1यूहन्ना 5:4 - Halbi

⁴ कसनबल्लोने जोन काई माहापुरू ले उपजास होली से, हुन जगत थाने जय पाऊ आय; आउर हुन जीत जेचो ले संवसार थाने जय पाऊ आय आमचो बिश्वास आय।

परमेस्वर को सच्चो वचन ख जाननू

⁴ काहेकि जे कुई परमेस्वर से उत्पन्न भयो हैं, उ दुनिया पर जीत प्राप्त करिये हैं; अर उ जीत जे से दुनिया को ऊपर जीत मिल होवा हैं उ हमारो विस्वास हैं।

1यूहन्ना 5:4 ပူးပေါင်းရင်းမြစ်များ

यूहन्ना 1:13

हुनमन ना तो लऊ ले, ना देंह चो इच्छा ले, ना माने चो इच्छा ले, मान्तर माहापुरू ले उपजास होला से।

यूहन्ना 16:33

मय ऐ गोठमन तुमचो ले ऐईकाजे बल्ले से कि तुमके मोचो थाने शान्ति मिरो। संवसार ने तुमके कलेश होऊ आय, मान्तर हिम्मत जटाव, मय संवसार के जितले से।”

यूहन्ना 3:3

ईशु हुनके जबाप दिलो, “मय तुचो ले सते-सते बलें सें, अगर कोनी नवा ढंग ले नी जनमे तो माहापुरू चो राज दकुक नी सके।”

1 कुरिन्थियो 15:57

मान्तर माहापुरू चो धन्यबाद होओ, जोन आमचो परबु ईशु मसीह चो बाटले आमके जयवन्त करू आय।

1यूहन्ना 2:29

अगर तुमी जानेसास, कि हुन धरमी आय, तेबे ऐ बले जाना कि जोन कोनी धरम चो कामकरू आय हुन हुनचो ले जनम लो से।

1यूहन्ना 3:9

जोन कोनी माहापुरू ले जनम लो से हुन पाप नी करे, कसनबल्लोने हुनचो बीज हुनचो थाने बनुन रऊ आय, आउर हुन पाप करूक नी सके कसनबल्लोने माहापुरू ले जनम लो से।

1यूहन्ना 4:4

हे लेकामन, तुमी माहापुरू चो आहास, आउर तुमीमन हुन थाने जय पावलासास, कसनबल्लोने जोन तुमचो थाने आसे हुन हुनचो ले जोन संवसार ने आसे, बड़े आय।

1यूहन्ना 5:1

जेचो ऐ बिश्वास आसे कि ईशु ची मसीह आय, हुन माहापुरू ले उपजास होलो से; आउर जोन कोनी उपजास करतो बिता ले मया संगाऊ आय, हुन हुनचो ले बले मया संगाऊ आय जोन हुनचो ले उपजास होलो से।

1यूहन्ना 5:18

आमी जानु से, कि जोन कोनी माहापुरू ले उपजास होला से, हुन पाप नी करे; मान्तर जोन माहापुरू ले उपजास होलो, हुनके हुन बचाऊन संगाऊ आय, आउर हुन दुष्ट हुनके छिंऊक नी सके।

1यूहन्ना 5:5

संवसार थाने जय पावतो बिता कोन आय? मात्र हुन जेचो ऐ बिश्वास आसे कि ईशु, माहापुरू चो बेटा आय।

प्रकाशितवाक्य 12:11

“हुनमन मेमना चो लऊ चो लागुन आउर आपलो गोहई चो बचन चो लागुन हुनचो उपरे जयवन्त होला, आउर हुनमन आपलो जीवमन के लाड़ नी जानला, ऐथाले कि मरना बले सहला।”

प्रकाशितवाक्य 15:2

तेबे मय आईग मिललो बिती कांच चो असन गोटक समुन्द दकले; आउर जोन लोग हुन पशु थाने आउर हुनचो मुरती थाने आउर हुनचो नाव चो नम्बर थाने जयवन्त होऊ रवत, हुनमन के हुन कांच चो समुन्द चो लगे माहापुरू चो बीणामन के धरून भाती उबा दकले।

प्रकाशितवाक्य 2:11

“जेचो कान आसे हुन सुना कि आत्मा कलीसियामन ले काय बलेसे। जोन जय पावला, हुनके दुसर मरना ले हानि नी पहुँचे।”

प्रकाशितवाक्य 2:17

“जेचो कान आसे हुन सुना कि आत्मा कलीसियामन ले काय बले से। जोन जय पावला, हुनके मय गुपत मन्ना थानले देयेंदे, आउर हुनके गोटक पंडरा पकना बले देयेंदे; आउर हुन पकना थाने गोटक नाव लिकलोर होयदे, जोन के हुनके पावतो बिता के छांडुन आउर कोनी नी जाने।”

प्रकाशितवाक्य 2:26

“जोन जय पावला आउर मोचो काममन चो अनुसार आखरी ले करते रओ, मय हुनके जाति-जाति चो लोगमन उपरे अधिकार देयेंदे,”

प्रकाशितवाक्य 2:7

“जेचो कान आसे हुन सुनो कि आत्मा कलीसियामन ले काय बले से। जोन जय पावला, मय हुनके हुन जीवना चो रूकमन थानले जोन माहापुरू चो सरग लोक ने आसे, फल खाऊक देयेंदे।”

प्रकाशितवाक्य 3:12

“जोन जय पावला हुनके मय आपलो माहापुरू चो मंदिर ने गोटक खुटा बनायेंदे, आउर हुन फेर केबीई बाहरे नी निकरेदे; आउर मय आपलो माहापुरू चो नाव आउर आपलो माहापुरू चो नंगर बल्लोने नवा यरूशलेम चो नाव, जोन मोचो माहापुरू चो लगे ले सरग उपर ले उतरतो बिती आय, आउर आपलो नवा नाव हुन थाने लिकेन्दे।”

प्रकाशितवाक्य 3:21

“जोन जय पावला मय हुनके आपलो संगे आपलो सिंघासन थाने बसायेंदे, जसन मय बले जय पाऊन भाती आपलो बुआ चो संगे हुनचो सिंघासन थाने बसले।”

प्रकाशितवाक्य 3:5

“जोन जय पावला हुनके असने परकार पंडरा फटीई पिंदादे, आउर मय हुनचो नाव जीवना चो किताब थानले कोनी रीति ले नी काटेंदे; मान्तर हुनचो नाव आपलो बुआ आउर हुनचो सरग दूतमन चो पुरे मानेंदे।”