1 थिस्सलुनीकियो 2:13 - Halbi

¹³ ऐईकाजे आमी बले माहापुरू चो धन्यबाद हरमेशा करूं आंव कि जिदलदाय आमचो लागुन माहापुरू चो नगतखबर चो बचन तुमचो लगे पहुँचली, तेबे तुमी हुनके मानेमन चो नाई मान्तर माहापुरू चो बचन समजुन भाती (आउर सते ऐ असने ची आय) गरहन करलास; आउर हुन तुमी बिश्वासीमन थाने जोन बिश्वास संगाऊ आहास, असर करू आय।

परमेस्वर को सच्चो वचन ख जाननू

¹³ एकोलाने हम भी परमेस्वर को धन्यवाद हमेसा करते रहवा हैं कि जब हमरो दुवारा परमेस्वर को सुभ समाचार को वचन तुमरो जोने पहुँचियो, ते तुम न ओ ख अदमी हुन को नी पर परमेस्वर को वचन समझ ख अर सच्ची म यू असो ही हैं झेल लियो अर उ तुम विस्वास करन वाला म विस्वास रखा हैं, सक्तिसाली हैं।

1 थिस्सलुनीकियो 2:13 ပူးပေါင်းရင်းမြစ်များ

मत्ती 10:20

कसनबल्लोने बोलतो बिता तुमी नुआस, मान्तर तुमचो बुआ चो आत्मा तुमचो ने बोलु आय।”

मत्ती 10:40

“जोन तुमके गरहन करू आय, हुन मोके गरहन करू आय; आउर जोन मोके गरहन करू आय, हुन मोचो पठालोबिता के गरहन करू आय।

लूका 11:28

हुन बल्लो, “हव; मान्तर धन्य हुनमन आत जोन माहापुरू चो बचन सुनु आउर मानु आत।”

लूका 5:1

जिदलदाय भीड़ माहापुरू चो बचन सुनतो काजे हुनचो उपरे घसरुन पड़ते रवत, आउर हुन गनेसरत चो झील चो कटा उबा रलो, तेबे असन होली,

लूका 8:11

“कहनी चो अरत ऐ आय: बीज माहापुरू चो बचन आय।

लूका 8:21

हुन ऐचो जबाप ने हुनमन ले बल्लो, “मोचो आया आउर मोचो भाई ऐईचीमन आत, जोन माहापुरू चो बचन सुनु आउर मानु आत।”

यूहन्ना 15:3

तुमी तो हुन बचन चो कारन जोन मय तुमचो ले बल्ले से, शुद्ध आहास।

यूहन्ना 17:17

सत चो दुआरा हुनमन के पवितर कर: तुचो बचन सत आय।

यूहन्ना 17:19

आउर हुनमन काजे मय आपन खुद के पवितर करें से, बल्ले हुनमन बले सते चो दुआरा पवितर कराया जाओत।

प्रेरितो 10:33

तेबे मय तुरते तुचो लगे लोग पठाले, आउर तुय अच्छा करलीस जोन ईलीस। अदायं आमी सपाय ऐथा माहापुरू चो पुरे आंसु, बल्ले जोन काई माहापुरू तुचो ले बल्लो से हुनके सुनु।

प्रेरितो 13:48

ऐ सुनुन भाती दुसर जातिमन हरिक होला, आउर माहापुरू चो बचन चो बड़ाई करूक मुरयाला; आउर जितरो अमर जीवना चो काजे थेबाया जाऊ रवत, हुनमन बिश्वास करला।

प्रेरितो 16:14

लुदिया नाव चो थुआथीरा नंगर चो बैंजनी फटीईमन बिकतो बिती गोटक भगत बायले लेकी सुनते रली। परबु हुनचो मन खोललो कि हुन पौलुस चो गोठमन थाने मन लगा ओ।

प्रेरितो 17:11

ऐ लोग तो थिसलुनी चो यहूदीमन ले अच्छा रवत, आउर हुनमन बड़े लालच ले बचन गरहन करला, आउर रोजे दिना पवितर शास्त्रमन ने डगराते रला कि ऐ गोठमन असने ची आय कि नुआय।

प्रेरितो 17:32

मरलो बितामन चो जीव उठतोर गोठ सुनुन भाती कितलो तो मजाक उड़ाऊक मुरयाला, आउर कितरो बल्ला, “ऐ गोठ आमी तुचो ले फेर केबीई सुनवां।”

प्रेरितो 2:41

आउर जोनमन हुनचो बचन के गरहन करला हुनमन डूबन धरला; आउर हुनी दिने तीन हजार मानेमन लग-भग हुनमन ने मिसुन गेला।

प्रेरितो 8:14

जिदलदाय पठालोबितामन जोन यरूशलेम ने रला, सुनला कि सामरीमन माहापुरू चो बचन मानला सोत तेबे पतरस आउर यूहन्ना के हुनमन चो लगे पठाला।

रोमियो 10:17

आउर बिश्वास सुनलो ले आउर सुनतोर मसीह चो बचन ले होऊ आय।

2 कुरिन्थियो 3:18

मान्तर जिदलदाय आमी सपाय चो उगाढ़लोर मुंह ले परबु चो तेज असन परकार परकट होऊ आय, जोन परकार दरपन ने, तेबे परबु चो बाटले जोन आत्मा आसे, आमी हुनी तेजमय रूप ने भाग-भाग करून बदलते जाऊ आंव।

गलातियो 4:14

आउर तुमी मोचो देंह दसा के जोन तुमचो परीक्षा चो कारन रली, तुच्छ नी जानलास; ना हुनचो ले घिन्यालास; आउर माहापुरू चो दूत मान्तर खुद मसीह चो असन मोके गरहन करलास।

कुलुस्सियो 1:6

जोन तुमचो लगे पहुँचली से, आउर जसन जगत ने बले फर आनुन आउर बाड़ते जाऊ आय, असने ची जोन दिन ले तुमी हुनके सुनलास आउर सत ले माहापुरू चो अनुग्रह चितालासास, तुमचो ने बले असने ची करू आय।

इब्रानियो 4:12

कसनबल्लोने माहापुरू चो बचन जीव, आउर परबल, आउर हरकोनी दुयधारी तलवार ले बले खुबे तेज आय; आउर परान आउर आत्मा के, आउर गट-गट आउर गुदा-गुदा के अलग करून ऐ पाट-हुनपाट भेदु आय आउर मन चो खियाल मन के आउर बिचारमन के जांचु आय।

इब्रानियो 4:2

कसनबल्लोने आमके हुनीमन चो असन नगतखबर सुनाया गेली से, मान्तर सुनलो बिती बचन ले हुनमन के काई लाब नी होली; कसनबल्लोने सुनतो बितामन चो मन ने बिश्वास चो संगे नी बसली।

याकूब 1:18

हुन आपलो ची इच्छा ले आमके सत चो बचन चो दुवारा उपजास करलो, बल्ले आमी हुनचो बनालो बिती तीजमन थानले गोटक परकार चो पईल फर होऊ।

1 पतरस 1:23

कसनबल्लोने तुमनमन नाशवान नाई मान्तर अविनाशी बीज ले, माहापुरू चो जीवता आउर हरमेशा ठेबतो बिती बचन चो दुवारा नवा जनम पावलासास।

1 पतरस 1:25

मान्तर परबु चो बचन जुग-जुग थीर रऊ आय।” आउर ऐई नगतखबर चो बचन आय जोन तुमके सुनाया गेलीसे।

1 पतरस 2:2

नवा जनम लो पिलामन चो असन निंगल आत्मिक गोरस चो आशा करा, बल्ले हुनचो दुवारा मुक्ति पावतो काजे बाड़ते जाहा,

2 पतरस 3:2

कि तुमी हुन गोठमन के जोन पवितर अगम गिआनीमन पयले बल्ला सोत, आउर परबु आउर मुक्तिकरू चो हुन हुकुम के सुरता करा जोन तुमचो पठालोबितामन चो दुवारा दिया जाऊ रली।

1यूहन्ना 3:3

आउर जोन कोनी हुनचो उपरे ऐ आशा संगाऊ आय, हुन आपन खुद के असने ची पवितर करू आय जसन हुन पवितर आय।