1 पतरस 5:9 - Halbi

⁹ बिश्वास ने जमखम होऊन भाती, आउर ऐ जानुन भाती हुनचो सामना करा कि तुमचो भाई जोन संवसार ने आसोत असने ची दुख-सहे सोत।

परमेस्वर को सच्चो वचन ख जाननू

⁹ विस्वास म पक्को होय ख, अर यू जान ख ओको संग लड़ाई कर कि तुमारो भई जो दुनिया म हैं असो ही दुख सहन करिये हैं।

1 पतरस 5:9 ပူးပေါင်းရင်းမြစ်များ

लूका 22:32

मान्तर मय तुचो काजे गुहार करले कि तुचो बिश्वास जाते नी रओ; आउर जिदलदाय तुय फिर से, तेबे आपलो भाईमन के थीर कर।”

यूहन्ना 16:33

मय ऐ गोठमन तुमचो ले ऐईकाजे बल्ले से कि तुमके मोचो थाने शान्ति मिरो। संवसार ने तुमके कलेश होऊ आय, मान्तर हिम्मत जटाव, मय संवसार के जितले से।”

प्रेरितो 14:22

आउर चेलामन चो मन के थीर करते रला आउर ऐ उपदेश देते रला कि बिश्वास ने बनु राहा; आउर ऐ बोलते रवत, “आमके बड़े कलेश उठाऊन भाती माहापुरू चो राज ने ओलतोर होये दे।”

1 कुरिन्थियो 10:13

तुमी कोनी असन परीक्षा ने नी पढ़लास, जोन माने चो सहन ले बाहार आय। माहापुरू बिश्वास लायक आय आउर हुन तुमके सामरत ले बाहरे परीक्षा ने नी पडुक देयेदे, मान्तर परीक्षा चो संगे निकास बले करेदे कि तुमी सऊक सका।

इफिसीयो 4:27

आउर ना शयतान के मवका दिआस।

इफिसीयो 6:16

आउर ऐ सपाय चो संगे बिश्वास चो ढाल धरून भाती थीर राआ जेचो ले तुमी हुन दुष्ट चो सपाय जरतो बिती काण्डमन के लिबाऊक सका।

कुलुस्सियो 2:5

मान्तर मय देंह चो भाव ले तुमचो ले लापी आसे, तेबले बले आत्मिक भाव ले तुमचो लगे आसे, आउर तुमचो बने बुनाया जीवना के आउर तुमचो बिश्वास चो, जोन मसीह ने आसे, जमखम दकुन भाती हरिक होऊँ आंय।

1 थिस्सलुनीकियो 3:3

कि कोनी ऐ कलेशमन चो लागुन ऐ बाटे हुन बाटे नी जाओत। कसनबल्लोने तुमी खुद जानसास कि आमी ऐई मन चो काजे ठेबाया गेलु से।

1तीमुथियुस 6:12

बिश्वास चो अच्छा कुसती लड़; आउर हुन अमर जीवना के धरू रा, जेचो काजे तुय हाग दिया गेलीस आउर खुबे असन गोहईमन चो पुरे अच्छा अंगीकार करू रलीस।

2 तीमुथियुस 3:12

मान्तर जितरो मसीह ईशु ने भक्ति चो संगे जीवना बिताऊक चाहाय सोत हुनमन सपाय कन्दराया जादे;

2 तीमुथियुस 4:7

मय अच्छा कुसती लडुन चुकले से, मय आपलो दौड़ पुरा करले से, मय बिश्वास चो राका करले से।

इब्रानियो 11:33

ऐमन बिश्वास ची चो दुवारा राज जीतला; धरम चो काम करला; बायदा करलो बिती तीज परापत करला; डुरकामन चो मुंह बन्द करला;

इब्रानियो 12:8

अगर हुन ताड़ना जेचो शामिल सपाय होऊ आत, तुमचो नी होली तेबे तुमी बेटा नुआहास, मान्तर बेबीचार चो पिला ठेबलास।

याकूब 4:7

ऐईकाजे माहापुरू चो आधीन होऊन जाहा; आउर शयतान चो सामना करा, तेबे हुन तुमचो लगले निकरून परायदे।

1 पतरस 1:6

ऐई लागुन तुमी मतभुल होऊ आस, आउर जरूरी आय कि ऐबे खिन्डिक दिन चो काजे नाना परकार चो परीक्षामन चो लागुन दुख ने आसास;

1 पतरस 2:21

आउर तुमी ऐचीई काजे हाग दिलोर बले गेलासास, कसनबल्लोने मसीह बले तुमचो काजे दुख उठाऊन भाती तुमके गोटक सिक देऊन गेलो से कि तुमी बले हुनचो पाँय-चिनामन थाने चला।

1 पतरस 3:14

अगर तुमी धरम चो लागुन दुख बले उठाहा, तेबे धन्य आस; मान्तर लोगमन चो डरालो ले नी डरा आउर ना घबराआ,

1 पतरस 4:13

मान्तर जसन-जसन मसीह चो दुखमन ने शामिल होऊ आस, हरिक करा, जेचो ले हुनचो महिमा चो परकट होतो समया बले तुमी हरिक आउर उदुम हुआ।

प्रकाशितवाक्य 1:9

मय यूहन्ना, जोन तुमचो भाई आउर ईशु चो कलेश आउर राज आउर धीरज ने तुमचो शामिल आंसे, माहापुरू चो बचन आउर ईशु चो गोहई चो लागुन पतमुस नाव चो ढिपका ने रयें।

प्रकाशितवाक्य 6:11

हुनमन थानले हरकोनी के पंडरा फटीई दिया गेली, आउर हुनमन के बोला गेली कि आउर डण्डिक आराम करा, जिदलदाय ले कि तुमचो संगवारी दास आउर भाई जोन तुमचो असन पुजाय होतो बिता आत हुनमन चो बले गेनती पुरा नी होओ।

प्रकाशितवाक्य 7:14

मय हुनके बल्ले, “हे मालिक, तुय ची जानीस।” हुन मोके बल्लो, “ऐ हुनमन आत, जोन हुन माहाकलेश थानले निकरून भाती ईला सोत; ऐ मन आपलो-आपलो फटीई मेमना चो लऊ ने धोऊन भाती पंडरा करला सोत।”