1यूहन्ना 5:13 - Halbi

¹³ मय तुमके, जोन माहापुरू चो बेटा चो नाव थाने बिश्वास करू आहास, ऐईकाजे लिकलोर आसे कि तुमी जाना कि अमर जीवना तुमचो आय।

परमेस्वर को सच्चो वचन ख जाननू

¹³ मी न तुम ख, जो परमेस्वर को पोरिया को नाम पर विस्वास करिये हैं, एकोलाने लिखो हैं कि तुम जाने कि हमेसा जिन्दगी तुमारी हैं।

1यूहन्ना 5:13 ပူးပေါင်းရင်းမြစ်များ

यूहन्ना 1:12

मान्तर जितरो लोग हुनके गरहन करला, हुन हुनमन के माहापुरू चो पिलामन होतोर अधिकार दिलो, बल्लोने हुनके जोन हुनचो नाव ने बिश्वास संगाऊ आत।

यूहन्ना 2:23

जिदलदाय हुन यरूशलेम ने फसह चो समया तिआर ने रलो, तेबे खुबे लोगमन हुन चिनामन के जोन हुन दकाते रये दकुन भाती हुनचो नाव ने बिश्वास करला।

यूहन्ना 20:31

मान्तर ऐ ऐईकाजे लिका गेली से कि तुमी बिश्वास करा कि ईशु ची माहापुरू चो बेटा मसीह आय, आउर बिश्वास करून हुनचो नाव ले जीवना पाआ।

यूहन्ना 21:24

ऐ हुनी चेला आय जोन ऐ गोठमन चो गोहई देऊ आय आउर जोन ऐ गोठमन के लिकलो से, आउर आमी जानु से कि हुनचो गोहई सते आय।

यूहन्ना 3:18

जोन हुनचो उपरे बिश्वास करू आय, हुनचो उपरे डण्ड चो हुकुम नी होये, मान्तर जोन हुनचो उपरे बिश्वास नी करे, हुन दोषी ठेबुन चुकलो; ऐईकाजे कि हुन माहापुरू चो गोटकी ची बेटा चो नाव थाने बिश्वास नी करलो।

यूहन्ना 5:24

मय तुमचो ले सते-सते बलें सें, जोन मोचो बचन सुनुन भाती मोचो पठालोबितामन थाने बिश्वास करू आय, अमर जीवना हुनचो आय; आउर हुनचो उपरे डण्ड चो हुकुम नी होये मान्तर हुन मरना ले निकरून भाती जीवना ने परवेश होऊन चुकलो से।

प्रेरितो 3:16

आउर हुनचेई नाव ने, हुन बिश्वास चो बाटले जोन हुनचो नाव थाने आसे, ऐ माने के जेके तुमी दकसास आउर जानास बले सामरत दिलो से। हुनी बिश्वास जोन हुनचो बाटले आय, ऐके तुमी सपाय चो पुरे बिलकुल अच्छा चेंगा करून दिलो से।

प्रेरितो 4:12

“कोनी दुसर चो बाटले मुक्ति निआय; कसनबल्लोने सरग चो खाले मानेमन ने आउर कोनी दुसर नाव नी दिया गेली, जेचो बाटले आमी मुक्ति पाऊक सकु।”

2 कुरिन्थियो 5:1

कसनबल्लोने आमी जानु से कि जिदलदाय आमचो धरतनी थाने डेरा असन घर घसराया जाय दे, तेबे आमके माहापुरू चो बाटले सरग थाने गोटक असन भवन मिरे दे जोन हाथमन ले बनलो बिती घर नुआय, मान्तर नी घसरतो बिती आय।

गलातियो 4:6

आउर तुमी जोन बेटा आस, ऐईकाजे माहापुरू आपलो बेटा चो आत्मा के, जोन “हे अब्बा, हे बुआ” बोलुन भाती हाग देऊ आय, आमचो मन-मन ने पठालो से।

1 पतरस 5:12

मय सिलवानुस चो होते, जेके मय बिश्वास लायक भाई समजु आय कम ने लिकुन भाती तुमके समजाले से, आउर ऐ गोहई दिले से कि माहापुरू चो सत अनुग्रह ऐई आय, ऐई थाने थीर राहा।

1यूहन्ना 1:4

आउर ऐ गोठमन आमी ऐईकाजे लिकु से कि आमचो हरिक पुरा होऊन जाओ।

1यूहन्ना 2:1

हे मोचो लेकामन, मय ऐ गोठमन तुमके ऐईकाजे लिकें से कि तुमी पाप नी करा; आउर अगर कोनी पाप कर दे, तेबे बुआ चो लगे आमचो गोटक सायता करू आसे, बल्लोने धरमी ईशु मसीह;

1यूहन्ना 2:21

मय तुमके ऐईकाजे नी लिकले कि तुमी सत के नी जानास, मान्तर ऐईकाजे कि हुनके जानास, आउर ऐईकाजे कि कोनी फंद, सत चो बाटले नुआय।

1यूहन्ना 2:25

आउर जेचो हुन आमचो ले बायदा करलो हुन अमर जीवना आय।

1यूहन्ना 2:26

मय ऐ गोठमन तुमके हुनमन चो बारे ने लिकले से, जोन तुमके भरमाऊ आत;

1यूहन्ना 3:23

हुनचो हुकुम ऐ आय कि आमी हुनचो बेटा ईशु मसीह चो नाव थाने बिश्वास करूं, आउर जसन हुन आमके हुकुम दिलो से हुनचेई अनुसार आपस ने मया संगाहा।

1यूहन्ना 4:9

जोन मया माहापुरू आमचो ले संगाऊ आय, हुन ऐचो ले परकट होली कि माहापुरू आपलो एकला बेटा के जगत ने पठालो से कि आमी हुनचो दुवारा जीवना पाऊँ।

1यूहन्ना 5:10

जोन माहापुरू चो बेटा उपरे बिश्वास करू आय हुन आपलो ची ने गोहई संगाऊ आय। जोन माहापुरू उपरे बिश्वास नी करलो हुन हुनके फंदी ठेबालो, कसनबल्लोने हुन-हुन गोहई थाने बिश्वास नी करलो जोन माहापुरू आपलो बेटा चो बारे ने दिलो से।

1यूहन्ना 5:11

आउर हुन गोहई ऐ आय कि माहापुरू आमके अमर जीवना दिलो से, आउर ऐ जीवना हुनचो बेटा ने आसे।

1यूहन्ना 5:20

आमी ऐ बले जानु से कि माहापुरू चो बेटा ईलो से आउर हुन आमके अकल दिलो से कि आमी हुन सत के चिताऊ; आउर आमी हुन थाने जोन सत आय, बल्लोने हुनचो बेटा ईशु मसीह ने रऊँ आंव। सत माहापुरू आउर अमर जीवना ऐई आय।