1 पतरस 1:17 - Halbi

¹⁷ आउर जसन कि तुमी “हे बुआ” बोलुन भाती हुनचो ले पारथना करू आस, जोन बिना भेद-भाव हरकोनी चो काम चो अनुसार नियाय करू आय, तेबे आपलो परदेशी होतोर समया भय ले गुजारा।

परमेस्वर को सच्चो वचन ख जाननू

¹⁷ अर जब कि तुम अरे बाप कह ख ओ ख विनती करिये हैं, जो बिना तरफ दारी हर एक का काम को हिसाब से न्याव करह हैं, तो अपनो दुसरा देस होन का बखत डर से रहो।

1 पतरस 1:17 ပူးပေါင်းရင်းမြစ်များ

मत्ती 16:27

माने चो बेटा आपलो सरग दूतमन चो संगे आपलो बुआ चो महिमा ने ऐये दे, आउर हुन समया ‘हुन हरकोनी के हुनचो काम चो पुरती करलो फल देयेदे।’

मत्ती 22:16

आउर हुनमन आपलो चेलामन के हेरोदीमन चो संगे हुनचो लगे ऐ बोलुक पठाला, “हे गुरू, आमी जानु कि तुय सत आस, आउर माहापुरू चो बाट सत धरम ले सिकाऊ आस, आउर काचीई फिकर नी करीस, कसनबल्लोने तुय मानेमन चो थोमना दकुन भाती गोठ नी गोठयाईस।

मत्ती 6:9

“आउर तुमी ऐ रीति ले पारथना करा: ‘हे आमचो बुआ, तुय जोन सरग ने आशीष; तुचो नाव पवितर माना जाओ।’

रोमियो 11:20

ठीक आय, हुनमन तो अबिश्वास चो लागुन टुटाया गेली, मान्तर तुय बिश्वास ले बनु रऊ आस ऐईकाजे घमण्डी नी हो, मान्तर भय मान,

2 कुरिन्थियो 1:2

आमचो बुआ माहापुरू आउर परबु ईशु मसीह चो बाटले तुमके अनुग्रह आउर शान्ति मिरते रओ।

2 कुरिन्थियो 5:6

आउर आमी सदा हिम्मत बान्दुन रऊ आंव आउर ऐ जानु से कि जिदलदाय ले आमी देंह ने रऊ आंव, हुदलदाय ले परबु ले अलग आसु।

2 कुरिन्थियो 7:1

आउर हे लाडरामन, जिदलदाय कि ऐ बायदामन आमके मिरली से, तो ईआ, आमी आपन खुद देंह आउर आत्मा चो सपाय मईल ले शुद्ध करूं, आउर माहापुरू चो भय संगाते-संगाते पवितरता के सिद्ध करूं।

2 कुरिन्थियो 7:11

आउर दका, ऐई गोठ ले कि तुमके माहापुरू भक्ति चो दुक होली तुमचो ने कितलो उदुम आउर जबाप चो जबाप आउर रीस, आउर भय, आउर लालच, आउर धुन आउर डण्ड देतोर बिचार पयदा होली? तुमीमन सपाय परकार ले ऐ सिद्ध करून दकालास कि तुमी ऐ गोठ ने निर्दोष आस।

गलातियो 2:6

फेर जोन लोग काई समजते जाते रवत (हुनमन भले कसने बले रवत मोके ऐचो ले काई काम निआय; माहापुरू काचीई भेदभाव नी करे) हुनमन ले जोन काई समजा जाते रये, मोके काई बले नी परापत होली।

इफिसीयो 1:17

कि आमचो परबु ईशु मसीह चो माहापुरू जोन महिमा चो बुआ आय, तुमके आपलो पयचान ने गिआन आउर उजर चो आत्मा देओ,

इफिसीयो 3:14

मय ऐई लागुन हुन बुआ चो पुरे मांडी पाडू आंय,

इफिसीयो 6:9

हे मालिकमन, तुमी बले धाकामन देऊक छांडुन भाती हुनमन चो संगे असने ची बेवहार करा; कसनबल्लोने तुमी जानेसास कि हुनमन चो आउर तुमचो दुनो चो मालिक सरग ने आसे, आउर हुन काचीई पक्ष नी करे।

फिलिप्पियो 2:12

ऐईकाजे हे मोचो लाडरामन, जोन परकार तुमी सदा ले हुकुम मानते ईलासास, असने ची ऐबे बले ना मात्र मोचो संगे रते-रते मान्तर खास करून अदायं मोचो लापी रलो थानले बले डरते आउर थर-थरते आपलो-आपलो मुक्ति चो काम पुरा करते जाआ;

कुलुस्सियो 3:25

कसनबल्लोने जोन खराप करू आय हुन आपलो खराप चो फर पाऐ दे, हुता काचीई भेद-भाव नुआय।

इब्रानियो 12:28

ऐई लागुन आमी ऐ राज के पाऊन भाती जोन हलु नुआय बनालोर होओ, आउर भक्ति आउर भय संगे माहापुरू चो असन आराधनाकरू जेचो ले हुन हरिक होऊ आय;

इब्रानियो 4:1

ऐईकाजे जिदलदाय कि हुनचो विश्राम ने ओलतोर बायदा ऐबले आसे, तो आमके डरतोर जरूरी आय असन नी होओ कि तुमनमन ले कोनी जन लापी रऊन जाओत।

1 पतरस 2:11

हे लाड़रामन, मय तुमचो ले गुहार करें से कि तुमी आपन खुद के परदेशी आउर यातरी जानुन भाती हुन संवसारिक मनमानीमन ले जोन आत्मा ले लड़ीई करू आय, बचुन राआ।

1 पतरस 3:15

मान्तर मसीह के परबु जानुन भाती आपलो-आपलो मन ने पवितर माना। जोन कोनी तुमचो ले तुमचो आशा चो बारे ने काई पचार दे, हुनके जबाप देतो काजे हरमेशा तिआर राहा, मान्तर नम्रता आउर भय चो संगे;