1तीमुथियुस 2:4 - Halbi

⁴ जोन ऐ चाहाऊं आय कि सपाय मानेमन चो मुक्ति होओ, आउर हुनमन सत के नुकु-नुकु चिता ओत।

परमेस्वर को सच्चो वचन ख जाननू

⁴ जे यू चाहाव हैं, कि सब इंसान को उध्दार हो; अर वी सही को भली-भाँति पहचान लेवा।

1तीमुथियुस 2:4 ပူးပေါင်းရင်းမြစ်များ

मत्ती 28:19

ऐईकाजे तुमी जाआ, सपाय जातिमन चो लोगमन के चेला बनाहा; आउर हुनमन के बुआ, आउर बेटा, आउर पवितर आत्मा चो नाव ले डूबन दिआस,

मरकुस 16:15

आउर हुन हुनमन ले बल्लो, “तुमी सपाय जगत ने जाऊन भाती पुईतराय बरमाण्ड चो लोगमन के नगतखबर परचार करा।

लूका 1:77

कि हुनचो लोगमन के मुक्ति चो गिआन देओ, जोन हुनमन चो पापमन चो छमा ले मिरेसे।

लूका 14:23

मालिक दास ले बल्लो, ‘सड़कमन थाने आउर बाड़ामन चो बाटे जा आउर लोगमन के झटके धरून आन बल्ले मोचो घर भरून जाओ।

लूका 24:47

आउर यरूशलेम ले धरून सपाय जातिमन ने मन फिराव चो आउर पापमन चो छमा चो परचार, हुनचेई नाव ले करा जायेदे।

यूहन्ना 14:6

ईशु हुनचो ले बल्लो, “बाट आउर सत आउर जीव मय ची आंय; बिना मोचो नाहालो कोनी बुआ चो लगे नी पहुँचुक सके।

यूहन्ना 17:17

सत चो दुआरा हुनमन के पवितर कर: तुचो बचन सत आय।

यूहन्ना 6:37

जोन काई बुआ मोके देऊ आय हुन सपाय मोचो लगे ऐये दे, आउर जोन कोनी मोचो लगे ऐये दे हुनके मय केबीई नी निकरायें दे।

रोमियो 11:14

कि कोनी रीति ले मय आपलो कुटुममन ने जलन पयदा कराऊन भाती हुनमन थानले कितलो झन चो मुक्ति करायेंदे।

1तीमुथियुस 4:10

कसनबल्लोने आमी मसागत आउर कोशिश ऐईकाजे करूं आंव कि आमचो आशा हुन जीवता माहापुरू थाने आसे, जोन सपाय मानेमन चो आउर नीज करून बिश्वासीमन चो मुक्तिकरू आय।

2 तीमुथियुस 2:25

हुन बिरूदीमन के नम्रता ले समजाओ, काय जाने माहापुरू हुनमन के मन फिराव चो मन देओ कि हुनमन बले सत के चिता ओत,

2 तीमुथियुस 3:7

आउर हरमेशा सिकते तो रऊ आत मान्तर सत चो पयचान लगले केबीई नी अमरोत।

तीतुस 1:1

पौलुस चो बाटले जोन माहापुरू चो दास आउर ईशु मसीह चो पठालोबिता आय, माहापुरू चो चुनलो लोगमन चो बिश्वास आउर हुन सत चो पयचान चो अनुसार जोन भक्ति चो अनुसार आय,

तीतुस 2:11

कसनबल्लोने माहापुरू चो हुन अनुग्रह परकट आसे, जोन सपाय मानेमन चो मुक्ति चो कारन आय,

इब्रानियो 10:26

कसनबल्लोने सत चो पयचान परापत करलो पाचे अगर आमी जानुन बुजुन भाती पाप करते रवां, तेबे पापमन चो काजे फेर कोनी बलिदान बाकी निआय।

याकूब 3:14

मान्तर अगर तुमी आपलो-आपलो मन ने पीता कुचर आउर बिरूद संगायसास, तेबे सत चो बिरूद ने घमण्ड नी करा, आउर ना तो झूठ बोला।

2 पतरस 3:9

परबु आपलो बायदा चो बारे ने बेर नी करे, जसन बेर कितलो लोग समजु आत; मान्तर तुमचो बारे ने धीरज धरू आय, आउर नी चाहाय कि कोनी नष्ट होओ मान्तर ऐ आय कि सपाय के मन फिरातोर मवका मिरो।

2 यूहन्ना 1:1

मय सियान चो बाटले हुन चुनलो बिती बायले आउर हुनचो पिलामन चो नाव, जोनमन ले मय सते मया संगाऊ आय, आउर मात्र मय ची नाई मान्तर हुनमन सपाय बले मया संगाऊ आत जोन सत के जानोत;

प्रकाशितवाक्य 14:6

फेर मय गोटक आउर सरगदूत के बादरी चो मंजी ने उड़तोर दकले, जेचो लगे धरतनी थानचो रतो बितामन चो हरकोनी जाति, आउर कुल, आउर भाषा, आउर लोगमन के सुनातो काजे जुग-जुग नगतखबर रये।