1यूहन्ना 2:7 - Halbi

⁷ हे लाड़रामन, मय तुमके कोनी नवा हुकुम नी लिके, मान्तर हुनी जुना हुकुम जोन मुर ले तुमके मिरली से; ऐ जुना हुकुम हुन बचन आय जेके तुमनमन सुनलासास।

परमेस्वर को सच्चो वचन ख जाननू

⁷ अरे प्यारो दोस्त, मी तुम ख कोई नई आदेस नी लिखू हैं। पर वा ही आदेस जो सुरू से तुम ख मिली हैं; यी पुरानी आदेस उ वचन हैं जे ख तुम न सुन्यो हैं।

1यूहन्ना 2:7 ပူးပေါင်းရင်းမြစ်များ

मत्ती 5:43

“तुमी सुनुन चुकलासास कि मूसा चो नियम ने बोला जाऊन रली, ‘आपलो अड़स-पड़स चो लोग ले मया संगावा, आउर आपलो बयरी ले बईर।’”

यूहन्ना 13:34

मय तुमके गोटक नवा हुकुम देंयें से कि गोटक दुसर ले मया संगाहा; जसन मय तुमचो ले मया संगाले से, असने ची तुमी बले गोटक दुसर ले मया संगाहा।

प्रेरितो 17:19

तेबे हुनमन हुनके आपलो संगे अरियुपगुस थाने धरून गेला आउर पचारला, काय आमी जानुक सकु कि ऐ नवा मत जोन तुय सुनाय सीस, काय आय?

इब्रानियो 6:9

मान्तर हे लाड़रामन, अगर आमी ऐ गोठमन बोलु आंव तेबले बले तुमचो बारे ने आमी ऐचो ले अच्छा आउर मुक्ति बिती गोठमन चो भरसा करूं आंव।

1यूहन्ना 2:24

जोन काई तुमी मुर ले सुनलासास, हुनी तुमचो ने बनुन रओ; जोन तुमी मुर ले सुनलासास, अगर हुन तुमचो ने बनुन रओ तेबे तुमी बले बेटा ने आउर बुआ ने बनुन राआ से।

1यूहन्ना 3:11

कसनबल्लोने जोन खबर तुमनमन मुर ले सुनलास, हुन ऐ आय कि आमी गोटक दुसर ले मया संगाऊ;

1यूहन्ना 3:2

हे लाड़रामन अदायं आमी माहापुरू चो पिला आंव, आउर ऐबे तक ऐ परकट नी होली कि आमी काय-काय होंआ! इतलो जानु से कि जिदलदाय हुन परकट होये दे तेबे आमी हुनचो असन होवां, कसनबल्लोने हुनके असने ची दक दे जसन हुन आसे।

1यूहन्ना 3:21

हे लाड़रा मन अगर आमचो मन आमके दोष नी देओ, तेबे आमके माहापुरू चो पुरे हिम्मत होऊ आय;

1यूहन्ना 3:23

हुनचो हुकुम ऐ आय कि आमी हुनचो बेटा ईशु मसीह चो नाव थाने बिश्वास करूं, आउर जसन हुन आमके हुकुम दिलो से हुनचेई अनुसार आपस ने मया संगाहा।

1यूहन्ना 4:1

हे लाड़रा मन, हरकोनी आत्मा थाने बिश्वास नी करा, मान्तर आत्मामन के परका कि हुनमन माहापुरू चो बाटले आय कि नुआय; कसनबल्लोने खुबे असन फंदी अगम गिआनी जगत ने निकरून उबला सोत।

1यूहन्ना 4:11

हे लाड़रामन जिदलदाय माहापुरू आमचो ले असन मया करलो, तेबे आमके बले आपस ने मया संगातोर आय।

1यूहन्ना 4:21

हुनचो ले आमके ऐ हुकुम मिरली से, कि जोन कोनी माहापुरू ले मया संगाऊ आय हुन आपलो भाई ले बले मया संगा ओ।

1यूहन्ना 4:7

हे लाड़रा मन, आमी आपस ने मया संगाऊ, कसनबल्लोने मया-माहापुरू ले आय। जोन कोनी मया करू आय, हुन माहापुरू ले जनम लो से आउर माहापुरू के जानु आय।