1 थिस्सलुनीकियो 5:12 - Halbi

¹² हे भाईमन, आमी तुमचो ले गुहार करूं से कि जोन तुमनमन ने मसागत करू आत, आउर परबु ने तुमनमन चो अगुवा आत, आउर तुमके सिक्या देऊ आत, हुनमन चो मान करा।

परमेस्वर को सच्चो वचन ख जाननू

¹² अरे भैय्या हुन हम तुम से एक विनती करा हैं। तुम वी इंसान हुन कि इज्जत करनो, जो तुमरो बीच म मेहनत करा हैं, अर प्रभु म तुमारा अगुवा हैं, अर तुम ख ग्यान सिखावा हैं, उनकी इज्जत करो।

1 थिस्सलुनीकियो 5:12 ပူးပေါင်းရင်းမြစ်များ

लूका 10:7

हुनी घर ने राआ, आउर जोन काई हुनमन ले मिरो, हुनी खाआ-पिआ, कसनबल्लोने भुतीयार के आपलो भुती मिरतोर जरूरी आय; घरे-घरे नी फिरा।

यूहन्ना 4:38

मय तुमके हुन फसह काटतो काजे पठाले जोन थाने तुमी मसागत नी करलास दुसरमन मसागत करला आउर तुमी हुनमन चो मसागत चो फल ने शामिल होलास।”

प्रेरितो 20:28

ऐईकाजे आपलो आउर पुईतराय गोहड़ी चो राका करा जोन थाने पवितर आत्मा तुमके अध्यक्ष ठेबालो से, कि तुमी माहापुरू चो कलीसिया चो राका करा, जोन के हुन आपलो लऊ ले घेनलो से।

प्रेरितो 20:35

मय तुमके सपाय काई करून दकाले कि ऐई ढंग ले मसागत करते-करते कमजोरमन के समालतोर आउर परबु ईशु चो बचन सुरता संगातोर जरूरी आय, जोन हुन खुद ची बल्लो से: धरतोर ले देतोर धन्य आय।

रोमियो 16:12

त्रुफेना आउर त्रुफोसा के जोन परबु ने मसागत करू आय, जुहार। लाड़रा पिरसिस के, जोन परबु ने खुबे मसागत करलो, जुहार।

रोमियो 16:6

मरियम के, जोन तुमचो काजे खुबे मसागत करली, जुहार।

1 कुरिन्थियो 12:28

आउर माहापुरू कलीसिया ने अलग-अलग माने तिआर करलो से; पयला पठालोबिता, दुसर अगम गिआनी, तीसर गुरजी, फेर सामरत चो काम करतो बितामन, फेर चेंगा करतो बितामन, आउर उपकार करतो बितामन, आउर जुगाड़ करतो बितामन, आउर नाना परकार चो भाषा बोलतो बितामन।

1 कुरिन्थियो 15:10

मान्तर मय जोन काई बले आय, माहापुरू चो अनुग्रह ले आय। हुनचो अनुग्रह जोन मोचो उपरे होली, हुन फकाहा नी होली; मान्तर मय हुन सपाय ले बडुन भाती मसागत बले करले तेबले बले ऐ मोचो बाटले नी होली मान्तर माहापुरू चो अनुग्रह ले जोन मोचो उपरे रली।

1 कुरिन्थियो 16:16

ऐईकाजे मय तुमचो ले बिनती करें से कि असनमन चो अधीन राआ, मान्तर हरकोनी जोन ऐ काम ने मसागत आउर सायता करू आत।

1 कुरिन्थियो 16:18

हुनमन मोचो आउर तुमचो आत्मा के आराम दिला सोत, ऐईकाजे असनमन के माना।

1 कुरिन्थियो 3:9

कसनबल्लोने आमी माहापुरू चो सहकरमी आंव; तुमी माहापुरू चो खेती आउर माहापुरू चो बनावटी आस।

2 कुरिन्थियो 11:23

काय हुनीमन ची मसीह चो सेवक आत मय बया चो असन बलें सें मय हुनमन ले बडुन भाती आंय! खुबे मसागत करलो ने; घन-घन कयद होतोर ने; कोड़ा खातोर ने; घन-घन मरना चो खतरामन ने।

2 कुरिन्थियो 5:9

ऐई लागुन आमचो मन चो उदुम ऐ आय कि भले संगे रऊं भले अलग रऊं, मान्तर आमी हुनके भावते रऊं।

2 कुरिन्थियो 6:1

आमी जोन माहापुरू चो संगे कामकरू आंव ऐ बले समजु आंव कि हुनचो अनुग्रह जोन तुमचो उपरे होली, हुनके फकाहा नी जाऊक दिआस।

गलातियो 4:11

मय तुमचो बारे ने डरू आंय, काहांय असन नी होओ कि जोन मसागत मय तुमचो काजे करले से हुन फकाहा ठेबो।

फिलिप्पियो 2:16

कि मसीह चो दिने मोके घमण्ड करतोर चो कारन होओ कि ना मोचो परातोर आउर मचो मसागत करतोर फकाहा होली।

फिलिप्पियो 2:19

मोके परबु ईशु ने आशा आसे कि मय तीमुथियुस के तुमचो लगे तुरते पटायेंदें; बल्ले तुमचो हाल सुनुन भाती मोके शान्ति मिरो।

कुलुस्सियो 1:29

ऐचीई काजे मय हुनचो हुन शक्ति चो अनुसार जोन मोचो ने सामरत चो संगे असर करू आय, तनमन लगाऊन भाती मसागत बले करू आंय।

1 थिस्सलुनीकियो 2:9

कसनबल्लोने, हे भाईमन, तुमी आमचो मसागत आउर कष्ट के सुरता संगाऊ आहास; आमी तो ऐईकाजे रात दिन काम धन्धा करते-करते तुमचो ने माहापुरू चो नगतखबर परचार करलु कि तुमचो थानले काचीई उपरे भार नी होओ।

1 थिस्सलुनीकियो 4:1

ऐईकाजे हे भाईमन, आमी तुमके गुहार करूं से आउर तुमके परबु ईशु ने समजाऊँ से कि जसन तुमी आमचो ले लायक चाल चलतोर आउर माहापुरू के हरिक करतोर सिकलासास, आउर जसन तुमी चलेसास बले, असने ची आउर बले बड़ते जाहा।

1 थिस्सलुनीकियो 5:14

हे भाईमन, आमी तुमके समजाऊँ से कि जोन अच्छा चाल नी चलोत हुनमन के समजाहा, डरहामन के हिम्मत दिआस, बलनाहलो लोग के सम्भाला, सपाय चो बाटे सयनशक्ति दकाहा।

1तीमुथियुस 5:1

कोनी डोकरा के नी खीज, मान्तर हुनके बुआ जानुन भाती समजाऊन देस, आउर जुआनमन के भाई जानुन भाती,

1तीमुथियुस 5:20

पाप करतो बितामन के सपाय चो पुरे समजाऊन देस, बल्ले आउर लोग बले डरोत।

2 तीमुथियुस 2:6

जोन खेतीयार मसागत करू आय, फर चो भाग पयले हुनके मिरतोर आसे।

तीतुस 1:3

मान्तर ठीक समया थाने आपलो बचन के हुन परचार चो बाटले परकट करलो, जोन आमचो मुक्तिकरू माहापुरू चो हुकुम चो अनुसार मोके सोपाय गेली।

तीतुस 1:5

मय ऐईकाजे तुके क्रेते ने छांडुन ऐऊन रले कि तुय बाकी गोठमन के सुधार, आउर मोचो हुकुम चो अनुसार नंगर-नंगर सियानमन के नियुक्त करो।

तीतुस 2:15

पुरा अधिकार चो संगे ऐ गोठमन बोल, आउर समजाव आउर सिकाते रा। कोनी तुके तुच्छ जानुक नी सकोत।

इब्रानियो 13:17

आपलो अगुवामन चो हुकुम माना आउर हुनमन चो अधीन राहा, कसनबल्लोने हुनमन-हुनमन चो असन तुमचो जीवमन चो काजे चेता रऊ आत जोनमन के लेखा देऊक पड़ेदे; हुनमन ऐ काम हरिक ले करोत, ना सितर फुंडा धरून-धरून भाती, कसनबल्लोने ऐ दसा ने तुमके काई लाब निआय।

इब्रानियो 13:7

जोन तुमचो अगुवामन रवत, आउर जोनमन तुमके माहापुरू चो बचन सुनाला, हुनमन के सुरता संगाहा; आउर धिआन ले हुनमन चो चाल-चलन चो आखरी दकुन भाती हुनमन चो बिश्वास चो नकल करा।

प्रकाशितवाक्य 1:20

बल्लोने हुन सात तारामन चो भेद जेके तुय मोचो उजा हाथ ने दकु रईस, आउर हुन सात सोना चो दियामन चो भेद: हुन सात तारा सातो कलीसियामन चो दूत आत, आउर हुन सात पटेरा सात कलीसियामन आत।

प्रकाशितवाक्य 2:12

“पिरगमुन चो कलीसिया चो दूत के ऐ लिक: जेचो लगे दुयधारी आउर तेज तलवार आसे, हुन ऐ बलेसे: कि”

प्रकाशितवाक्य 2:18

“थुआथीरा चो कलीसिया चो दूत के ऐ लिक: माहापुरू चो बेटा जेचो आँईकमन आईग चो तरास चो असन, आउर जेचो पाँय बड़ीया पीतल चो असन आसे, हुन ऐ बलेसे”

प्रकाशितवाक्य 2:3

“तुय धीरज धरू आस, आउर मोचो नाव चो काजे दुख उठाते-उठाते थाकलीस नाई।”

प्रकाशितवाक्य 2:8

“स्मुरना चो कलीसिया चो दूत के ऐ लिक: जोन पयला आउर आखरी आय, जोन मरून रये आउर अदायं जीव होलो से, हुन ऐ बलेसे: कि”

प्रकाशितवाक्य 3:1

“सरदीस चो कलीसिया चो दूत के ऐ लिक: जेचो लगे माहापुरू चो सात आत्मामन आउर सात तारामन आसे, हुन ऐ बलेसे कि मय तुचो काममन के जाने से, तुय जीवता तो बलाय सीस, मान्तर आसीत मरलोर।”

प्रकाशितवाक्य 3:14

“लौदीकिया चो कलीसिया चो दूत के ऐ लिक: जोन आमीन आउर बिश्वास लायक आउर सत गोहई आय, आउर माहापुरू चो बनालोर मुल कारन आय, हुन ऐ बलेसे: कि”

प्रकाशितवाक्य 3:7

“फिलदिलफिया चो कलीसिया चो दूत के ऐ लिक: जोन पवितर आउर सत आत, आउर जोन दाऊद चो कुची संगाऊ आय, जेचो उगाढ़लो बिती के कोनी बन्द नी करूक सकोत आउर बन्द करलो बिती के कोनी उगाढुक नी सकोत, हुन ऐ बलेसे, कि”