1यूहन्ना 2:5 - Halbi

⁵ मान्तर जोन कोनी हुनचो बचन थाने चल दे, हुनचो ने सते माहापुरू चो मया सिद्ध होली से। ऐचीई ले आमी जानु आंव कि आमी हुन थाने आंसु।

परमेस्वर को सच्चो वचन ख जाननू

⁵ पर जे कोई ओखा वचन पर चले, ओ म सच म परमेस्वर को प्रेम सच भयो हैं। यी से हम ख जान गया हैं

1यूहन्ना 2:5 ပူးပေါင်းရင်းမြစ်များ

लूका 11:28

हुन बल्लो, “हव; मान्तर धन्य हुनमन आत जोन माहापुरू चो बचन सुनु आउर मानु आत।”

यूहन्ना 14:21

जेचो लगे मोचो हुकुममन आसे आउर हुन हुनमन के मानु आय, हुनी मोचो ले मया संगाऊ आय; आउर जोन मोचो ले मया संगाऊ आय हुनचो ले मोचो बुआ मया संगाय दे, आउर मय हुनचो ले मया संगायें दें आउर आपन खुद के हुन थाने उजागर करें दें।”

यूहन्ना 14:23

ईशु हुनके जबाप दिलो, “अगर कोनी मोचो ले मया संगाय दे, तेबे हुन मोचो बचन के माने दे, आउर मोचो बुआ हुनचो ले मया संगाय दे, आउर आमी हुनचो लगे ऐऊ दें आउर हुनचो संगे वास करूं दे।”

यूहन्ना 15:5

मय अंगुर डीरा आय: तुमी खेंदामन आहास; जोन मोचो ने बनुन रऊ आय आउर मय हुनचो ने, हुन खुबे फल फरू आय, कसनबल्लोने मोचो ले अलग होऊन भाती तुमी काई बले नी करूक सकास।

यूहन्ना 6:56

जोन मोचो मास खाऊ आय आउर मोचो लऊ पिऊ आय हुन मचो ने थीर बनुन रऊ आय, आउर मय हुनचो ने।

रोमियो 8:1

आउर अदायं जोन मसीह ईशु ने आसोत, हुनमन उपरे डण्ड चो हुकुम निआय। कसनबल्लोने हुनमन देंह चो अनुसार नाई मान्तर आत्मा चो अनुसार चलु आत।

1 कुरिन्थियो 1:30

मान्तर हुनचेई बाटले तुमी मसीह ईशु ने आसास, जोन माहापुरू चो बाटले आमचो काजे गिआन थेबलो, बल्लोने धरम, आउर पवितरता, आउर छुटकारा;

2 कुरिन्थियो 5:17

ऐईकाजे अगर कोनी मसीह ने आसे तो हुन नवा रचना आय: जुना गोठमन बीतुन गेली से; दका, सपाय गोठमन नवा होऊन गेली से।

2 कुरिन्थियो 5:21

जोन पाप ले अनजान रये, हुनी के हुन आमचो काजे पाप ठेबालो कि आमी हुन थाने होऊन भाती माहापुरू चो धारमिकता बनुन जाऊं।

याकूब 2:22

आउर तुय दकलीस कि बिश्वास हुनचो काममन चो संगे मिसुन भाती असर डालली से, आउर करममन ले बिश्वास सिद्ध होली,

1यूहन्ना 3:24

जोन हुनचो हुकुममन के मानु आय, हुन हुन थाने आउर हुन हुनमन ने बनुन रऊ आय: आउर ऐचीई ले, बल्लोने हुन आत्मा ले जोन हुन आमके दिलो से, आमी जानु से कि हुन आमचो ने बनुन रऊ आय।

1यूहन्ना 4:17

ऐचीई ले मया आमचो ने सिद्ध होली कि आमके नियाय चो दिने हिम्मत होओ; कसनबल्लोने जसन हुन आय असने ची संवसार ने आमी बले आंव।

1यूहन्ना 4:18

मया ने भय नी होये, मान्तर सिद्ध मया भय के दूर करून देऊ आय; कसनबल्लोने भय चो नाता डण्ड ले होऊ आय, आउर जोन भय करू आय हुन मया ने सिद्ध नी होला।

1यूहन्ना 5:2

जिदलदाय आमी माहापुरू ले मया संगाऊ आंव आउर हुनचो हुकुममन के मानु आंव, तेबे ऐचीई ले आमी जानु आंव कि आमी माहापुरू चो पिलामन ले मया संगाऊ आंव।

1यूहन्ना 5:20

आमी ऐ बले जानु से कि माहापुरू चो बेटा ईलो से आउर हुन आमके अकल दिलो से कि आमी हुन सत के चिताऊ; आउर आमी हुन थाने जोन सत आय, बल्लोने हुनचो बेटा ईशु मसीह ने रऊँ आंव। सत माहापुरू आउर अमर जीवना ऐई आय।

2 यूहन्ना 1:6

आउर मया ऐ आय कि आमी हुनचो हुकुममन चो अनुसार चलु; ऐ हुनी हुकुम आय जोन तुमनमन मुर ले सुनसास, आउर तुमके ऐ थाने चलतोर बले आसे।

प्रकाशितवाक्य 12:17

तेबे बोड़ासाप बायले लेकी उपरे रीस होलो, आउर हुनचो बाकी पिलामन ले, जोन माहापुरू चो हुकुममन के मानतोर आउर ईशु चो गोहई देतोर थाने थीर आसोत, लडुक लाय गेलो।

प्रकाशितवाक्य 14:12

पवितर लोगमन चो धीरज ऐई थाने आसे, जोन माहापुरू चो हुकुममन के मानु आत आउर ईशु उपरे बिश्वास संगाऊ आत।