1यूहन्ना 3:2 - Halbi

² हे लाड़रामन अदायं आमी माहापुरू चो पिला आंव, आउर ऐबे तक ऐ परकट नी होली कि आमी काय-काय होंआ! इतलो जानु से कि जिदलदाय हुन परकट होये दे तेबे आमी हुनचो असन होवां, कसनबल्लोने हुनके असने ची दक दे जसन हुन आसे।

परमेस्वर को सच्चो वचन ख जाननू

² अरे प्यारो दोस्त, अब हम परमेस्वर को वारिस आय, अर अभी लक यी प्ररगट नी भयो कि हम ख कुछ होए हैं! इत्तो जानह हैं कि जब यीसु मसी प्ररगट होए ते हम ओखा जसो होए, काहे कि ओ ख वसो ही देखे जसा उ हैं।

1यूहन्ना 3:2 ပူးပေါင်းရင်းမြစ်များ

मत्ती 5:8

“धन्य आत हुनमन, जोनमन चो मन शुद्ध आय, कसनबल्लोने हुनमन माहापुरू के दकदे।”

लूका 17:30

माने चो बेटा चो उजागर होतो दिन ने बले असने ची होये दे।

लूका 20:36

हुनमन फेर मरू बले नुआत; कसनबल्लोने हुनमन सरग दूतमन चो असन हो दे, आउर नवा जनम चो बेटा होलो ले माहापुरू चो बले बेटा हो दे।

यूहन्ना 1:12

मान्तर जितरो लोग हुनके गरहन करला, हुन हुनमन के माहापुरू चो पिलामन होतोर अधिकार दिलो, बल्लोने हुनके जोन हुनचो नाव ने बिश्वास संगाऊ आत।

यूहन्ना 11:52

आउर ना मात्र हुन जाति चो काजे, आउर येई काजे बले कि माहापुरू चो जत-खत पिलामन के गोटक करून देये दे।

यूहन्ना 17:24

हे बुआ, मय चाहायें से, कि जोनमन के तुय मोके दिली सीस, जोन थाने मय आसे हुन थाने हुनमन बले मोचो संगे रवत, कि हुनमन मोचो हुन महिमा के दकोत जोन तुय मोके दिली सीस, कसनबल्लोने तुय जगत चो उपजास ले पयले मोचो ले मया संगालीस।

रोमियो 8:16

आत्मा खुद ची आमचो आत्मा चो संगे गोहई देऊ आय, कि आमी माहापुरू चो पिला आंव;

रोमियो 8:18

कसनबल्लोने मय समजे से कि ऐ समया चो दुक आउर कलेश हुन महिमा चो पुरे, जोन आमचो उपरे उजागर होतो बिती आय, काई बले नुआय।

रोमियो 8:19

कसनबल्लोने ब्रमांड बड़े आशा भरलो नजर ले माहापुरू चो बेटामन चो उजागर होतोर बाट दके से।

रोमियो 8:29

कसनबल्लोने जोनमन के हुन पयले ले जानलो से हुनमन के पयले ले ठेबालो से बले कि हुनचो बेटा चो रूप रंग ने होओ, कि हुन खुबे भाईमन ने पयलवात ठेबो।

1 कुरिन्थियो 13:12

ऐबे आमके दरपन ने धुन्दरा असन दका देऊ आय, मान्तर हुन समया छमा-छम दकवां; ऐ समया मोचो गिआन आदरा आसे, मान्तर हुन समया असन पूईतराय ढंग ले चितायेंदे, जसन मय चिताया गेले सें।

1 कुरिन्थियो 15:49

आउर जसन आमी हुनचो रूप धारन करलु जोन माटी चो रलो असने ची हुन सरग चो रूप बले धारन करूं दे।

1 कुरिन्थियो 2:9

मान्तर जसन लिकलोर आसे, “जोन गोठमन आँईकमन नी दकली आउर कान नी सुनली, आउर जोन गोठमन माने चो मन ने नी चेगली, हुनीमन ची आत जोन माहापुरू आपलो मया संगातो बितामन काजे तिआर करलो से।”

2 कुरिन्थियो 3:18

मान्तर जिदलदाय आमी सपाय चो उगाढ़लोर मुंह ले परबु चो तेज असन परकार परकट होऊ आय, जोन परकार दरपन ने, तेबे परबु चो बाटले जोन आत्मा आसे, आमी हुनी तेजमय रूप ने भाग-भाग करून बदलते जाऊ आंव।

2 कुरिन्थियो 4:17

कसनबल्लोने आमचो डण्डिक चो खिन्डिक असन कलेश आमचो काजे खुबे ची जरूरी आउर अमर महिमा उपजास करते जाऊ आय;

गलातियो 3:26

कसनबल्लोने तुमी सपाय हुन बिश्वास चो लागुन जोन मसीह ईशु थाने आसे, माहापुरू चो पिला आहास।

गलातियो 4:6

आउर तुमी जोन बेटा आस, ऐईकाजे माहापुरू आपलो बेटा चो आत्मा के, जोन “हे अब्बा, हे बुआ” बोलुन भाती हाग देऊ आय, आमचो मन-मन ने पठालो से।

फिलिप्पियो 3:21

हुनमन आपलो ताकत चो हुन असर चो अनुसार जेचो बाटले हुन सपाय तीजमन के आपलो बस ने करूक सके, आमचो दिन-हीन देंह चो रूप बदलुन भाती, आपलो महिमा चो देंह चो समान बनान देयेंदे।

कुलुस्सियो 3:4

जिदलदाय मसीह जोन आमचो जीव आय, परकट होये दे, तेबे तुमी बले हुनचो संगे महिमा संगे परकट कराय जाहा।

इब्रानियो 9:28

असने ची मसीह बले खुबेमन चो पापमन के उठाऊन धरतो काजे गोटक हार बलिदान होलो; आउर जोन लोग हुनचो बाट टाके सोत हुनमन चो मुक्ति चो काजे दुसरहार बिना पाप उठाऊन भाती दका देये दे।

2 पतरस 1:4

जोनमन चो दुवारा हुन आमके बड़े मोल आउर खुबे बड़े बायदामन दिलो से बल्ले ऐ मन चो दुवारा तुमी हुन कुवतोर ले छुटुन भाती, जोन संवसार ने खराप मनमानीमन ले होऊ आय, माहापुरू चो स्वभाव चो शामिल होऊन जाहा।

1यूहन्ना 2:28

आउर हे लेकामन, हुनचो थाने बनुन राहा कि जिदलदाय हुन परकट होओ तो आमके साआस होओ, आउर आमी हुनचो ईलो ने हुनचो पुरे लाज नी होऊ।

1यूहन्ना 2:7

हे लाड़रामन, मय तुमके कोनी नवा हुकुम नी लिके, मान्तर हुनी जुना हुकुम जोन मुर ले तुमके मिरली से; ऐ जुना हुकुम हुन बचन आय जेके तुमनमन सुनलासास।

1यूहन्ना 3:1

दका, बुआ आमचो ले कसन मया करलो से कि आमी माहापुरू चो पिला बलाय जाऊ; आउर आमी आंव बले। ऐई लागुन संवसार आमके नी जाने, कसनबल्लोने हुन हुनके बले नी जानलो।

1यूहन्ना 3:10

ऐचीई ले माहापुरू चो पिला आउर शयतान चो पिला जानाय जाऊ आत; जोन कोनी धरम चो काम नी करे हुन माहापुरू ले नुआय, आउर ना हुन जोन आपलो भाई ले मया नी संगाये।

1यूहन्ना 3:21

हे लाड़रा मन अगर आमचो मन आमके दोष नी देओ, तेबे आमके माहापुरू चो पुरे हिम्मत होऊ आय;

1यूहन्ना 5:1

जेचो ऐ बिश्वास आसे कि ईशु ची मसीह आय, हुन माहापुरू ले उपजास होलो से; आउर जोन कोनी उपजास करतो बिता ले मया संगाऊ आय, हुन हुनचो ले बले मया संगाऊ आय जोन हुनचो ले उपजास होलो से।

प्रकाशितवाक्य 2:28

“आउर मय हुनके बिहान चो तारा देयेंदे।”

प्रकाशितवाक्य 22:4

हुनमन हुनचो मुंह दक दे, आउर हुनचो नाव हुनमन चो कपारमन थाने लिकलोर होये दे।