत्मा म धर्मी ठहरो स्वर्ग दूत हुन ख दिखाई दियो, दुसरी जाति हुन म उसको प्रचार भयो, दुनिया म ओ पर भरोसा किरयो गयो, अर महिमा म ऊपर उठाया गयो।

1तीमुथियुस 3:16 ပူးပေါင်းရင်းမြစ်များ

मत्ती 1:23

“दका, गोटक कुंआरी देंहबारी होयेदे आउर गोटक बेटा जनमायदे, आउर हुनचो नाव इम्मानुएल संगाया जायेदे,” जेचो अरत आय-माहापुरू आमचो संगे।

मत्ती 13:11

हुन जबाप दिलो, “तुमके सरग राज चो भेदमन चो समज दिया गेली से, मान्तर हुनमन के नाई।

मत्ती 28:2

आउर दका, गोटक बड़े भुईं डोल होली, कसनबल्लोने परबु चो गोटक दूत सरग ले उतर लो आउर लगे ऐऊन भाती हुन पकना के उलटालो, आउर हुनचो उपरे बसलो।

मत्ती 3:16

आउर ईशु डूबन धरून भाती तुरते पानी थानले बाहरे ईलो, आउर हुनचो काजे बादरी उगाढ़ी होली; आउर हुन माहापुरू चो आत्मा के परेयां चो असन उतरते आउर आपलो उपरे ऐतोर दकलो।

मत्ती 4:11

तेबे शयतान हुनचो लगले जाते गेलो, आउर सरगदूत ऐऊन भाती हुनचो सेवा करूक मुरयाला।

मरकुस 1:13

रान ने चालीस दिन तक शयतान हुनचो परीक्षा करलो; आउर हुन रान पशुमन चो संगे रलो, आउर सरगदूत हुनचो सेवा करते रवत।

मरकुस 16:19

परबु ईशु हुनमन ले गोठमन गोठयालो पाचे सरग उपरे उठाय गेलो, आउर माहापुरू चो उजा हाथ घाई बसलो।

मरकुस 16:5

कबर चो भीतरे जाऊन भाती हुनमन गोटक जुआन के पोंडरा फटीई पिंदलोर उजा घाई बसलोर दकला, आउर खुबे भक्याला।

लूका 2:32

कि हुन दुसर जातिमन के उजर देतो काजे उजर, आउर तुचो निज लोग इस्राएल चो महिमा होओ।”

लूका 20:44

दाऊद तो हुनके परबु बोलु आय; तेबे फेर हुन हुनचो बेटा कसन ठेबलो?”

लूका 22:43

तेबे सरग ले गोटक दूत हुनके दका दिलो जोन हुनके सामरत देते रलो।

लूका 24:4

जिदलदाय हुनमन ऐ गोठ ले भक्याते रवत तो दका, दुय झान माने बरतो फटीई पिन्दुन भाती हुनमन लगे ऐऊन उबा होला।

लूका 24:51

आउर हुनमन के आशीष देते-देते हुन हुनमन ले अलगे होलो आउर सरग उपरे उठाऊन निया गेलो।

यूहन्ना 1:14

आउर बचन देंह चो रूपधरली; आउर अनुग्रह आउर सत ले समपूरन होऊन भाती आमचो मंजी ने डेरा करलो, आउर आमीमन हुनचो असन महिमा दकलु, जसन बुआ चो एकला बेटा चो महिमा।

यूहन्ना 13:3

ईशु, ऐ जानुन भाती कि बुआ सपाय काई मोचो हाथ ने करून दिलो से आउर मय माहापुरू चो लगे ले ईले से आउर माहापुरू चो लगे जायें दें,

यूहन्ना 15:26

मान्तर जिदलदाय सायता करू ऐये दे, जोन के मय तुमचो लगे बुआ चो बाटले पटायें दें, बल्लोने सत चो आत्मा जोन बुआ चो बाटले निकरू आय, तेबे हुन मोचो गोहई देये दे;

यूहन्ना 16:28

मय बुआ चो बाटले जगत ने ईले से; मय फेर जगत के छांडुन भाती बुआ चो लगे जाऊ आंय।”

यूहन्ना 17:5

अदायं हे बुआ, तुय आपलो संगे मोचो महिमा हुन महिमा ले कर जोन जगत चो रचलोर ले पयले, मोचो तुचो संगे रये।

यूहन्ना 20:12

दुय सरग दूतमन के उजर फटीई पिन्दलोर गोटक के मुण्ड बाटे आउर दुसर के पाँय बाटे बोसलोर दकली, जोन थाने ईशु चो लाश संगालोर रली।

यूहन्ना 6:62

अगर तुमी माने चो बेटा के जोन थाने हुन पयले रये, हुता उपरे जातो के दका से, तेबे काय होये दे?

प्रेरितो 1:19

ऐ गोठ के यरूशलेम चो सपाय रतो बितामन जानुन गेला, ऐथा ले कि हुन बेड़ा चो नाव हुनमन चो भाषा ने “हकलदमा” बल्लोने “लऊ चो बेड़ा” पडुन गेली।)

प्रेरितो 10:34

तेबे पतरस बल्लो, “अदायं मोके तय होली कि माहापुरू काचीई पक्ष नी करे”

प्रेरितो 14:27

हुता पोंचुन भाती हुनमन कलीसिया रूंडा करलो आउर सांगला कि माहापुरू हुनमन चो संगे होऊन भाती कसन बड़े-बड़े काम करलो, आउर दुसर जातिमन चो काजे बिश्वास चो कपाट उगाढुन दिलो।

प्रेरितो 20:28

ऐईकाजे आपलो आउर पुईतराय गोहड़ी चो राका करा जोन थाने पवितर आत्मा तुमके अध्यक्ष ठेबालो से, कि तुमी माहापुरू चो कलीसिया चो राका करा, जोन के हुन आपलो लऊ ले घेनलो से।

रोमियो 10:12

यहूदीमन आउर यूनानीमन ने काई भेद नियाय, ऐईकाजे कि हुन सपाय चो परबु आय आउर आपलो सपाय नाव धरतो बितामन काजे उदार आय।

रोमियो 10:18

मान्तर मय बलेंसें, काय हुनमन नी सुनला? सुनला तो जरूर आय; कसनबल्लोने लिकलोर आसे, “हुनमन चो राग सपाय धरतनी थाने, आउर हुनमन चो बचन जगत चो आखरी तक अमरली से।”

रोमियो 16:25

अदायं जोन तुमके मोचो नगतखबर आउर ईशु मसीह चो खबर चो परचार चो अनुसार थीर करूक सके, हुन भेद चो उजर चो अनुसार जोन हरमेशा ले लुकु रली,

रोमियो 16:26

मान्तर अदायं उजागर होऊन भाती जुग-जुग चो माहापुरू चो हुकुम ले अगम गिआनीमन चो किताबमन चो दुवारा सपाय जातिमन के सांगा गेली से कि हुनमन बिश्वास ले हुकुम मानतो बिता होऊन जाओत,

रोमियो 3:4

केबीई नाई! मान्तर माहापुरू सत आउर सपाय माने फंदी ठेबाया जादे, जसन लिकलोर आसे, “जेचो ले तुय आपलो गोठमन ने धरमी हो से आउर नियाय करतो समया तुय जय पाव।”

रोमियो 8:3

कसनबल्लोने जोन काम नियम देंह चो लागुन कमजोर होऊन भाती नी करूक सकली, हुनके माहापुरू करलो, बल्लोने आपलो ची बेटा के पापमय देंह चो बराबरी ने आउर पापबली होतो काजे पटाऊन भाती, देंह ने पाप चो उपरे डण्ड चो हुकुम दिलो।

रोमियो 9:5

पुरखा बले हुनी ची मन चो आत, आउर मसीह बले देंह चो हिसाब ले हुनी ची मन ले होलो, जोन सपाय चो उपरे परम माहापुरू जुग-जुग धन्य आसे। आमीन।

1 कुरिन्थियो 15:47

पईल माने धरतनी ले बल्लोने माटी चो रलो; दुसर माने सरग चो आय।

1 कुरिन्थियो 2:7

मान्तर आमी माहापुरू चो हुन गुपत गिआन, भेद चो रीति थाने सांगु आंव, जेके माहापुरू जुग-जुग ले आमचो महिमा चो काजे ठेबालो।

2 कुरिन्थियो 1:19

“कसनबल्लोने माहापुरू चो बेटा ईशु मसीह जेचो आमचो बाटले बल्लोने मोचो आउर सिलवानुस आउर तीमुथियुस चो बाटले तुमचो मंजी ने परचार होली, हुन थाने ‘हव’ आउर ‘नाई’ दुनो नी रये, मान्तर हुन थाने ‘हव’ ची ‘हव’ होली।

गलातियो 2:8

(कसनबल्लोने जोन पतरस ले खतना करलो बितामन ने पठालोबिता चो काम बड़े असर चो संगे करालो, हुनी ची मोके बले दुसर जातिमन ने असरदार काम करालो),

गलातियो 4:4

मान्तर जिदलदाय समया पुरा होली, तेबे माहापुरू आपलो बेटा के पठालो जोन बायले लेकी ले जनम लो आउर नियम चो अधीन पयदा होलो,

इफिसीयो 1:9

कसनबल्लोने हुन आपलो इच्छा चो भेद हुन नुकु इच्छा चो अनुसार आमके सांगलो, जेके हुन आपन खुद ठानुन रये

इफिसीयो 6:19

आउर मोचो काजे बले कि मोके बोलतोर समया असन परबल बचन दिया जाओ कि मय साआस चो संगे नगतखबर चो भेद सांगुक सकें,

कुलुस्सियो 1:23

अगर तुमी बिश्वास चो पाया थाने जमखम बनुन राहा आउर हुन नगतखबर चो आशा के जोन के तुमी सुनलासास नी छांडा, जेचो परचार बादरी चो खाले चो पूईतराय बरमाण्ड ने कराय गेली, आउर जेचो मय, पौलुस, सेवक बनले।

कुलुस्सियो 1:27

जोन थाने माहापुरू परकट करतोर चाह लो कि हुनमन के मालुम होओ कि दुसर जातिमन ने हुन भेद चो महिमा चो किमत काय आय, आउर हुन ऐ आय कि मसीह जोन महिमा चो आशा आय तुमचो ने रऊ आय।

कुलुस्सियो 1:6

जोन तुमचो लगे पहुँचली से, आउर जसन जगत ने बले फर आनुन आउर बाड़ते जाऊ आय, असने ची जोन दिन ले तुमी हुनके सुनलास आउर सत ले माहापुरू चो अनुग्रह चितालासास, तुमचो ने बले असने ची करू आय।

कुलुस्सियो 2:2

बल्ले हुनमन चो मनमन ने शान्ति होओ आउर हुनमन मया ले आपस ने बन्दुन रओत, आउर हुनमन पुईतराय समज चो धन परापत करोत, आउर माहापुरू बुआ चो भेद के बल्लोने मसीह के चिता ओत।

2 थिस्सलुनीकियो 1:10

ऐ हुन दिने होये दे, जिदलदाय हुन आपलो पवितर लोगमन ने महिमा पावतो आउर सपाय बिश्वास करतो बितामन ने अकचकित चो कारन होऊक लाय ऐये दे; कसनबल्लोने तुमीमन आमचो गोहई थाने बिश्वास करलास।

2 थिस्सलुनीकियो 2:7

कसनबल्लोने अधरम चो भेद ऐबे बले काम करते जाऊ आय, मान्तर ऐबे गोटक ठेबातो बिता आसे, आउर जिदलदाय ले हुन लापी नी होऊन जाए हुन ठेबाऊन रयदे।

1तीमुथियुस 3:9

मान्तर बिश्वास चो भेद के शुद्ध बिबक ले बचाऊन संगा ओ।

इब्रानियो 1:3

हुन हुनचो महिमा चो उजर आउर हुनचो तत्व चो छाप आय, आउर सपाय तीजमन के आपलो सामरत चो बचन ले समालु आय। हुन पापमन के धोऊन भाती ऊँचा जगा थाने माहापुरू चो उजा जाऊन बसलो;

इब्रानियो 12:2

आउर बिश्वास करू आउर सिद्ध करू बिता ईशु चो बाटे दकते रवां, जोन हुन हरिक चो काजे जोन हुनचो पुरे धरून रये, लाज चो काई चिन्ता नी करून कुरूस चो दुख सहलो, आउर माहापुरू चो सिंघासन चो उजा बाटे जाऊन बसलो।

इब्रानियो 7:7

ऐ थाने संका निआय कि नानी बड़े ले आशीष पाऊ आय।

इब्रानियो 8:1

अदायं जोन गोठमन आमी बोलु से हुनमन थानले सपाय ले बड़े गोठ ऐ आय कि आमचो असन माहायाजक आसे, जोन सरग थाने माहापुरू चो सिंघासन चो उजा जाऊन बसलो से,

1 पतरस 1:12

हुनमन उपरे ऐ परकट करा गेली कि हुनमन आपलो नाई मान्तर तुमचो सेवा चो काजे ऐ गोठमन बोला करते रओत, जेचो खबर अदायं तुमके हुनमन चो दुवारा मिरली जोनमन पवितर आत्मा चो दुवारा, जोन सरग ले पटाया गेली, तुमके नगतखबर सुनाला; आउर ऐ गोठमन के सरगदूत बले धिआन ले दकतोर इच्छा संगाऊ आत।

1 पतरस 1:20

हुनचो गिआन तो जगत चो उपजास चो पयले ची ले जाना जाऊ रये, मान्तर अदायं ऐ सरासरी जुग ने तुमचो काजे परकट होलो।

1 पतरस 1:21

हुनचो दुवारा तुमी हुन माहापुरू थाने बिश्वास करू आस, जोन हुनके मरलो बितामन थानले जिआलो आउर महिमा दिलो कि तुमचो बिश्वास आउर आशा माहापुरू थाने होओ।

1 पतरस 3:18

ऐईकाजे कि मसीह बले, आउर अधरमीमन काजे धरमी, पापमन चो लागुन गोटक हार दुख उठालो, बल्ले आमके माहापुरू चो लगे अमराओ हुन देंह चो भाव ले तो घात करा गेलो, मान्तर आत्मा चो भाव ले जिआया गेलो।

1 पतरस 3:22

हुन सरग थाने जाऊन भाती माहापुरू चो उजा बाटे बसलो, आउर सरगदूत आउर अधिकारी आउर सामरती हुनचो हक करा गेला से।

1यूहन्ना 1:2

ऐ जीवना परकट होली, आउर आमीमन हुनके दकलु, आउर हुनचो गोहई देऊ से, आउर तुमके हुन अमर जिवना चो खबर देऊ से जोन बुआ चो संगे रये आउर आमचो उपरे परकट होलो।

1यूहन्ना 3:5

तुमी जानेसास कि हुन ऐईकाजे परकट होली कि पापमन के हरून जाओ; आउर हुनचो आदत ने पाप निआय।

1यूहन्ना 3:8

जोन कोनी पाप करू आय हुन शयतान चो बाटले आय, कसनबल्लोने शयतान मुर ले ची पाप करते ईलो से। माहापुरू चो बेटा ऐईकाजे परकट होलो कि शयतान चो काममन के नाश करो।

प्रकाशितवाक्य 17:5

हुनचो कपार थाने ऐ नाव लिकलोर रये, “भेद बड़े बेबीलोन धरतनी चो बेश्यामन आउर घिन-घिना तीजमन चो आया।”

प्रकाशितवाक्य 17:7

तेबे हुन सरगदूत मोचो ले बल्लो, “तुय केंव चकित होलीस? मय ऐ बायले लेकी आउर हुन पशु चो, जेचो उपरे हुन चेगलो से आउर जेचो सात मुण्ड आउर दस सींग आसे, तुके भेद सांगे दे।”

प्रकाशितवाक्य 7:9

ऐचो पाचे मय नंजराले, आउर दका, हरकोनी जाति आउर कुल आउर लोग आउर भाषा थानले गोटक असन बड़े भीड़, जेके कोनी गनुक नी सकते रवत, पंडरा फटीई पिन्दुन आउर आपलो हाथमन ने खजुर चो खेंदामन धरून भाती सिंघासन चो पुरे आउर मेमना चो पुरे उबा आसोत,