1 पतरस 3:20 - Halbi

²⁰ जोनमन हुन बितलो समया ने हुकुम नी मानला, जिदलदाय माहापुरू नूह चो दिनमन ने धीरज धरून भाती ठेबुन रये, आउर हुन जाहाज बनते रये, जोन थाने बसुन भाती खिन्डिक लोग बल्लोने आंट लोग पानी चो दुवारा बाचुन गेला।

परमेस्वर को सच्चो वचन ख जाननू

²⁰ जिन न उ बीतो बखत म आग्या नी मानी, जब परमेस्वर नूह का दिन हुन म सान्ति रख ख रोको रय्हो, अर उ नाव बना रय्हो हता, जे म बैठ ख थोड़ा अदमी याने आठ प्रानी पानी को दुवारा बच गया।

1 पतरस 3:20 ပူးပေါင်းရင်းမြစ်များ

मत्ती 7:14

कसनबल्लोने साकुड़ आय हुन कपाट आउर मशकिल आय हुन बाट जोन जीवना ने पोंचाऊ आय; आउर खिन्डिक असन आसोत जोन हुनके पाऊ आत।

लूका 12:32

“हे नानी गोहड़ी, नी डर; कसनबल्लोने तुमचो बुआ के ऐ भावली से, कि तुमके राज देओ।

प्रेरितो 2:41

आउर जोनमन हुनचो बचन के गरहन करला हुनमन डूबन धरला; आउर हुनी दिने तीन हजार मानेमन लग-भग हुनमन ने मिसुन गेला।

रोमियो 9:22

तेबे ऐथा कोन असन अकचकित चो गोठ आय कि माहापुरू आपलो रीस दकातोर आउर आपलो सामरत उजागर करतोर इच्छा ले रीस चो भण्डवामन चो, जोन बिनाश चो काजे तिआर कराय जाऊ रवत, बड़े धीरज ले सहला;

इफिसीयो 5:26

कि हुनके बचन चो दुवारा पानी चो नाहलो ले शुद्ध करून पवितर बनाओ,

इब्रानियो 11:7

बिश्वास ची ले नूह हुन गोठमन चो बारे ने जोन हुन समया दका नी पड़ते रली, धमकी पाऊन भाती भक्ति चो संगे आपलो घरलोगमन चो बचाव काजे जाहाज बनालो, आउर हुनचो दुवारा हुन संवसार के दोषी ठेबालो; आउर हुन धरम चो हकदार होलो जोन बिश्वास ले होऊ आय।

1 पतरस 1:22

आउर: जसन कि तुमनमन भाईचारा चो निष्कपट लाड़ चो लागुन सत चो मानतो ले आपलो मनमन के पवितर करलासास, तेबे तन-मन लगाऊन भाती गोटक दुसर ले खुबे मया संगाहा।

1 पतरस 1:9

आउर आपलो बिश्वास चो करलो फल आउर आत्मामन चो मुक्ति परापत करू आस।

1 पतरस 2:25

कसनबल्लोने तुमी पयले भुलकलो बिती मेंडामन चो असन रलास, मान्तर अदायं आपलो परानमन चो राका करू आउर अध्यक्ष चो लगे फिरून ईलासास।

1 पतरस 3:19

हुनी थाने हुन जाऊन भाती कयदी आत्मामन के बले परचार करलो,

1 पतरस 4:19

ऐईकाजे जोन माहापुरू चो इच्छा चो अनुसार दुख उठाऊ आत, हुनमन भलाई करते-करते आपलो-आपलो जीव के बिश्वास लायक बनातो बिता चो हाथ ने सोपुन दे ओत।

2 पतरस 2:5

आउर पयले जुग चो संवसार के बले नी छांडलो मान्तर भगतहीन संवसार थाने माहा पानी परलय पठालो, मान्तर धरम चो परचारकरू नूह संगे आंट मानेमन के बचालो;

2 पतरस 3:15

आउर आमचो परबु चो धीरज के मुक्ति समजा, जसन आमचो लाड़रा भाई पौलुस बले हुन गिआन चो अनुसार जोन हुनके मिरली, तुमके लिकलो से।