1तीमुथियुस 1:15 - Halbi

¹⁵ ऐ गोठ सत आउर हर परकार ले बिश्वास लायक आय कि मसीह ईशु पापीमन चो मुक्ति करतो काजे जगत ने ईलो, जोन थाने सपाय ले बड़े पापी मय आंय।

परमेस्वर को सच्चो वचन ख जाननू

¹⁵ यू बात सही अऊर हर तरीका से मानन को काबिल हैं कि यीसु मसी पापी हुन को उध्दार करन को लाने दुनिया म आयो, जेमा सबसे बड़ो पापी मी आय।

1तीमुथियुस 1:15 ပူးပေါင်းရင်းမြစ်များ

मत्ती 1:21

हुन बेटा जनमायदे आउर तुय हुनचो नाव ईशु संगाव, कसनबल्लोने हुन आपलो लोगमन चो हुनमन चो पापमन ले मुक्ति करेदे।”

मत्ती 18:10

“दका, तुमी ऐ नानीमन थानले कोनी के तुच्छ नी जाना; कसनबल्लोने मय तुमचो ले बलेंसें कि सरग ने हुनमन चो दूत मोचो सरग चो बुआ चो थोमना हरमेशा दकु आत।

मत्ती 18:11

कसनबल्लोने माने चो बेटा हाजलो लोग के बचाऊक ईलो से।

मत्ती 20:28

जसन कि माने चो बेटा; हुन ऐईकाजे नी ईलो कि हुनचो सेवा शासन करा जाओ, मान्तर ऐईकाजे ईलो कि खुद सेवा शासन करो, आउर खुबे लोगमन के छंड़ातो काजे आपलो जीव देओ।”

मत्ती 9:13

ऐईकाजे तुमी जाऊन भाती ऐचो अरत सिका, ‘मय बलिदान नाई मान्तर दया मन करूं आय।’ कसनबल्लोने मय धरमीमन के नाई, मान्तर पापीमन के हाग देऊक ईलेसे।”

मरकुस 2:17

ईशु ऐ सुनुन भाती हुनमन ले बल्लो, “अच्छा चेंगा के बईद चो जरूरत निआय, मान्तर बेमारमन के आसे: मय धरमीमन के नाई, मान्तर पापीमन के हाग देऊक ईले से।”

लूका 15:2

मान्तर फरीसी आउर शास्तरी गुरमुराऊन भाती बोलुक मुरयाला, “ऐ तो पापीमन ले मीलु आय आउर हुनमन चो संगे खाऊ बले आय।”

लूका 19:10

कसनबल्लोने माने चो बेटा हाजलो बितामन के डगराऊक आउर हुनमन चो मुक्ति करूक ईलो से।”

लूका 5:32

मय धरमीमन के नाई, मान्तर पापीमन के मन फिरातो काजे हाग देऊक ईले से।”

यूहन्ना 1:12

मान्तर जितरो लोग हुनके गरहन करला, हुन हुनमन के माहापुरू चो पिलामन होतोर अधिकार दिलो, बल्लोने हुनके जोन हुनचो नाव ने बिश्वास संगाऊ आत।

यूहन्ना 1:29

दुसर दिन ईशु के आपलो बाटे ऐतोर दकुन भाती बल्लो, “दका, ऐ माहापुरू चो मेमना आय जोन जगत चो पाप के उठाऊन नेऊ आय।

यूहन्ना 12:47

अगर कोनी मोचो गोठमन सुनुन भाती नी माने, तो मय हुनके दोषी नी ठेबा ये कसनबल्लोने मय जगत के दोषी ठेबातो काजे नाई, मान्तर जगत चो मुक्ति करतो काजे ईले से।

यूहन्ना 3:36

जोन बेटा उपरे बिश्वास करू आय, अमर जीवना हुनचो आय; मान्तर जोन बेटा चो नी माने, हुन जीवना के नी दकें दें, मान्तर माहापुरू चो रीस हुनचो उपरे रऊ आय।”

प्रेरितो 11:1

फेर पठालोबिता आउर भाईमन जोन यहूदिया ने रवत सुनला कि दुसर जातिमन बले माहापुरू चो बचन मानला सोत।

प्रेरितो 11:18

ऐ सुनुन भाती हुनमन ओगाय रला, आउर माहापुरू चो बड़ाई करून बोलुक धरला, तेबे तो माहापुरू दुसर जातिमन के बले जीवन चो काजे मन फिराव चो बर दिलो से।

प्रेरितो 3:26

“माहापुरू आपलो सेवा करू के उठाऊन भाती पयले तुमचो लगे पठालो, कि तुमनमन ले हरकोनी के हुनचो बुराईमन ले फिराऊन भाती आशीष देओ।”

रोमियो 11:14

कि कोनी रीति ले मय आपलो कुटुममन ने जलन पयदा कराऊन भाती हुनमन थानले कितलो झन चो मुक्ति करायेंदे।

रोमियो 5:6

कसनबल्लोने जिदलदाय आमी कमजोर ची रलु, तेबे मसीह ठीक समया थाने बिश्वास नी करतो बितामन काजे मरलो।

1 कुरिन्थियो 15:9

कसनबल्लोने मय पठालोबितामन ने सपाय ले नानी आंय, मान्तर पठालोबिता बलाय जातोर लायक बले नुआय, कसनबल्लोने मय माहापुरू चो कलीसिया के कन्दराऊन रलें।

इफिसीयो 3:8

मोचो उपरे जोन सपाय पवितर लोगमन ले नानी ले बले नानी आंय, ऐ अनुग्रह होली कि मय दुसर जातिमन के मसीह चो अगममय धन चो नगतखबर सुनायें,

1तीमुथियुस 1:13

मय तो पयले निन्दा करतो बिता, आउर कन्दरातो बिता, आउर अंधेर करतो बिता रले; तेबले बले मोचो उपरे दया होली, कसनबल्लोने मय अबिश्वास चो दसा ने बिना समजुन बुजुन ऐ कामकरू रले।

1तीमुथियुस 1:19

आउर बिश्वास आउर हुन अच्छा बिबक के थामुन रा, जेके दूर करतोर लागुन कितलोमन चो बिश्वास रूपी जाहाज बुडून गेली।

1तीमुथियुस 3:1

ऐ गोठ सत आय कि जोन अध्यक्ष होतोर चाहाय से हुन अच्छा काम चो इच्छा करू आय।

1तीमुथियुस 4:9

ऐ गोठ सत आउर हर परकार ले मानतो लायक आय।

1तीमुथियुस 6:13

मय तुके माहापुरू के, जोन सपाय के जीव संगाऊ आय, आउर मसीह ईशु के गोहई करून जोन पुन्तियुस पिलातुस चो पुरे अच्छा अंगीकार करलो, ऐ हुकुम देये से

2 तीमुथियुस 2:11

ऐ गोठ सत आय, कि अगर आमी हुनचो संगे मरलु से तो हुनचो संगे जिऊन्दे बले;

तीतुस 3:8

ऐ गोठ सते आय, आउर मय चाहाय से कि तुय ऐ गोठमन चो बारे ने हिम्मत ले बोल ऐईकाजे कि जोनमन माहापुरू उपरे बिश्वास करला से, हुनमन अच्छा-अच्छा काममन ने लगुन रतोर धिआन संगा ओत। ये गोठमन अच्छा आउर मानेमन चो लाब चो आय।

इब्रानियो 7:25

ऐईकाजे जोन हुनचो दुवारा माहापुरू चो लगे ऐऊ आत, हुन हुनमन चो पुरा-पुरा मुक्ति करूक सके, कसनबल्लोने हुन हुनमन चो काजे गुहार करतो काजे हरमेशा जीव आसे।

1यूहन्ना 3:5

तुमी जानेसास कि हुन ऐईकाजे परकट होली कि पापमन के हरून जाओ; आउर हुनचो आदत ने पाप निआय।

1यूहन्ना 3:8

जोन कोनी पाप करू आय हुन शयतान चो बाटले आय, कसनबल्लोने शयतान मुर ले ची पाप करते ईलो से। माहापुरू चो बेटा ऐईकाजे परकट होलो कि शयतान चो काममन के नाश करो।

1यूहन्ना 5:11

आउर हुन गोहई ऐ आय कि माहापुरू आमके अमर जीवना दिलो से, आउर ऐ जीवना हुनचो बेटा ने आसे।

प्रकाशितवाक्य 21:5

जोन सिंघासन थाने बसुन रये, हुन बल्लो, “दक, मय सपाय काई नवा करून देऊ आंय।” फेर हुन बल्लो, “लिकुन धर, कसनबल्लोने ऐ बचन बिश्वास चो लायक आउर सत आय।”

प्रकाशितवाक्य 22:6

फेर हुन मोचो ले बल्लो, “ऐ गोठमन बिश्वास चो लायक आउर सत आय। परबु, जोन अगम गिआनीमन चो आत्मामन चो माहापुरू आय, आपलो सरगदूत के ऐईकाजे पठालो कि आपलो दासमन के हुन गोठमन, जेचो झटके पुरा होतोर जरूर आय, दकाओ।”

प्रकाशितवाक्य 5:9

हुनमन ऐ नवा गीत गाऊक मुरयाला, “तुय ऐ किताब के धरतोर, आउर ऐचो सीलमन खोलतोर लायक आस; कसनबल्लोने तुय पुजाय होऊन भाती आपलो लऊ ले हरकोनी कुल आउर भाषा आउर लोग आउर जाति थानले माहापुरू चो काजे लोगमन के घेनली सीस,