1 थिस्सलुनीकियो 5:14 - Halbi

¹⁴ हे भाईमन, आमी तुमके समजाऊँ से कि जोन अच्छा चाल नी चलोत हुनमन के समजाहा, डरहामन के हिम्मत दिआस, बलनाहलो लोग के सम्भाला, सपाय चो बाटे सयनशक्ति दकाहा।

परमेस्वर को सच्चो वचन ख जाननू

¹⁴ अरे भैय्या हुन अर बहिन हुन, हम तुम से विनती करा हैं कि तुम आलसी हुन ख समझाते रहनू, काम चोर हुन ख हिम्मत देव, कमजोर हुन ख समालो, अऊर सब को संग मेल जोल को व्यवहार करो।

1 थिस्सलुनीकियो 5:14 ပူးပေါင်းရင်းမြစ်များ

मत्ती 12:20

हुन रमन्दलो बिती राज बड़गीमन के नी टुटायदे, आउर कुमरा देतो बिती बाती के नी लिबायदे, जिदलदाय तक हुन नियाय के परबल नी कराये।

लूका 22:32

मान्तर मय तुचो काजे गुहार करले कि तुचो बिश्वास जाते नी रओ; आउर जिदलदाय तुय फिर से, तेबे आपलो भाईमन के थीर कर।”

प्रेरितो 20:27

कसनबल्लोने मय माहापुरू चो सपाय कोशिश के तुमके पुरा ढंग ले सांगतोर ने नी झिझक लें।

प्रेरितो 20:31

ऐईकाजे चेता राहा, आउर सुरता करा कि मय तीन बरक ले रात दिन आँसु बहाऊन-बहाऊन हरकोनी के जनातोर नी छांडले।

प्रेरितो 20:35

मय तुमके सपाय काई करून दकाले कि ऐई ढंग ले मसागत करते-करते कमजोरमन के समालतोर आउर परबु ईशु चो बचन सुरता संगातोर जरूरी आय, जोन हुन खुद ची बल्लो से: धरतोर ले देतोर धन्य आय।

रोमियो 12:1

ऐईकाजे हे भाईमन, मय तुमचो ले माहापुरू चो दया सुरता कराऊन भाती बिनती करें से कि आपलो देंहमन के जीवता, आउर पवितर, आउर माहापुरू के भावतो बिती पुजा करून चेगाहा। ऐई ची तुमचो आत्मिक सेवा आय।

रोमियो 14:1

जोन बिश्वास ने कमजोर आसे, हुनके आपलो संगे धरा, मान्तर हुनचो संकामन थाने बिवाद करतो काजे नाई।

1 कुरिन्थियो 4:14

मय तुमके लाज करतो काजे ऐ गोठमन नी लिके, मान्तर आपलो लाड़रा लेका जानुन भाती तुमके जनायें से।

1 कुरिन्थियो 8:7

मान्तर सपाय के ऐ गिआन निआय, मान्तर कितरो तो ऐबले मुरतीमन के काई समजतोर कारन मुरतीमन चो पुरे पुजलो बिती तीज के काई समजुन भाती खाऊ आत, आउर हुनमन चो बिबक कमजोर होतोर लागुन अशुद्ध होऊन जाऊ आय।

गलातियो 5:22

मान्तर आत्मा चो फल मया, हरिक, शान्ति, धीरज, किरपा, भलाई, बिश्वास,

इफिसीयो 4:2

बल्लोने पूईतराय दिनता आउर नम्रता संगे, आउर धीरज धरून भाती मया ले गोटक दुसर चो सहा;

इफिसीयो 4:32

गोटक दुसर उपरे किरपालु आउर करूनामय हुआ, आउर जसन माहापुरू मसीह ने तुमचो अपराध छमा करलो, असने ची तुमी बले गोटक दुसर चो अपराध छमा करा।

कुलुस्सियो 1:28

जेचो परचार करून आमी हरकोनी माने के जनाऊन देऊ आंव आउर पुईतराय गिआन ले हरकोनी माने के सिकाऊ आंव, कि आमी हरकोनी माने के मसीह ने सिद्ध करून हाजिर करूं।

2 थिस्सलुनीकियो 3:15

तेबे बले हुनके बयरी नी समजा, मान्तर भाई जानुन भाती समजाहा।

1तीमुथियुस 3:3

मतवार नाहले मारपेट करतो बिता नी होओ; मान्तर कोमल होओ, आउर ना झगड़ाहा, आउर ना धन चो लालची होओ।

1तीमुथियुस 6:11

मान्तर हे माहापुरू चो जन, तुय ऐ गोठमन ले पराव, आउर धरम, भक्ति, बिश्वास, मया, धीरज आउर नम्रता चो पीछा कर।

2 तीमुथियुस 4:2

कि तुय बचन चो परचार कर, समया आउर असमया तिआर रा, सपाय परकार चो सयनशक्ति आउर सिक्या चो संगे उलाहना देस आउर खिज आउर समजाव।

तीतुस 1:10

कसनबल्लोने खुबे लोग पुटुर-पुटुर करतो बिता आउर धोका देऊ बिता आत, खास करून खतना बितामन थानले।

तीतुस 1:6

जोन बेकसूर आउर गोटक ची बायले चो मुनुक होओ, जेचो पिलामन बिश्वासी होओत, आउर जोनमन थाने ठग आउर काई दोष नी रओ।

इब्रानियो 12:12

ऐईकाजे ढ़िलंग हाथमन आउर कमजोर मांडीमन के सलक करा,

इब्रानियो 13:3

कयदीमन चो असन सुद्धि धरा कि माना हुनमन चो संगे तुमी बले कयदी आस, आउर जोनमन चो संगे खराप बेवहार करा जाऊ आय, हुनमन चो बले ऐ समजुन भाती सुद्धि धरा करा कि आमचो बले देंह आय।