1 पतरस 1:3 - Halbi

³ आमचो परबु ईशु मसीह चो माहापुरू आउर बुआ चो धन्यबाद होओ, जोन ईशु मसीह चो मरलो थानले जीव उठलोर दुवारा, आपलो बड़े दया ले आमके जीव आशा चो काजे नवा जनम दिलो,

परमेस्वर को सच्चो वचन ख जाननू

³ हमारो प्रभु यीसु मसी ख परमेस्वर अऊर बाप को धन्यवाद होय। जो न यीसु मसी ख मरो हुओ म से जी उठन को दुवारा, अपनी बडी दया से हम ख जिन्दगी कि आसा को लाने नयो जनम लियो,

1 पतरस 1:3 ပူးပေါင်းရင်းမြစ်များ

यूहन्ना 1:13

हुनमन ना तो लऊ ले, ना देंह चो इच्छा ले, ना माने चो इच्छा ले, मान्तर माहापुरू ले उपजास होला से।

रोमियो 12:12

आशा ने हरिक राआ; कलेश ने थीर राआ; पारथना ने हरमेशा लगु राआ।

रोमियो 15:13

माहापुरू जोन आशा चो देऊ बिता आय तुमके बिश्वास करतो ने सपाय परकार चो हरिक आउर शान्ति ले भरपूर करो, कि पवितर आत्मा चो सामरत ले तुमचो आशा बाड़ते जाओ।

रोमियो 4:25

हुन आमचो अपराधमन काजे धराय गेलो, आउर आमचो धरमी ठेबतो काजे जिआय बले गेलो।

रोमियो 5:10

कसनबल्लोने बयरी होतोर हाल ने हुनचो बेटा चो मरना चो कारन आमचो मेल माहापुरू चो संगे होली, तेबे फेर मेल होऊन गेलो ने हुनचो जीवन चो कारन आमी मुक्ति कसन नी पाऊँ दें?

रोमियो 8:11

अगर हुनचेई आत्मा जेचो ने ईशु के मरलो बितामन थानले जिआलो, तुमनमन ने बसलोर आसे; तेबे जोन मसीह के मरलो बितामन थानले जिआलो, हुन तुमचो नाश होतो बिती देंहमन के बले आपलो आत्मा चो बाटले जोन तुमनमन ने बसलोर आसे, जिआय दे।

रोमियो 8:24

ऐ आशा चो लागुन आमचो मुक्ति होली से; मान्तर जोन तीज चो आशा कराया जाऊ आय, जिदलदाय हुन दकतो ने ऐओ तेबे फेर आशा काहां रयदे? कसनबल्लोने जोन तीज के कोनी दके से हुनचो आशा काय करेदे?

1 कुरिन्थियो 13:13

मान्तर अदायं बिश्वास, आशा, मया ऐ तीनो थीर आय, मान्तर ऐ मन ने सपाय ले बड़े मया आय।

1 कुरिन्थियो 15:20

मान्तर सत-सत मसीह मुरदामन थानले जीव उठलो से, आउर जोन सोऊन गेला सोत हुनमन थाने हुन पयला फल होलो।

2 कुरिन्थियो 1:3

आमचो परबु ईशु मसीह चो माहापुरू आउर बुआ चो धन्यबाद होओ, जोन दया चो बुआ आउर सपाय परकार चो शान्ति चो माहापुरू आय।

गलातियो 6:16

जितरो ये नियम थाने चल दे हुनमन उपरे, आउर माहापुरू चो इस्राएल उपरे शान्ति आउर दया होते रओ।

इफिसीयो 1:17

कि आमचो परबु ईशु मसीह चो माहापुरू जोन महिमा चो बुआ आय, तुमके आपलो पयचान ने गिआन आउर उजर चो आत्मा देओ,

इफिसीयो 1:3

आमचो माहापुरू आउर परबु ईशु मसीह चो बुआ चो धन्यबाद होओ कि हुन आमके मसीह ने सरग चो जगामन ने सपाय परकार चो आत्मिक आशीष दिलो से।

इफिसीयो 1:7

आमके हुन थाने हुनचो लऊ चो दुवारा छुटकारा, बल्लोने अपराधमन चो छमा, हुनचो हुन अनुग्रह चो धन चो अनुसार मिरली से,

इफिसीयो 2:4

मान्तर माहापुरू जोन दया चो सवकार आय, आपलो हुन बड़े मया चो लागुन जेचो ले हुन आमचो ले मया करलो,

इफिसीयो 3:20

अदायं जोन असन सामरती आय कि आमचो गुहार आउर समज ले कितलो आगर काम करूक सके, हुन सामरत चो अनुसार जोन आमचो ने काम करू आय,

कुलुस्सियो 1:23

अगर तुमी बिश्वास चो पाया थाने जमखम बनुन राहा आउर हुन नगतखबर चो आशा के जोन के तुमी सुनलासास नी छांडा, जेचो परचार बादरी चो खाले चो पूईतराय बरमाण्ड ने कराय गेली, आउर जेचो मय, पौलुस, सेवक बनले।

कुलुस्सियो 1:27

जोन थाने माहापुरू परकट करतोर चाह लो कि हुनमन के मालुम होओ कि दुसर जातिमन ने हुन भेद चो महिमा चो किमत काय आय, आउर हुन ऐ आय कि मसीह जोन महिमा चो आशा आय तुमचो ने रऊ आय।

1 थिस्सलुनीकियो 1:3

आउर आपलो माहापुरू आउर बुआ चो पुरे तुमचो बिश्वास चो काम, आउर मया चो मसागत, आउर आमचो परबु ईशु मसीह ने आशा चो धीरता के सरलगा, सुरता करूं आंव।

1 थिस्सलुनीकियो 4:13

हे भाईमन, आमी नी चाहाऊं कि तुमी हुनमन चो बारे ने जोन सोऊ आत, अगिआनी राहा; असन नी होओ कि तुमी दुसरमन चो असन दुख करा जेके आशा निआय।

2 थिस्सलुनीकियो 2:16

आमचो परबु ईशु मसीह खुद ची, आउर आमचो बुआ माहापुरू, जोन आमचो ले मया संगालो आउर अनुग्रह ले अमर शान्ति आउर अच्छा आशा दिलोसे,

1तीमुथियुस 1:14

आउर आमचो परबु चो अनुग्रह हुन बिश्वास आउर मया चो संगे जोन मसीह ईशु ने आसे, खुबे ले खुबे होली।

तीतुस 2:13

आउर हुन धन्य आशा चो बल्लोने आपलो माहान माहापुरू आउर मुक्ति करू ईशु मसीह चो महिमा चो परकट होतोर बाट टाकते रओत।

इब्रानियो 3:6

मान्तर मसीह बेटा चो असन माहापुरू चो घर चो अधिकारी आय; आउर हुनचो घर आमी आव, अगर आमी साहास थाने आउर आपलो आशा चो घमण्ड थाने आखरी ले मजबूत ले थीर रवां।

याकूब 1:18

हुन आपलो ची इच्छा ले आमके सत चो बचन चो दुवारा उपजास करलो, बल्ले आमी हुनचो बनालो बिती तीजमन थानले गोटक परकार चो पईल फर होऊ।

1 पतरस 1:13

ऐई लागुन आपलो-आपलो अकल चो करांड बान्दुन भाती, आउर चेत रऊन भाती, हुन अनुग्रह चो पुरा आशा संगाआ जोन ईशु मसीह चो परकट होतोर समया तुमके मिरतो बिती आय।

1 पतरस 1:21

हुनचो दुवारा तुमी हुन माहापुरू थाने बिश्वास करू आस, जोन हुनके मरलो बितामन थानले जिआलो आउर महिमा दिलो कि तुमचो बिश्वास आउर आशा माहापुरू थाने होओ।

1 पतरस 1:23

कसनबल्लोने तुमनमन नाशवान नाई मान्तर अविनाशी बीज ले, माहापुरू चो जीवता आउर हरमेशा ठेबतो बिती बचन चो दुवारा नवा जनम पावलासास।

1 पतरस 2:2

नवा जनम लो पिलामन चो असन निंगल आत्मिक गोरस चो आशा करा, बल्ले हुनचो दुवारा मुक्ति पावतो काजे बाड़ते जाहा,

1 पतरस 3:15

मान्तर मसीह के परबु जानुन भाती आपलो-आपलो मन ने पवितर माना। जोन कोनी तुमचो ले तुमचो आशा चो बारे ने काई पचार दे, हुनके जबाप देतो काजे हरमेशा तिआर राहा, मान्तर नम्रता आउर भय चो संगे;

1 पतरस 3:21

हुनी पानी चो कहनी बले, बल्लोने डूबन, ईशु मसीह चो जीव उठलोर दुवारा, अदायं तुमके बचाऊ आय; ऐचो ले देंह चो मईल के धुर करतोर मतलब नुआय, मान्तर शुद्ध बिबक ले माहापुरू चो वश ने होऊन जातोर मतलब आय।

1 पतरस 3:5

पयले जुग ने पवितर बायले लेकीमन बले, जोन माहापुरू थाने आशा संगाते रवत, आपन खुद के असने रीति ले फभाय होते आउर आपलो-आपलो मनुक चो अधीन रते रवत।

1यूहन्ना 2:29

अगर तुमी जानेसास, कि हुन धरमी आय, तेबे ऐ बले जाना कि जोन कोनी धरम चो कामकरू आय हुन हुनचो ले जनम लो से।

1यूहन्ना 3:3

आउर जोन कोनी हुनचो उपरे ऐ आशा संगाऊ आय, हुन आपन खुद के असने ची पवितर करू आय जसन हुन पवितर आय।

1यूहन्ना 3:9

जोन कोनी माहापुरू ले जनम लो से हुन पाप नी करे, कसनबल्लोने हुनचो बीज हुनचो थाने बनुन रऊ आय, आउर हुन पाप करूक नी सके कसनबल्लोने माहापुरू ले जनम लो से।

1यूहन्ना 4:7

हे लाड़रा मन, आमी आपस ने मया संगाऊ, कसनबल्लोने मया-माहापुरू ले आय। जोन कोनी मया करू आय, हुन माहापुरू ले जनम लो से आउर माहापुरू के जानु आय।

1यूहन्ना 5:1

जेचो ऐ बिश्वास आसे कि ईशु ची मसीह आय, हुन माहापुरू ले उपजास होलो से; आउर जोन कोनी उपजास करतो बिता ले मया संगाऊ आय, हुन हुनचो ले बले मया संगाऊ आय जोन हुनचो ले उपजास होलो से।

1यूहन्ना 5:18

आमी जानु से, कि जोन कोनी माहापुरू ले उपजास होला से, हुन पाप नी करे; मान्तर जोन माहापुरू ले उपजास होलो, हुनके हुन बचाऊन संगाऊ आय, आउर हुन दुष्ट हुनके छिंऊक नी सके।

1यूहन्ना 5:4

कसनबल्लोने जोन काई माहापुरू ले उपजास होली से, हुन जगत थाने जय पाऊ आय; आउर हुन जीत जेचो ले संवसार थाने जय पाऊ आय आमचो बिश्वास आय।