1 थिस्सलुनीकियो 1:1 - Halbi

¹ पौलुस आउर सिलवानुस आउर तीमुथियुस चो बाटले थिस्लुनिकीमन चो कलीसिया चो नाव, जोन माहापुरू बुआ आउर परबु ईशु मसीह ने आसे। अनुग्रह आउर शान्ति तुमके मिरते रओ।

परमेस्वर को सच्चो वचन ख जाननू

¹ परमेस्वर बाप अर प्रभु यीसु मसी म थिस्सलुनीकियो सहर की कलेसिया को नाम पोलुस, सिलवानुस अर तीमुथियुस कि चिठ्टी से। तुम ख किरपा अर सान्ति मिलते रैय।

1 थिस्सलुनीकियो 1:1 ပူးပေါင်းရင်းမြစ်များ

प्रेरितो 15:22

तेबे सपाय कलीसिया संगे पठालोबिता आउर सियानमन के अच्छा लागली कि आपलो थानले खिन्डिक मानेमन के चुनोत, बल्लोने यहूदा जोन बरसबा बलाया जाऊ आय, आउर सीलास के जोन भाईमन ने मुखिया रये; आउर हुनमन के पौलुस आउर बरनबास चो संगे अन्ताकिया पठाला।

प्रेरितो 15:27

ऐईकाजे आमी यहूदा आउर सीलास के पठालु से, जोन आपलो मुंह ले बले ऐ गोठमन बोलुन देदे।

प्रेरितो 15:40

मान्तर पौलुस सीलास के चुनलो, आउर भाईमन ले माहापुरू चो अनुग्रह ने सोपी जाऊन भाती हुता ले जाते गेलो;

प्रेरितो 16:19

जिदलदाय हुनचो मालिकमन दकला कि आमचो कमाई चो आशा जाते रली, तेबे पौलुस आउर सीलास के धरून जोड़ान ने परधानमन चो लगे झिकुन नीला;

प्रेरितो 16:25

अधघर राती चो लगे-लगे पौलुस आउर सीलास पारथना करते-करते माहापुरू चो भजन गाते रवत, आउर कयदीमन हुनमन चो सुनते रवत।

प्रेरितो 16:29

तेबे हुन चिमनी आनाऊन भाती भीतरे ओंजार लो, आउर थरथरते-थरथरते पौलुस आउर सीलास चो पुरे घसरलो;

प्रेरितो 17:11

ऐ लोग तो थिसलुनी चो यहूदीमन ले अच्छा रवत, आउर हुनमन बड़े लालच ले बचन गरहन करला, आउर रोजे दिना पवितर शास्त्रमन ने डगराते रला कि ऐ गोठमन असने ची आय कि नुआय।

प्रेरितो 18:5

जिदलदाय सीलास आउर तीमुथियुस मकिदुनिया ले ईला, तेबे पौलुस बचन सुनातोर धुन ने यहूदीमन के गोहई देऊक मुरयालो कि ईशु ची मसीह आय।

प्रेरितो 19:22

ऐईकाजे आपलो सेवा करतो बितामन थानले तीमुथियुस आउर इरास्तुस के मकिदुनिया पटाऊन भाती खुद खिन्डिक दिन आसिया ने रऊन गेलो।

प्रेरितो 20:4

बिरीया चो पुरूर्स चो बेटा सोपत्रुस आउर थिस्लुनिकीमन थानले अरिस्तर्खुस आउर सिकुन्दुस, आउर दिरबे चो गयुस, आउर तीमुथियुस, आउर आसिया चो तुखिकुस आउर त्रुफिमुस आसिया लगले हुनचो संगे होला।

रोमियो 1:7

हुन सपाय चो नाव जोन रोम ने माहापुरू चो लाड़रा आत आउर पवितर होतो काजे हाग दिया गेला सोत आमचो बुआ माहापुरू आउर परबु ईशु मसीह चो बाटले तुमके अनुग्रह आउर शान्ति मिरते रओ।

1 कुरिन्थियो 1:2

माहापुरू चो हुन कलीसिया चो नाव जोन कुरिन्थुस ने आसे, बल्लोने हुनमन चो नाव जोन मसीह ईशु ने पवितर कराया गेला, आउर पवितर होतो काजे हाग दिया गेला सोत; आउर हुन सपाय चो नाव बले जोन हर जगा आमचो आउर आपलो परबु ईशु मसीह चो नाव ले पारथना करू आत।

2 कुरिन्थियो 1:1

पौलुस चो बाटले जोन माहापुरू चो इच्छा ले मसीह ईशु चो पठालोबिता आय। आउर भाई तीमुथियुस चो बाटले ले माहापुरू चो हुन कलीसिया चो नाव, जोन कुरिन्थुस ने आसे आउर सपाय अखाया चो सपाय पवितर लोगमन चो नाव:

2 कुरिन्थियो 1:19

“कसनबल्लोने माहापुरू चो बेटा ईशु मसीह जेचो आमचो बाटले बल्लोने मोचो आउर सिलवानुस आउर तीमुथियुस चो बाटले तुमचो मंजी ने परचार होली, हुन थाने ‘हव’ आउर ‘नाई’ दुनो नी रये, मान्तर हुन थाने ‘हव’ ची ‘हव’ होली।

गलातियो 1:2

आउर सपाय भाईमन चो बाटले आउर जोन मचो संगे आसोत, गलातिया चो कलीसियामन चो नाव।

गलातियो 1:22

मान्तर यहूदिया चो कलीसियामन जोन मसीह ने रला, मचो मुंह केबीई नी दकु रला;

इफिसीयो 1:2

आमचो बुआ माहापुरू आउर परबु ईशु मसीह चो बाटले तुमके अनुग्रह आउर शान्ति मिरते रओ।

फिलिप्पियो 1:1

मसीह ईशु चो दास पौलुस आउर तीमुथियुस चो बाटले, सपाय पवितर लोगमन चो नाव जोन मसीह ईशु ने होऊन भाती फिलिप्पी ने रऊ आत, अध्यक्षमन आउर सेवकमन संगे।

कुलुस्सियो 1:1

पौलुस चो बाटले, जोन माहापुरू चो इच्छा ले मसीह ईशु चो पठालोबिता आय, आउर भाई तीमुथियुस चो बाटले,

2 थिस्सलुनीकियो 1:1

पौलुस आउर सिलवानुस आउर तीमुथियुस चो बाटले थिस्लुनिकीमन चो कलीसिया चो नाव, जोन आमचो बुआ माहापुरू आउर परबु ईशु मसीह ने आसे:

1तीमुथियुस 1:2

तीमुथियुस चो नाव जोन बिश्वास ने मोचो सत बेटा आय: बुआ माहापुरू, आउर आमचो परबु मसीह चो बाटले तुके अनुग्रह, आउर दया आउर शान्ति मिरते रओ।

2 तीमुथियुस 1:2

लाड़रा बेटा तीमुथियुस चो नाव। माहापुरू बुआ आउर आमचो परबु मसीह ईशु चो बाटले तुके अनुग्रह आउर दया आउर शान्ति मिरते रओ।

इब्रानियो 13:23

तुमके ऐ मालुम होओ कि तीमुथियुस, आमचो भाई छुटुन गेलो से आउर अगर हुन झटके ऐयेदे तो मय हुनचो संगे तुमचो ले भेट करेंदे।

1 पतरस 5:12

मय सिलवानुस चो होते, जेके मय बिश्वास लायक भाई समजु आय कम ने लिकुन भाती तुमके समजाले से, आउर ऐ गोहई दिले से कि माहापुरू चो सत अनुग्रह ऐई आय, ऐई थाने थीर राहा।

1यूहन्ना 1:3

जोन काई आमीमन दकलु आउर सुनलु से हुनचो खबर तुमके बले देऊ से, ऐईकाजे कि तुमी बले आमचो संगे शामिल हुआ; आउर आमचो ऐ सामिलता बुआ चो संगे आउर हुनचो बेटा ईशु मसीह चो संगे आय।

यहूदा 1:1

यहूदा चो बाटले जोन ईशु मसीह चो दास आउर याकूब चो भाई आय, हुन हाग दिलो बितामन चो नाव जोन माहापुरू बुआ ने लाडरा आउर ईशु मसीह चो काजे अच्छा आसे।