1 पतरस 5:10 - Halbi

¹⁰ अदायं माहापुरू जोन सपाय अनुग्रह चो देतो बिता आय, जोन तुमके मसीह ने आपलो अमर महिमा चो काजे हाग दिलो से, तुमचो डण्डिक काजे दुख उठालोर पाचे खुद ची तुमके सिद्ध आउर थीर आउर बलवान करे दे।

परमेस्वर को सच्चो वचन ख जाननू

¹⁰ अदि परमेस्वर जो सारो दया को दाता हैं, जे न तुम ख मसी म अपनी अनन्त बड़ाई का लाने बुलायो हैं, तुमारो थोड़ी देर लक दुख उठान को बाद खुद ही तुम ख सच्चो अर खड़ो अर ताकत वार करेगों।

1 पतरस 5:10 ပူးပေါင်းရင်းမြစ်များ

लूका 22:32

मान्तर मय तुचो काजे गुहार करले कि तुचो बिश्वास जाते नी रओ; आउर जिदलदाय तुय फिर से, तेबे आपलो भाईमन के थीर कर।”

रोमियो 15:13

माहापुरू जोन आशा चो देऊ बिता आय तुमके बिश्वास करतो ने सपाय परकार चो हरिक आउर शान्ति ले भरपूर करो, कि पवितर आत्मा चो सामरत ले तुमचो आशा बाड़ते जाओ।

रोमियो 15:5

धीरज आउर शान्ति चो दाता माहापुरू तुमके ऐ बर देओ कि मसीह ईशु चो अनुसार आपस ने गोटक मन राआ।

रोमियो 16:25

अदायं जोन तुमके मोचो नगतखबर आउर ईशु मसीह चो खबर चो परचार चो अनुसार थीर करूक सके, हुन भेद चो उजर चो अनुसार जोन हरमेशा ले लुकु रली,

रोमियो 9:11

आउर ऐबे ले ना तो लेका जनमुन रये, आउर ना हुनमन काई अच्छा नाहले खराप करू रला, ऐईकाजे कि माहापुरू चो मन जोन हुनचो चुनलोर अनुसार आय, करममन चो कारन नाई मान्तर हाग दिलो बिता चो कारन आय, बनु रओ।

रोमियो 9:24

बल्लोने आमचो उपरे जोनमन के हुन ना मात्र यहूदीमन थानले, मान्तर दुसर जातिमन थानले बले हाग दिलो।

1 कुरिन्थियो 1:10

हे भाईमन, मय तुमचो ले आमचो परबु ईशु मसीह चो नाव ले बिनती करें से कि तुमी सपाय गोटक ची गोठ बोला, आउर तुमचो ने फूट नी होओ, मान्तर गोटक ची मन आउर गोटक ची मति होऊन भाती मिलुन राआ।

1 कुरिन्थियो 1:9

माहापुरू बिश्वास लायक आय, जोन तुमके आपलो बेटा आमचो परबु ईशु मसीह चो संगती ने हाग दिलो से।

2 कुरिन्थियो 13:11

आउर हे भाईमन, हरिक राआ; सिद्ध बनते जाआ; हिम्मत संगाआ; गोटक ची मन संगाआ; मिलुन राआ। आउर मया आउर शान्ति चो देतो बिता माहापुरू तुमचो संगे रये दे।

2 कुरिन्थियो 4:17

कसनबल्लोने आमचो डण्डिक चो खिन्डिक असन कलेश आमचो काजे खुबे ची जरूरी आउर अमर महिमा उपजास करते जाऊ आय;

फिलिप्पियो 4:13

जोन मोके सामरत देऊ आय हुन थाने मय सपाय काई करूक सकें।

कुलुस्सियो 2:7

आउर हुनी थाने चेर धरते आउर बाड़ते जाहा; आउर तुमी सिकाय गेलास असने ची बिश्वास ने जमखम होते जाहा, आउर खुबे-खुबे धन्यबाद करते राहा।

1 थिस्सलुनीकियो 2:12

कि तुमचो चाल-चलन माहापुरू चो लायक होओ, जोन तुमके आपलो राज आउर महिमा ने हाग देऊ आय।

2 थिस्सलुनीकियो 2:14

जेचो काजे हुन तुमके आमचो नगतखबर चो बाटले हाग दिलो, कि तुमी आमचो परबु ईशु मसीह चो महिमा के पाआ।

2 थिस्सलुनीकियो 2:17

तुमचो मन-मन ने शान्ति देओ आउर तुमके हरकोनी बड़ीया काम आउर बचन ने बरसक बनाओ।

2 थिस्सलुनीकियो 3:3

मान्तर परबु बिश्वास लायक आय हुन तुमके बरसक ले थीर करेदे आउर हुन दुष्ट ले बचाऊन संगायदे।

1तीमुथियुस 6:12

बिश्वास चो अच्छा कुसती लड़; आउर हुन अमर जीवना के धरू रा, जेचो काजे तुय हाग दिया गेलीस आउर खुबे असन गोहईमन चो पुरे अच्छा अंगीकार करू रलीस।

2 तीमुथियुस 1:9

जोन आमचो मुक्ति करलो आउर पवितर बुलाहट ले हाग दिलो, आउर ऐ आमचो काममन चो असन नुआय; मान्तर हुनचो उद्देश्य आउर हुन अनुग्रह चो कारन आय जोन मसीह ईशु ने पयले ले आमचो उपरे होली से,

2 तीमुथियुस 2:10

ऐई लागुन मय चुनलो लोगमन चो काजे सपाय काई सहु आंय कि हुनमन बले हुन मुक्ति के जोन मसीह ईशु ने आसे अमर महिमा चो संगे पाओत।

इब्रानियो 9:15

ऐई लागुन हुन नवा बायदा चो मंजार आय, बल्ले हुनचो मरना चो दुवारा जोन पयला बायदा चो समया चो अपराधमन ले छुटकारा पवतो काजे होली से, हाग दिलो लोग बायदा चो अनुसार अमर हक के परापत करोत।

1 पतरस 1:15

मान्तर जसन तुमचो हाग देऊ बिता पवितर आय, हुसने ची तुमी बले आपलो सपाय चाल-चलन ने पवितर बना।

1 पतरस 4:10

जेके जोन बर मिरली से, हुन हुनके माहापुरू चो नाना परकार चो अनुग्रह चो अच्छा भण्डारीमन चो असन गोटक दुसर चो सेवा ने लगाआ।

1 पतरस 4:11

अगर कोनी बोल दे, तो असन बोलो माना माहापुरू चो बचन आय; अगर कोनी सेवा करो, तो हुनी शक्ति ले करो जोन माहापुरू देऊ आय; जेचो ले सपाय गोठमन ने ईशु मसीह चो दुवारा, माहापुरू चो महिमा परकट होओ। महिमा आउर राजपाट जुग-जुग हुनचेई आय। आमीन।

2 पतरस 1:3

कसनबल्लोने हुनचो माहापुरू चो सामरत ने सपाय तीज जोन जीवना आउर भक्ति ले सम्बंध संगाऊ आय, आमके हुनचेई पयचान चो दुवारा दिलो से, जोन आमके आपलो ची महिमा आउर सद गुन चो अनुसार हाग दिलो से।

1यूहन्ना 2:25

आउर जेचो हुन आमचो ले बायदा करलो हुन अमर जीवना आय।

यहूदा 1:24

अदायं जोन तुमके ठोकरना खातो ले बचाऊक सके, आउर आपलो महिमा चो भरपूरी चो पुरे उदुम आउर बेकसूर करून उबा करूक सकु आय,