1यूहन्ना 4:17 - Halbi

¹⁷ ऐचीई ले मया आमचो ने सिद्ध होली कि आमके नियाय चो दिने हिम्मत होओ; कसनबल्लोने जसन हुन आय असने ची संवसार ने आमी बले आंव।

परमेस्वर को सच्चो वचन ख जाननू

¹⁷ यी से प्रेम हम म सच्चो भयो हैं कि हम ख न्याव को दिन हिम्मत हो; काहेकि जसो मसी आय वसो ही दुनिया म हम भी हैं।

1यूहन्ना 4:17 ပူးပေါင်းရင်းမြစ်များ

मत्ती 10:15

मय तुमचो ले सते बलेंसें कि नियाय चो दिने हुन नंगर चो हाल ले सदोम आउर अमोरा चो देश चो हाल खुबे कटलातो लायक होयदे।”

मत्ती 10:25

चेला के गुरू चो, आउर दास के मालिक चो बराबर होतोर ची खुबे आय। जिदलदाय हुनमन घर चो मालिक के शयतान बल्ला तेबे हुनचो घर बितामन के केंव नी बलदे।”

मत्ती 11:22

मान्तर मय तुमचो ले बलें सें कि नियाय चो दिने तुमचो हालत ले सूर आउर सयदा चो हालत जादा कटलातो लायक होयदे।

मत्ती 11:24

मान्तर मय तुमचो ले बलेंसे कि नियाय चो दिने तुचो हालत ले सदोम चो हालत जादा कटलातो लायक होयदे।”

मत्ती 12:36

आउर मय तुमचो ले बलेंसें कि जोन-जोन बेकार गोठमन मानेमन बोल दे, नियाय चो दिने हुनमन सपाय झान हुन गोठ चो लेखा देदे।

यूहन्ना 15:20

जोन गोठमन मय तुमचो ले बोलुन रये, ‘दास आपलो मालिक ले बड़े नी होये,’ हुनके सुरता संगाहा। अगर हुनमन मोके कन्दरा दे, तो तुमके बले कन्दरा दे; अगर हुनमन मोचो गोठ मान दे, तेबे तुमचो बले मान दे।

यूहन्ना 17:22

हुन महिमा जोन तुय मोके दिलीस मय हुनमन के दिले, कि हुनमन असने ची गोटक होओत जसन कि आमी गोटक आंव,

रोमियो 8:29

कसनबल्लोने जोनमन के हुन पयले ले जानलो से हुनमन के पयले ले ठेबालो से बले कि हुनचो बेटा चो रूप रंग ने होओ, कि हुन खुबे भाईमन ने पयलवात ठेबो।

इब्रानियो 9:27

आउर जसन मानेमन चो काजे गोटक हार मरतोर आउर हुनचो पाचे नियाय चो होतोर नियुक्त आसे,

याकूब 2:13

कसनबल्लोने जोन दया नी करलो, हुनचो नियाय बिना दया चो होयेदे। दया नियाय थाने जयवन्त होऊ आय।

याकूब 2:22

आउर तुय दकलीस कि बिश्वास हुनचो काममन चो संगे मिसुन भाती असर डालली से, आउर करममन ले बिश्वास सिद्ध होली,

2 पतरस 2:9

तेबे परबु भगतमन के परीक्षामन थानले निकरातोर आउर अधरमीमन के नियाय चो दिन ले डण्ड चो दसा ने संगाऊक बले जाने,

2 पतरस 3:7

मान्तर ऐबे जुग ने बादरी आउर धरतनी हुनी बचन चो दुवारा ऐईकाजे संगाया गेली से कि जराया जाओ; आउर ऐ भगतहीन मानेमन चो नियाय आउर नष्ट होतोर दिन ले असने ची संगाऊन रदे।

1यूहन्ना 2:28

आउर हे लेकामन, हुनचो थाने बनुन राहा कि जिदलदाय हुन परकट होओ तो आमके साआस होओ, आउर आमी हुनचो ईलो ने हुनचो पुरे लाज नी होऊ।

1यूहन्ना 2:5

मान्तर जोन कोनी हुनचो बचन थाने चल दे, हुनचो ने सते माहापुरू चो मया सिद्ध होली से। ऐचीई ले आमी जानु आंव कि आमी हुन थाने आंसु।

1यूहन्ना 2:6

जोन कोनी ऐ बोलु आय कि मय हुन थाने बनुन रऊँ आय, हुनके जरूरत आय कि खुद बले असने ची चलो जसन हुन चलते रलो।

1यूहन्ना 3:1

दका, बुआ आमचो ले कसन मया करलो से कि आमी माहापुरू चो पिला बलाय जाऊ; आउर आमी आंव बले। ऐई लागुन संवसार आमके नी जाने, कसनबल्लोने हुन हुनके बले नी जानलो।

1यूहन्ना 3:3

आउर जोन कोनी हुनचो उपरे ऐ आशा संगाऊ आय, हुन आपन खुद के असने ची पवितर करू आय जसन हुन पवितर आय।

1यूहन्ना 3:7

हे लेकामन, काचीई भरमातो ने नी ईआ। जोन धरम चो कामकरू आय, हुनी हुनचो असन धरमी आय।

1यूहन्ना 4:12

माहापुरू के केबीई कोनी नी दकला; अगर आमी आपस ने मया संगावां, तेबे माहापुरू आमचो ने बनुन रऊ हाय आउर हुनचो मया आमचो ने सिद्ध होऊन गेली से।