1यूहन्ना 4:9 - Halbi

⁹ जोन मया माहापुरू आमचो ले संगाऊ आय, हुन ऐचो ले परकट होली कि माहापुरू आपलो एकला बेटा के जगत ने पठालो से कि आमी हुनचो दुवारा जीवना पाऊँ।

परमेस्वर को सच्चो वचन ख जाननू

⁹ जो प्यार परमेस्वर हम से रखा हैं, उ यी कारन से प्ररगट भयो हैं कि परमेस्वर न अपनो एकलोतो पोरिया ख दुनिया म भेजो आय कि हम ओखा वजह से जिन्दगी मिले।

1यूहन्ना 4:9 ပူးပေါင်းရင်းမြစ်များ

मरकुस 12:6

अदायं गोटक ची रऊन जाऊ रये, जोन हुनचो लाड़रा बेटा रये; आखरी ने हुन हुनके बले हुनमन चो लगे ऐ सोचुन भाती पठालो कि हुनमन मोचो बेटा चो ईजीत कर दे।

लूका 4:18

“परबु चो आत्मा मोचो उपरे आसे, ऐईकाजे कि हुन कंगालमन के नगतखबर सुनातो काजे मोचो अभिषेक करलो से, आउर मोके ऐईकाजे पठालो से कि बन्दीमन के छुटकारा चो आउर कानामन के नजर पावतोर नगतखबर परचार करेंदे आउर चेपाय होलो लोग के छंडायेंदे,

यूहन्ना 10:10

चोर कोनी दुसर काम चो काजे नाई मान्तर मात्र चोरी करूक आउर घात करूक आउर नष्ट करूक ऐऊ आय; मय ऐईकाजे ईले कि हुनमन जीवना पाओत, आउर खुबे ले खुबे पाओत।

यूहन्ना 14:6

ईशु हुनचो ले बल्लो, “बाट आउर सत आउर जीव मय ची आंय; बिना मोचो नाहालो कोनी बुआ चो लगे नी पहुँचुक सके।

यूहन्ना 3:16

“कसनबल्लोने माहापुरू जगत ले असन मया संगालो कि हुन आपलो गोटकी ची बेटा देऊन दिलो, बल्ले जोन कोनी हुनचो उपरे बिश्वास करोत हुन नष्ट नी होओत, मान्तर अमर जीवना पाओत।

यूहन्ना 3:18

जोन हुनचो उपरे बिश्वास करू आय, हुनचो उपरे डण्ड चो हुकुम नी होये, मान्तर जोन हुनचो उपरे बिश्वास नी करे, हुन दोषी ठेबुन चुकलो; ऐईकाजे कि हुन माहापुरू चो गोटकी ची बेटा चो नाव थाने बिश्वास नी करलो।

यूहन्ना 5:23

कि सपाय लोग जसन बुआ चो मान करू आत असने ची बेटा चो बले मान करोत। जोन बेटा चो मान नी करे, हुन बुआ चो जोन हुनके पठालो से, मान नी करे।

यूहन्ना 6:29

ईशु हुनमन के जबाप दिलो, “माहापुरू चो काम ऐ आय कि तुमी हुनचो उपरे, जोन के हुन पठालो से, बिश्वास करा।”

यूहन्ना 6:51

जीवन चो रोटी जोन सरग ले उतरली, मय आय। अगर कोनी ऐ रोटी थानले खाओत, तेबे हरमेशा जीव रदे; आउर जोन रोटी मय जगत चो जीव काजे देयें दें, हुन मोचो मास आय।”

यूहन्ना 6:57

जसन जीवता बुआ मोके पठालो, आउर मय बुआ चो कारन जीव आसे, असने ची हुन बले जोन मोके खाये दे मोचो लागुन जीव रये दे।

यूहन्ना 8:29

मोचो पटाऊ बिता मोचो संगे आसे; हुन मोके ऐकला नी छांडलो कसनबल्लोने मय सबुदाय हुनी कामकरू आंय जेचो ले हुन हरिक होऊ आय।”

यूहन्ना 8:42

ईशु हुनमन ले बल्लो, “अगर माहापुरू तुमचो बुआ होतो, तेबे तुमी मोचो ले मया संगातास; कसनबल्लोने मय माहापुरू चो बाटले ईले से। मय खुद ले नी ईले, मान्तर हुनी ची मोके पठालो।

यूहन्ना 9:3

ईशु जबाप दिलो, “ना तो ऐ पाप करू रलो, ना ऐचो आया-बुआमन; मान्तर ऐईकाजे होली कि माहापुरू चो काम हुनचो थाने उजागर होओ।

रोमियो 8:32

जोन आपलो खुद बेटा के बले नी संगाऊन छांडलो, मान्तर हुनके आमी सपाय चो काजे देऊन दिलो, हुन हुनचो संगे आमके आउर सपाय काई केंव नी देयेदे?

इब्रानियो 1:5

कसनबल्लोने सरग दूतमन ले हुन केबे कोचीई ले बल्लो, “तुय मोचो बेटा आस, आजी तुय मोचो ले उपजास होली सीस?” आउर फेर ऐ, “मय हुनचो बुआ होयेंदें, आउर हुन मोचो बेटा होयदे?”

1यूहन्ना 3:16

आमी तो मया ऐचीई ले जानलु कि हुन आमचो काजे आपलो जीव दिलो; आउर आमके बले भाईमन चो काजे परान देतोर आसे।

1यूहन्ना 4:10

मया ऐ थाने निआय कि आमी माहापुरू ले मया करलु, मान्तर ऐ थाने आसे कि हुन आमके मया करलो आउर आमचो पापमन चो पशतावा चो काजे आपलो बेटा के पठालो।

1यूहन्ना 4:16

जोन मया माहापुरू आमचो ले संगाऊ आय, हुनके आमी जानलु आउर आमके हुनचो ले बिश्वास आसे। माहापुरू मया आय, आउर जोन मया ने बनुन रऊ आय हुन माहापुरू ने बनुन रऊ आय, आउर माहापुरू हुनचो थाने बनुन रऊ आय।

1यूहन्ना 5:11

आउर हुन गोहई ऐ आय कि माहापुरू आमके अमर जीवना दिलो से, आउर ऐ जीवना हुनचो बेटा ने आसे।

1यूहन्ना 5:13

मय तुमके, जोन माहापुरू चो बेटा चो नाव थाने बिश्वास करू आहास, ऐईकाजे लिकलोर आसे कि तुमी जाना कि अमर जीवना तुमचो आय।