1 पतरस 1:15 - Halbi

¹⁵ मान्तर जसन तुमचो हाग देऊ बिता पवितर आय, हुसने ची तुमी बले आपलो सपाय चाल-चलन ने पवितर बना।

परमेस्वर को सच्चो वचन ख जाननू

¹⁵ पर जसो तुमारा पुकारन वालो सुध्द हैं, असो ही तुम भी अपनो सारा चाल चलन म सुध्द बनो।

1 पतरस 1:15 ပူးပေါင်းရင်းမြစ်များ

मत्ती 5:48

ऐईकाजे जरूरी आय कि तुमी सिद्ध बना, जसन तुमचो सरग चो बुआ सिद्ध आय।”

रोमियो 9:24

बल्लोने आमचो उपरे जोनमन के हुन ना मात्र यहूदीमन थानले, मान्तर दुसर जातिमन थानले बले हाग दिलो।

2 कुरिन्थियो 7:1

आउर हे लाडरामन, जिदलदाय कि ऐ बायदामन आमके मिरली से, तो ईआ, आमी आपन खुद देंह आउर आत्मा चो सपाय मईल ले शुद्ध करूं, आउर माहापुरू चो भय संगाते-संगाते पवितरता के सिद्ध करूं।

फिलिप्पियो 1:27

मात्र ईतलो करा कि तुमचो चाल-चलन मसीह चो नगतखबर चो लायक होओ कि भले मय ऐऊन भाती तुमके दकेंदें, भले नी बले ऐयें, तुमचो बारे ने ऐई सुनेंदे कि तुमी गोटक ची आत्मा ने थीर आसास, आउर गोटक मन होऊन भाती नगतखबर चो बिश्वास चो काजे मसागत करते रऊ आस,

फिलिप्पियो 3:14

चिना चो बाटे पराते जाऊँ आंय, बल्ले हुन पुरूसकार मिरो जेचो काजे माहापुरू मोके मसीह ईशु ने उपरे हाग दिलो से।

फिलिप्पियो 3:20

मान्तर आमचो खुद चो देश सरग उपरे आसे; आउर आमी गोटक मुक्ति करता परबु ईशु मसीह चो हुता ले ऐतोर बाट टाकलु से।

1 थिस्सलुनीकियो 2:12

कि तुमचो चाल-चलन माहापुरू चो लायक होओ, जोन तुमके आपलो राज आउर महिमा ने हाग देऊ आय।

1तीमुथियुस 4:12

कोनी तुचो जुआनी के तुच्छ नी समजुक पाओत; मान्तर बचन, आउर चाल चलन, आउर मया, आउर बिश्वास, आउर पवितरता ने बिश्वासीमन चो काजे नमूना बनुन जा।

2 तीमुथियुस 1:9

जोन आमचो मुक्ति करलो आउर पवितर बुलाहट ले हाग दिलो, आउर ऐ आमचो काममन चो असन नुआय; मान्तर हुनचो उद्देश्य आउर हुन अनुग्रह चो कारन आय जोन मसीह ईशु ने पयले ले आमचो उपरे होली से,

तीतुस 3:14

आमचो लोग बले जरूरतमन के पुरा करतो काजे अच्छा काममन ने लगुन रतोर सिकोत कि बीना फल नी रओत।

तीतुस 3:8

ऐ गोठ सते आय, आउर मय चाहाय से कि तुय ऐ गोठमन चो बारे ने हिम्मत ले बोल ऐईकाजे कि जोनमन माहापुरू उपरे बिश्वास करला से, हुनमन अच्छा-अच्छा काममन ने लगुन रतोर धिआन संगा ओत। ये गोठमन अच्छा आउर मानेमन चो लाब चो आय।

इब्रानियो 12:14

सपाय ले मेल मिलाप संगाहा, आउर हुन पवितरता चो खोजी हुआ जेचो बिना कोनी परबु के केबे नी दक दे।

इब्रानियो 13:5

तुमचो स्वभाव ने लालच नी रओ, आउर जोन तुमचो लगे आसे हुनी थाने सन्तोष करा; कसनबल्लोने हुन खुद ची बल्लो से, “मय तुके केबीई नी छांडेदे, आउर ना केबीई तुके ठुकरायेंदे।”

याकूब 3:13

तुमनमन ने गिआनी आउर समजदार कोन आय? जोन असन होओ हुन आपलो काममन के अच्छा चाल-चलन ले हुन नम्रता संगे परकट करो जोन गिआन ले उपजास होऊ आय।

1 पतरस 2:12

दुसर जातिमन ले तुमचो चाल-चलन अच्छा होओ; ऐईकाजे जोन-जोन गोठमन ने हुनमन तुमके कुकरमी जानुन भाती बदनाम करू आत, हुनमन तुमचो अच्छा काममन के दकुन भाती हुनीमन चो लागुन किरपादृष्टी चो दिने माहापुरू चो महिमा करोत।

1 पतरस 2:9

मान्तर तुमी गोटक चुनलो बिती बंश, आउर राज पनधारी याजकमन चो समाज, आउर पवितर लोग, आउर (माहापुरू चो) निज परजा आस, ऐईकाजे कि जोन तुमके अंधार थानले आपलो भयंकर उजर ने हाग दिलो से, हुनचो गुन परकट करा।

1 पतरस 3:16

आउर बिबक बले शुद्ध संगाहा, ऐईकाजे कि जोन गोठमन चो बारे ने तुमचो बदनामी होऊ आय हुनमन चो बारे ने हुनमन जोन मसीह ने तुमचो अच्छा चाल-चलन चो बेईजित करू आत, बेईजित होओत।

1 पतरस 5:10

अदायं माहापुरू जोन सपाय अनुग्रह चो देतो बिता आय, जोन तुमके मसीह ने आपलो अमर महिमा चो काजे हाग दिलो से, तुमचो डण्डिक काजे दुख उठालोर पाचे खुद ची तुमके सिद्ध आउर थीर आउर बलवान करे दे।

1यूहन्ना 3:3

आउर जोन कोनी हुनचो उपरे ऐ आशा संगाऊ आय, हुन आपन खुद के असने ची पवितर करू आय जसन हुन पवितर आय।

प्रकाशितवाक्य 3:7

“फिलदिलफिया चो कलीसिया चो दूत के ऐ लिक: जोन पवितर आउर सत आत, आउर जोन दाऊद चो कुची संगाऊ आय, जेचो उगाढ़लो बिती के कोनी बन्द नी करूक सकोत आउर बन्द करलो बिती के कोनी उगाढुक नी सकोत, हुन ऐ बलेसे, कि”

प्रकाशितवाक्य 4:8

चारो परानीमन चो छय-छय पाटकी आसे, आउर चारो बाटे आउर भीतरे आँईक ची आँईक आसे; आउर हुनमन रात दिन बिना बिसालोर बोलते रऊ आत, “पवितर, पवितर, पवितर परबु माहापुरू, सर्वशक्तिमान, जोन रये आउर जोन आसे आउर जोन ऐतो बिता आय।”

प्रकाशितवाक्य 6:10

हुनमन बड़े जोर ले हाग देऊन भाती बल्ला, “हे मालिक, हे पवितर आउर सत; तुय केबे ले नियाय नी करसे? आउर धरतनी चो रतो बितामन ले आमचो लऊ चो पलटा केबे ले नी धरसे?”