1यूहन्ना 3:8 - Halbi

⁸ जोन कोनी पाप करू आय हुन शयतान चो बाटले आय, कसनबल्लोने शयतान मुर ले ची पाप करते ईलो से। माहापुरू चो बेटा ऐईकाजे परकट होलो कि शयतान चो काममन के नाश करो।

परमेस्वर को सच्चो वचन ख जाननू

⁸ जे कोई पाप करिये हैं उही सैतान कि तरफ से आय, काहेकि सैतान सुरू ही से पाप करते आयो हैं। परमेस्वर को पोरिया एकोलाने प्ररगट भयो हैं कि सैतान को काम हुन ख नास करन आयो।

1यूहन्ना 3:8 ပူးပေါင်းရင်းမြစ်များ

मत्ती 12:28

मान्तर अगर मय माहापुरू चो आत्मा चो सायता ले दुष्टआत्मामन के निकराऊ आंय, तेबे माहापुरू चो राज तुमचो लगे ऐऊन अमरली से।

मत्ती 13:38

बेड़ा जगत आय, “अच्छा बीज राज चो पिला आय, आउर रान बीज दुष्ट चो पिलामन आत।

मत्ती 4:3

तेबे परकतो बिता शयतान लगे ऐऊन भाती ईशु ले बल्लो, “अगर तुय माहापुरू चो बेटा आस, तो बोलुन देस, कि ऐ पकना रोटीमन बनुन जाओ।”

मरकुस 1:24

हुन चिचयाऊन भाती बल्लो, “हे ईशु नासरी, आमके तुचो ले काय काम? काय तुय आमके नष्ट करूक ईली सीस? मय तुके जाने, तुय कोन आस? माहापुरू चो पवितर जन!”

लूका 10:18

हुन हुनमन ले बल्लो, “मय शयतान के सरग ले बिजली चो असन घसरलोर दकते रये।

यूहन्ना 12:31

अदायं ऐ संवसार चो नियाय होऊ आय, अदायं ऐ संवसार चो सरदार निकराऊन दिया जाये दे;

यूहन्ना 16:11

नियाय चो बारे ने ऐईकाजे कि संवसार चो सरदार दोषी ठेबाया गेलो से।”

यूहन्ना 8:44

तुमी आपलो बुआ शयतान ले आहास आउर आपलो बुआ चो लालचमन के पुरा करूक चाहाऊ आस। हुन तो मुर ले हत्यारा आय आउर सते थाने थीर नी रलो, कसनबल्लोने सत हुनचो थाने आसे ची नाई। जिदलदाय हुन झूठ बोलु आय, तेबे आपलो सवभाव ची ले बोलु आय; कसनबल्लोने हुन झूठा आय मान्तर झूठ चो बुआ आय।

रोमियो 16:20

शान्ति चो माहापुरू शयतान के तुमचो पाँयमन ले झटके रमदुन देये दे। आमचो परबु ईशु मसीह चो अनुग्रह तुमचो उपरे होते रओ।

इफिसीयो 2:2

जोन थाने तुमी पयले ऐ संवसार चो रीति थाने, आउर बादरी चो अधिकार चो हाकिम बल्लोने हुन आत्मा चो अनुसार चलते राआस, जोन ऐबे बले हुकुम नी मानतो बितामन ने कामकरू आय।

कुलुस्सियो 2:15

आउर हुन परधानपन आउर अधिकारमन के आपलो ऊपर ले उतराऊन भाती हुनमन चो खुलम खुला तमाशा बनालो आउर कुरूस चो लागुन हुनमन उपरे जय-जय कार चो कोलार सुनाला।

1तीमुथियुस 3:16

ऐ थाने संका निआय कि भक्ति चो भेद गंभीर आय, बल्लोने, हुन जोन देंह ने परकट होलो, आत्मा ने धरमी ठेबलो, सरग दूतमन के दका दिलो, दुसर जातिमन ने हुनचो परचार होली, जगत ने हुनचो उपरे बिश्वास करा गेली, आउर महिमा ने उपरे उठाया गेलो।

इब्रानियो 2:14

ऐईकाजे जसन कि लेकामन मास आउर लऊ चो भागी आत, तेबे हुन खुद बले हुनमन चो असन हुनमन चो शामिल होऊन गेलो, बल्ले मरना चो दुवारा हुनके जेके मरना उपरे शक्ति मिरून रये, बल्लोने शयतान के ठग करून देओ;

इब्रानियो 9:26

नाहले जगत चो उपजास ले धरून भाती हुनके घन-घन दुक उठाऊक पढ़ती; मान्तर ऐबे जुग चो आखरी ने हुन गोटक ची हार परकट होलो से, बल्ले आपलो ची बलिदान चो दुवारा पाप के लापी करून देओ।

2 पतरस 2:4

कसनबल्लोने जिदलदाय माहापुरू हुन सरग दूतमन के जोनमन पाप करला नी छांडलो, मान्तर नरक ने पटाऊन भाती अन्धार कुण्डमन ने डालुन दिलो बल्ले नियाय चो दिन तक बन्दी रवत;

1यूहन्ना 1:2

ऐ जीवना परकट होली, आउर आमीमन हुनके दकलु, आउर हुनचो गोहई देऊ से, आउर तुमके हुन अमर जिवना चो खबर देऊ से जोन बुआ चो संगे रये आउर आमचो उपरे परकट होलो।

1यूहन्ना 3:10

ऐचीई ले माहापुरू चो पिला आउर शयतान चो पिला जानाय जाऊ आत; जोन कोनी धरम चो काम नी करे हुन माहापुरू ले नुआय, आउर ना हुन जोन आपलो भाई ले मया नी संगाये।

1यूहन्ना 3:5

तुमी जानेसास कि हुन ऐईकाजे परकट होली कि पापमन के हरून जाओ; आउर हुनचो आदत ने पाप निआय।

1यूहन्ना 5:19

आमी जानु से कि आमी माहापुरू ले आंव, आउर सपाय संवसार हुन दुष्ट चो वश ने पढ़ली से।

यहूदा 1:6

फेर जोन सरग दूतमन आपलो पन के गोटक जगा ने थीर नी संगाला मान्तर आपलो खुद चो जगा के छांडुन दिला, हुन हुनमन के बले हुन भयंकर दिन चो नियाय चो काजे अंधार ने, जोन जुग-जुग चो काजे आय, बान्दनमन ने संगालो से।

प्रकाशितवाक्य 20:10

हुनमन चो भरमातो बिता शयतान आईग आउर गन्धक चो हुन झील ने, जोन थाने हुन पशु आउर फंदी अगम गिआनी बले होये दे, डालुन दिया जाय दे; आउर हुनमन रात दिन जुग-जुग दुखा ने तड़प ते रदे।

प्रकाशितवाक्य 20:15

आउर जोन कोनी चो नाव जीवना चो किताब ने लिकलोर नी मिरली, हुन आईग चो झील ने डाला गेला।