1यूहन्ना 2:3 - Halbi

³ मान्तर आमी हुनचो हुकुममन के मानुन्दे, तेबे ऐचो ले आमी जानु दें कि आमी हुनके जानलु से।

परमेस्वर को सच्चो वचन ख जाननू

³ अदि हम परमेस्वर को आदेस हुन ख मानेगो, ते ऐ से हम जान सका हैं कि हम ओ ख जान गया हैं।

1यूहन्ना 2:3 ပူးပေါင်းရင်းမြစ်များ

लूका 6:46

“जिदलदाय तुमी मोचो गोठ नी मानास तेबे केंव मोके ‘हे परबु, हे परबु,’ बोलु आहास?

यूहन्ना 14:15

“अगर तुमी मोचो ले मया संगाऊ आस, तेबे मोचो हुकुममन के माना से।

यूहन्ना 15:10

अगर तुमी मोचो हुकुममन के माना से, तेबे मोचो मया ने बनुन राहा से; जसन कि मय आपलो बुआ चो हुकुममन के मानले से, आउर हुनचो मया ने बनुन रऊँ आंय।

यूहन्ना 15:14

जोन हुकुम मय तुमके देंयें से, अगर हुनके माना तेबे तुमी मोचो मीत आहास।

यूहन्ना 17:3

आउर अमर जीवना ऐ आय कि हुनमन तुके गोटक मात्र सते माहापुरू के आउर ईशु मसीह के, जोन के तुय पठाली सीस, जानोत।

2 कुरिन्थियो 4:6

ऐईकाजे कि माहापुरू ची आय, जोन बल्लो, “अंधार थानले उजर बरो,” आउर हुनी आमचो मन-मन ने बरली कि माहापुरू चो महिमा चो पयचान चो उजर ईशु मसीह चो थोमना ले उजर होओ।

इब्रानियो 5:9

आउर सिद्ध बनुन भाती, आपलो सपाय हुकुम मानतो बितामन चो काजे हरमेशा चो मुक्ति चो कारन होऊन गेलो,

1यूहन्ना 2:13

हे बुआमन, मय तुमके ऐईकाजे लिकें से कि जोन मुर ले आसे तुमी हुनके जानास। हे जुआनमन, मय तुमके ऐईकाजे लिकें से कि तुमनमन हुन दुष्ट उपरे जय पावलासास। हे लेकामन, मय तुमके ऐईकाजे लिकले से कि तुमी बुआ के जानुन गेलासास।

1यूहन्ना 3:14

आमी जानु से कि आमी मरना ले नाकुन भाती जीवना ने अमरलु से; कसनबल्लोने आमी भाईमन ले मया संगाऊ आंव। जोन मया नी संगाये हुन मरना चो दसा ने रऊ आय।

1यूहन्ना 3:19

ऐचीई ले आमी जानु दें कि आमी सत चो आंव; आउर जोन गोठ ने आमचो मन आमके दोष देये दे, हुनचो बारे ने आमी हुनचो पुरे आपलो मन के दिलासा देऊक सकवां;

1यूहन्ना 3:6

जोन कोनी हुन थाने बनुन रऊ आय, हुन पाप नी करे: जोन कोनी पाप करू आय, हुन ना तो हुनके दकलो से आउर ना हुनके जानलो से।

1यूहन्ना 4:13

ऐचीई ले आमी जानु से कि आमी हुनचो ने बनुन रऊ आंव, आउर हुन आमचो ने; कसनबल्लोने हुन आपलो आत्मा थानले आमके दिलो से।

1यूहन्ना 4:7

हे लाड़रा मन, आमी आपस ने मया संगाऊ, कसनबल्लोने मया-माहापुरू ले आय। जोन कोनी मया करू आय, हुन माहापुरू ले जनम लो से आउर माहापुरू के जानु आय।

1यूहन्ना 5:19

आमी जानु से कि आमी माहापुरू ले आंव, आउर सपाय संवसार हुन दुष्ट चो वश ने पढ़ली से।

1यूहन्ना 5:2

जिदलदाय आमी माहापुरू ले मया संगाऊ आंव आउर हुनचो हुकुममन के मानु आंव, तेबे ऐचीई ले आमी जानु आंव कि आमी माहापुरू चो पिलामन ले मया संगाऊ आंव।

1यूहन्ना 5:3

कसनबल्लोने माहापुरू ले मया संगातोर ऐ आय कि आमी हुनचो हुकुममन के मानु; आउर हुनचो हुकुममन मशकिल नुआय।

प्रकाशितवाक्य 12:17

तेबे बोड़ासाप बायले लेकी उपरे रीस होलो, आउर हुनचो बाकी पिलामन ले, जोन माहापुरू चो हुकुममन के मानतोर आउर ईशु चो गोहई देतोर थाने थीर आसोत, लडुक लाय गेलो।

प्रकाशितवाक्य 14:12

पवितर लोगमन चो धीरज ऐई थाने आसे, जोन माहापुरू चो हुकुममन के मानु आत आउर ईशु उपरे बिश्वास संगाऊ आत।

प्रकाशितवाक्य 22:14

“धन्य हुनमन आत, जोन आपलो फटीई धोऊ आत, कसनबल्लोने हुनमन के जीवना चो रूक चो लगे ऐतोर अधिकार मिरे दे, आउर हुनमन कपाटमन ले होऊन भाती नंगर ने ओलदे।”