1 पतरस 2:23 - Halbi

²³ हुन झगड़ा सुनुन भाती झगड़ा नी करते रये, आउर दुख उठाऊन भाती काकीई बले धमकी नी देते रये, मान्तर आपन खुद के सते नियायी चो हाथ ने सोपते रये।

परमेस्वर को सच्चो वचन ख जाननू

²³ उ गाली सुन ख गाली नी ते रहे हतो, अर दुख उठा ख कोई ख भी धमकी नी देवत हतो, पर अपनो खुद ख सच्चो न्याव को हात म देत रह हतो।

1 पतरस 2:23 ပူးပေါင်းရင်းမြစ်များ

लूका 23:41

आउर आमी तो नियाय अनुसार डण्ड पाऊ से, कसनबल्लोने आमी आपलो काममन चो ठीक फल पाऊ से; मान्तर ऐ कोनी गलत काम नी करलो।”

लूका 23:46

आउर ईशु बड़े जोर ले चिचयाऊन भाती बल्लो, “हे बुआ, मय आपलो आत्मा तुचो हाथ ने सोपें सें।” आउर ऐ बोलुन भाती जीव छांडलो।

लूका 23:9

हुन हुनचो ले खुबे असन गोठमन पचारते रये, मान्तर हुन हुनके काई बले जबाप नी दिलो।

प्रेरितो 17:31

“कसनबल्लोने हुन गोटक दिन ठेबालो से, जोन थाने हुन-हुन माने चो बाटले धरम ले जगत चो नियाय करे दे, जोन के हुन ठेबालो से, आउर हुनके मरलो बितामन थानले जिआऊन भाती ऐ गोठ सपाय उपरे परकट करून दिलो से।”

प्रेरितो 4:29

अदायं हे परबु, हुनमन चो धमकीमन के दक; आउर आपलो दासमन के ऐ बरदान देस कि तुचो बचन बड़े हिम्मत ले सुनाऊ।

प्रेरितो 7:59

हुनमन स्तिफनुस उपरे पकना मारते रवत, आउर हुन ऐ बोलुन भाती पारथना करते रलो, “हे परबु ईशु, मोचो आत्मा के गरहन कर।”

प्रेरितो 9:1

शाऊल जोन ऐबले परबु चो चेलामन के धमकातोर आउर मारतोर धुन ने रये, माहायाजक लगे गेलो

रोमियो 2:5

मान्तर तुय आपलो कठर टेकाहा मन चो लागुन हुनचो रीस चो दिन चो काजे, जोन थाने माहापुरू चो सत नियाय उजागर होयेदे, आपलो काजे रीस कमाय सीस।

इफिसीयो 6:9

हे मालिकमन, तुमी बले धाकामन देऊक छांडुन भाती हुनमन चो संगे असने ची बेवहार करा; कसनबल्लोने तुमी जानेसास कि हुनमन चो आउर तुमचो दुनो चो मालिक सरग ने आसे, आउर हुन काचीई पक्ष नी करे।

2 थिस्सलुनीकियो 1:5

ऐ माहापुरू चो सत नियाय चो छुकछुका सबुत आय कि तुमी माहापुरू चो राज चो लायक ठेबा, जेचो काजे तुमी दुख बले उठाऊ आहास।

2 तीमुथियुस 1:12

ऐई लागुन मय ऐ दुखमन के बले उठायें सें, मान्तर लाज नी होयें, कसनबल्लोने मय हुनके जेचो उपरे मय बिश्वास करले से जाने; आउर मोके तय आसे कि हुन मचो अमानत चो हुन दिन ले राका करूक सके।

2 तीमुथियुस 4:8

अगम ने मोचो काजे धरम चो हुन मुकुट संगालोर आसे, जेके परबु जोन धरमी आउर नियायी आय, मोके हुन दिने देये दे, आउर मोके ची नाई मान्तर हुन सपाय के बले जोन हुनचो परकट होतो के लाड़ जानु आत।

इब्रानियो 12:3

ऐईकाजे हुनचो उपरे धिआन करा, जोन आपलो बिरूद ने पापीमन चो ईतलो गोठ-बात सहलो कि तुमी मुरमुरा होऊन भाती साहास नी छांडुन दिआस।

1 पतरस 3:9

खराप चो पलटा खराप नी करा आउर ना झगड़ा चो पलटा झगड़ा दिआस; मान्तर ऐचो पलटा आशीष ची दिआस, कसनबल्लोने तुमी आशीष चो हकदार होतो काजे हाग दिया गेलासास।

1 पतरस 4:19

ऐईकाजे जोन माहापुरू चो इच्छा चो अनुसार दुख उठाऊ आत, हुनमन भलाई करते-करते आपलो-आपलो जीव के बिश्वास लायक बनातो बिता चो हाथ ने सोपुन दे ओत।

प्रकाशितवाक्य 19:11

फेर मय सरग के उगाड़ी होलोर दकले, आउर दकें से कि गोटक पंडरा घोड़ा आसे; आउर हुन थाने गोटक चेगलो से, जोन बिश्वास लायक आउर सत बलाय जाऊ आय; आउर हुन धरम चो संगे नियाय आउर जुद करू आय।