1यूहन्ना 3:22 - Halbi

²² आउर जोन काई आमी मांगु आंव, हुन आमके हुनचो ले मिरू आय, कसनबल्लोने आमी हुनचो हुकुममन के मानु आंव आउर जोन हुनके भाऊ आय हुनी करू आंव।

परमेस्वर को सच्चो वचन ख जाननू

²² ओ कि आदेस यू हैं कि हम ओखा पोरिया यीसु मसी को नाम पर विस्वास करा, अर जसो ओ न हम ख आदेस दी हैं ओखा हिसाब से आपस म प्यार रखा हैं।

1यूहन्ना 3:22 ပူးပေါင်းရင်းမြစ်များ

मत्ती 17:5

हुन बलते रलो कि गोटक उजर बादरी हुनमन के छांई होली, आउर हुन बादरी थानले ऐ शब्द निकरली, “ऐ मोचो लाड़रा बेटा आय, जेचो ले मय हरिक आंसे: ऐचो सुना।”

मत्ती 21:22

आउर जोन काई तुमी पारथना ने बिश्वास ले मांगा हुन सपाय तुमके मिरेदे।”

मरकुस 11:24

ऐईकाजे मय तुमचो ले बलें सें कि जोन काई तुमी पारथना करून मांगा, तेबे बिश्वास करा कि तुमके मिरून गेली, आउर तुमचो काजे होये दे।

यूहन्ना 14:13

जोन बले तुमी मोचो नाव ले मांगा से, हुनी मय करें दें कि बेटा चो बाटले बुआ चो महिमा होओ।

यूहन्ना 15:10

अगर तुमी मोचो हुकुममन के माना से, तेबे मोचो मया ने बनुन राहा से; जसन कि मय आपलो बुआ चो हुकुममन के मानले से, आउर हुनचो मया ने बनुन रऊँ आंय।

यूहन्ना 15:7

अगर तुमी मोचो ने बनुन राहा आउर मोचो बचन तुमचो ने बनुन रओ, तेबे जोन चाहे मांगा आउर हुन तुमचो काजे होऊन जाये दे।

यूहन्ना 6:29

ईशु हुनमन के जबाप दिलो, “माहापुरू चो काम ऐ आय कि तुमी हुनचो उपरे, जोन के हुन पठालो से, बिश्वास करा।”

यूहन्ना 8:29

मोचो पटाऊ बिता मोचो संगे आसे; हुन मोके ऐकला नी छांडलो कसनबल्लोने मय सबुदाय हुनी कामकरू आंय जेचो ले हुन हरिक होऊ आय।”

यूहन्ना 9:31

आमी जानु से कि माहापुरू पापीमन चो नी सुने, मान्तर अगर कोनी माहापुरू चो भक्ति होओ आउर हुनचो इच्छा थाने चलो, तेबे हुन हुनचो सुनु आय।

प्रेरितो 17:30

ऐईकाजे माहापुरू अगिआनता चो समयामन थाने धिआन नी दिलो, मान्तर अदायं हर जगा सपाय मानेमन के मन फिरातोर हुकुम देऊ आय।

प्रेरितो 20:21

मान्तर यहूदीमन आउर यूनानीमन चो पुरे गोहई देते रले कि माहापुरू चो बाटे मन फिराहा आउर आमचो परबु ईशु मसीह उपरे बिश्वास करतोर आसे।

फिलिप्पियो 4:18

मचो लगे सपाय काई आसे, मान्तर खुबे ले खुबे बले आसे; जोन तीजमन तुमी इपफ्रुदीतुस चो हाथ ले पटाऊन रलास हुनमन के पाऊन भाती मय संतुष्ट होऊन गेले से, हुन तो सुख देतो बिती बास, धरतो लायक बलिदान आय, जोन माहापुरू के भाऊ आय।

कुलुस्सियो 1:10

बल्ले तुमचो चाल-चलन परबु चो लायक होओ, आउर हुन सपाय परकार ले हरिक होओ, आउर तुमचो ने हर परकार चो बड़ीया काममन चो फर धरो, आउर तुमी माहापुरू चो पयचान ने बाड़ते जाहा,

इब्रानियो 13:21

तुमके हरकोनी अच्छा गोठ ने सिद्ध करोत, जेचो ले तुमी हुनचो इच्छा पुरा करा, आउर जोन काई हुनके भाऊ आय हुनके ईशु मसीह चो लागुन आमचो ने उपजास करोत। हुनचेई महिमा जुग-जुग होते रओ। आमीन।

याकूब 1:5

मान्तर अगर तुमनमन ले कोकीई अकल चो कमी आसे जाले तेबे माहापुरू ले मांगा, जोन बिना काई बोलुन सपाय के उदारता ले देऊ आय, आउर हुनके दिया जायदे।

याकूब 4:3

तुमी मांगु आस आउर पाऊ नुआस, ऐईकाजे कि खराप इच्छा ले मांगु आस, बल्ले आपलो खातो-पिवतो ने उड़ान दिआस

याकूब 5:16

ऐईकाजे तुमी आपस ने गोटक दुसर चो पुरे आपलो-आपलो पाप के माना, आउर गोटक दुसर चो काजे पारथना करा, जेचो ले चेंगा होऊन जाआ; धरमी जन चो पारथना चो असर ले खुबे काई होऊक सके।

1यूहन्ना 2:3

मान्तर आमी हुनचो हुकुममन के मानुन्दे, तेबे ऐचो ले आमी जानु दें कि आमी हुनके जानलु से।

1यूहन्ना 5:14

आउर आमके हुनचो पुरे जोन साआस होऊ आय, हुन ऐ आय; कि अगर आमी हुनचो इच्छा चो अनुसार काई मांगु आंव तेबे हुन आमचो सुनु आय।