1 थिस्सलुनीकियो 2:14 - Halbi

¹⁴ ऐईकाजे तुमी, हे भाईमन, माहापुरू चो हुन कलीसियामन चो असन चाल चलुक मुरयालास जोन यहूदीया ने मसीह ईशु ने आसे, कसनबल्लोने तुमी बले आपलो लोगमन ले असने ची दुख पावलास जसन हुनमन यहूदिमन ले पाऊ रवत,

परमेस्वर को सच्चो वचन ख जाननू

¹⁴ भैय्या हुन अऊर बहिन हुन! तुम इंसान हुन न यहूदा परदेस म रहन वाली परमेस्वर कि कलेसिया हुन को हिसाब से चलन लग गया हैं, जो यीसु मसी म हैं, काहेकि जसा तुमारा इंसान हुन को वजे से तुम ख सतायो गयो हैं वसो ही तुमारा इंसान हुन ख यहूदी हुन न सतायो रहा।

1 थिस्सलुनीकियो 2:14 ပူးပေါင်းရင်းမြစ်များ

प्रेरितो 11:19

जोन लोग हुन कलेश चो लागुन जोन स्तिफनुस चो कारन पडु रली, जतखत होऊन जाऊ रवत, हुनमन फिरते-फिरते फिनिके आउर साइप्रस आउर अन्ताकिया ने पोंचला; मान्तर यहूदीमन के छांडुन कोनी आउर के बचन नी सुनाते रवत।

प्रेरितो 13:50

मान्तर यहूदीमन भगत आउर सियानिन बायले लेकीमन के आउर नंगर चो मुखिया लोगमन के हुच हुचाला, आउर पौलुस आउर बरनबास चो बिरूद हुड़दुम कराऊन भाती हुनमन के आपलो संदी ले निकराऊन दिला।

प्रेरितो 14:19

मान्तर कितलो यहूदीमन अन्ताकिया आउर इकुनियुम ले ऐऊन भाती लोगमन के आपलो बाटे करला, आउर पौलुस उपरे पखना मारला, आउर मरलो समजुन भाती हुनके नंगर चो बाहरे ओड़गड़ते निला।

प्रेरितो 14:2

मान्तर बिश्वास नी करतो बितामन यहूदीमन दुसर जातिमन चो मन भाईमन चो बिरूद ने हुच हुचाला, आउर मनमुटाव पयदा करून दिला।

प्रेरितो 14:4

मान्तर नंगर चो लोगमन ने फुट पडुन जाऊ रली, ऐचो ले कितलो तो यहूदीमन चो बाटे आउर कितलो पठालोबितामन चो बाटे होऊन गेला।

प्रेरितो 14:5

मान्तर जिदलदाय दुसर जाति आउर यहूदी हुनमन चो बेईजित आउर हुनमन उपरे पखना मारतो काजे आपलो सरदार संगे हुनमन उपरे गेला,

प्रेरितो 17:13

मान्तर जिदलदाय थिस्सलुनी चो यहूदी जानुन गेला कि पौलुस बिरीया ने बले माहापुरू चो बचन सुनाऊ आय, तेबे हुता बले ऐऊन भाती लोगमन के हुच हुचाक आउर हुड़दुम करूक मुरयाला।

प्रेरितो 18:12

जिदलदाय गल्लियो अखाया देश चो हाकिम रलो, तेबे यहूदीमन गोटक होऊन पौलुस चो उपरे ईला, आउर हुनके नियाय आसन चो पुरे आनुन भाती बोलुक मुरयाला,

प्रेरितो 8:1

शाऊल हुनचो मरना चो संगे सलाह रये। हुनी दिने यरूशलेम चो कलीसिया उपरे बड़े उपद्रव होऊक मुरयाली आउर पठालोबितामन के छांडुन सपाय ले सपाय यहूदिया आउर सामरी देशमन ने जत-खत होऊन गेला।

प्रेरितो 8:3

शाऊल कलीसिया के उजराते रलो; आउर घरे-घरे ओलुन भाती मनुकमन आउर बायले लेकीमन के ओड़गड़ते-ओड़गड़ते जयलघर ने ढ़ाकते रये।

प्रेरितो 9:1

शाऊल जोन ऐबले परबु चो चेलामन के धमकातोर आउर मारतोर धुन ने रये, माहायाजक लगे गेलो

प्रेरितो 9:13

हनन्या जबाप दिलो, हे परबु, मय ऐ माने चो बारे ने खुबेमन ले सुनले से कि ऐ यरूशलेम ने तुचो पवितर लोगमन चो संगे बड़े-बड़े खरापमन करलो से;

प्रेरितो 9:31

ऐई परकार पुईतराय यहूदिया, आउर गलील, आउर सामरिया ने कलीसिया के असतीर मिरली, आउर हुनचो उन्नती होते गेली; आउर हुन परबु चो भय आउर पवितर आत्मा चो शान्ति ने चलते आउर बाड़ते गेलो।

1 कुरिन्थियो 10:32

तुमी ना यहूदीमन, ना यूनानीमन, आउर ना माहापुरू चो कलीसिया चो काजे ठोकर चो कारन बना।

1 कुरिन्थियो 7:17

जसन परबु हरकोनी के बाटलो से, आउर जसन माहापुरू हरकोनी के हाग दिलो से, असने ची हुन चलो। मय सपाय कलीसियामन ने असने ची ठेबायें से।

गलातियो 1:22

मान्तर यहूदिया चो कलीसियामन जोन मसीह ने रला, मचो मुंह केबीई नी दकु रला;

1 थिस्सलुनीकियो 1:1

पौलुस आउर सिलवानुस आउर तीमुथियुस चो बाटले थिस्लुनिकीमन चो कलीसिया चो नाव, जोन माहापुरू बुआ आउर परबु ईशु मसीह ने आसे। अनुग्रह आउर शान्ति तुमके मिरते रओ।

1 थिस्सलुनीकियो 1:6

तुमी बड़े कलेश ने, पवितर आत्मा चो हरिक चो संगे, बचन के मानुन भाती आमचो आउर परबु चो असन चाल चलुक मुरयालास।

1 थिस्सलुनीकियो 3:4

कसनबल्लोने पयले बले, जिदलदाय आमी तुमचो थाने रऊँ तेबे तुमके बोलते रऊँ कि आमके कलेश उठाक पढ़े दे, आउर असने ची होली से, जसन कि तुमी जानास बले।

2 थिस्सलुनीकियो 1:1

पौलुस आउर सिलवानुस आउर तीमुथियुस चो बाटले थिस्लुनिकीमन चो कलीसिया चो नाव, जोन आमचो बुआ माहापुरू आउर परबु ईशु मसीह ने आसे:

2 थिस्सलुनीकियो 1:4

ऐथा ले कि आमी खुद माहापुरू चो कलीसिया ने तुमचो बारे ने घमण्ड करूं आंव कि जितरो झंझट आउर कष्ट तुमी सहु आहास, हुन सपाय ने तुमचो धीरज आउर बिश्वास परकट होऊ आय।