1 पतरस 3:22 - Halbi

²² हुन सरग थाने जाऊन भाती माहापुरू चो उजा बाटे बसलो, आउर सरगदूत आउर अधिकारी आउर सामरती हुनचो हक करा गेला से।

परमेस्वर को सच्चो वचन ख जाननू

²² उ स्वर्ग पर जा ख परमेस्वर कि दाहिनो तरफ बैठ गयो; अर स्वर्ग दूत अर अधिकार अर सक्ति साली ओखा बस म कियो गयो हैं।

1 पतरस 3:22 ပူးပေါင်းရင်းမြစ်များ

मत्ती 22:44

‘परबु, मोचो परबु ले बल्लो, मोचो उजा बाटे बस, जिदलदाय ले कि मय तुचो बयरीमन के तुचो पाँयमन चो खाले नी निकरून देयें।’

मत्ती 28:18

ईशु हुनमन चो लगे ऐऊन भाती बल्लो, “सरग आउर धरतनी चो सपाय अधिकार मोके दिआ गेली से।

मरकुस 12:36

दाऊद खुदे ची पवितर आत्मा ले होऊन भाती बल्लो से: ‘परबु मोचो परबु ले बल्लो,’ ‘मोचो उजा हाथ बाटे बस, जिदलदाय ले कि मय तुचो बयरीमन के तुचो पाँयमन चो खाले नी करून देये।’”

मरकुस 16:19

परबु ईशु हुनमन ले गोठमन गोठयालो पाचे सरग उपरे उठाय गेलो, आउर माहापुरू चो उजा हाथ घाई बसलो।

लूका 20:42

दाऊद खुद भजन चो किताब ने बले से: ‘परबु मोचो परबु ले बल्लो,

यूहन्ना 13:32

अगर हुनचो थाने माहापुरू चो महिमा होली से, तेबे माहापुरू बले आपलो थाने हुनचो महिमा करे दे आउर तुरते करें दें।

प्रेरितो 1:11

आउर हुनमन ले बल्ला, “हे गलीली मानेमन, तुमी केंव उबा बादरी चो बाटे दकेसास? ऐई ईशु, जोन तुमचो लगले सरग उपरे उठाया गेलो से, जोन रीति ले तुमी हुनके सरग चो बाटे जातोर दकलासास, हुनी रीति ले हुन फेर ऐये दे।”

प्रेरितो 3:21

जरूरी आय कि हुन सरग ने हुन समया ले रओ जिदलदाय ले कि हुन सपाय गोठमन चो सुधार नी करो जेचो चरचा पीढ़ीमन चो दिन ले माहापुरू आपलो पवितर अगम गिआनीमन चो मुंह ले करलो से।

रोमियो 8:34

फेर कोन आसे जोन डण्ड चो हुकुम देयेदे? मसीह ची आसे जोन मरलो मान्तर मरलो थानले जीव बले उठलो, आउर माहापुरू चो उजा बाटे आसे, आउर आमचो काजे गुहार बले करू आय।

रोमियो 8:38

कसनबल्लोने मय बिलकुल जाने से कि ना मरना, ना जीवना, ना सरगदूत, ना बड़पन, ना ऐबे, ना अगम, ना सामरत, ना डेंग,

1 कुरिन्थियो 15:24

ऐचो पाचे आखरी होये दे। हुन समया हुन पूईतराय बड़पन, आउर सपाय अधिकार, आउर सामरत चो आखरी करून राज के माहापुरू बुआ चो हाथ ने सोपुन देये दे।

कुलुस्सियो 3:1

मान्तर जिदलदाय तुमी मसीह चो संगे जिआय गेलास, तेबे सरग चो तीजमन चो खोज ने राहा, जाहां मसीह हाजिर आसे आउर माहापुरू चो उजा पाट बसलो से।

इब्रानियो 1:13

आउर सरग दूतमन थानले हुन काचो ले केबे बल्लो, “तुय मोचो उजा बस, जिदलदाय ले कि मय तुचो बयरीमन के तुचो पाँयमन चो खाले चो चौंकी नी करून देयें?”

इब्रानियो 1:3

हुन हुनचो महिमा चो उजर आउर हुनचो तत्व चो छाप आय, आउर सपाय तीजमन के आपलो सामरत चो बचन ले समालु आय। हुन पापमन के धोऊन भाती ऊँचा जगा थाने माहापुरू चो उजा जाऊन बसलो;

इब्रानियो 1:6

आउर जिदलदाय पयलवात के जगत ने फेर आने से, तेबे बले से, “माहापुरू चो सपाय सरगदूत हुनके पाँय पड़ोत।”

इब्रानियो 10:12

मान्तर ऐ माने तो पापमन चो पलटा गोटक ची बलिदान हरमेशा चो काजे चेगाऊन भाती माहापुरू चो उजा जाऊन बसलो,

इब्रानियो 12:2

आउर बिश्वास करू आउर सिद्ध करू बिता ईशु चो बाटे दकते रवां, जोन हुन हरिक चो काजे जोन हुनचो पुरे धरून रये, लाज चो काई चिन्ता नी करून कुरूस चो दुख सहलो, आउर माहापुरू चो सिंघासन चो उजा बाटे जाऊन बसलो।

इब्रानियो 4:14

ऐईकाजे जसन आमचो असन बड़े माहायाजक आसे, जोन सरगमन ले होऊन भाती गेलोसे, बल्लोने माहापुरू चो बेटा ईशु, तो ईआ, आमी आपलो अंगीकार के मजबूत ले थामुन रऊं।

इब्रानियो 6:20

जोन थाने ईशु मलिकिसिदक चो रीति थाने अमरता चो माहायाजक बनुन भाती, आमचो काजे अगुवा चो रूप ने ओललो से।

इब्रानियो 8:1

अदायं जोन गोठमन आमी बोलु से हुनमन थानले सपाय ले बड़े गोठ ऐ आय कि आमचो असन माहायाजक आसे, जोन सरग थाने माहापुरू चो सिंघासन चो उजा जाऊन बसलो से,

इब्रानियो 9:24

कसनबल्लोने मसीह हुन हाथ चो बनालो बिती पवितर जगा ने, जोन सते पवितर जगा चो नमूना आय, नी ओललो मान्तर सरग ने ची ओललो, बल्ले आमचो काजे अदायं माहापुरू चो पुरे दका देओ।