1यूहन्ना 2:29 - Halbi

²⁹ अगर तुमी जानेसास, कि हुन धरमी आय, तेबे ऐ बले जाना कि जोन कोनी धरम चो कामकरू आय हुन हुनचो ले जनम लो से।

परमेस्वर को सच्चो वचन ख जाननू

²⁹ अदि तुम जान हैं, कि उ सच्चो हैं, ते यू भी जान लो कि जो कोई धर्म को काम करिये हैं उ ओ से उत्पन्न भयो हैं।

1यूहन्ना 2:29 ပူးပေါင်းရင်းမြစ်များ

यूहन्ना 1:13

हुनमन ना तो लऊ ले, ना देंह चो इच्छा ले, ना माने चो इच्छा ले, मान्तर माहापुरू ले उपजास होला से।

यूहन्ना 7:18

जोन आपलो बाटले काई बोलु आय, हुन आपलो ची बड़ाई चाहाऊ आय; मान्तर जोन आपलो पठालोबिता चो बड़ाई चाहाऊ आत हुनी सत आय, आउर हुनचो थाने अधरम नाई।

प्रेरितो 10:35

मान्तर हर जाति ने जोन हुनचो ले डरू आय आउर धरम चो कामकरू आय, हुन हुनके भाऊ आय।

प्रेरितो 22:14

तेबे हुन बल्लो, आमचो बुआ दादीमन चो माहापुरू तुके ऐईकाजे ठेबालो से कि तुय हुनचो इच्छा के जान, आउर हुन धरमी के दक आउर हुनचो मुंह ले गोठमन सुन।

प्रेरितो 3:14

तुमीमन हुन पवितर आउर धरमी चो इन्कार करलास, आउर बिनती करलास कि गोटक हत्या करू के तुमचो काजे छांडुन दिया जाओ;

2 कुरिन्थियो 5:21

जोन पाप ले अनजान रये, हुनी के हुन आमचो काजे पाप ठेबालो कि आमी हुन थाने होऊन भाती माहापुरू चो धारमिकता बनुन जाऊं।

इब्रानियो 7:2

ऐकेई अब्राहाम सपाय तीजमन चो दसवां अंश बले दिलो। ऐ पयले आपलो नाव चो अरत चो अनुसार, धरम चो राजा, आउर फेर शालेम बल्लोने शान्ति चो राजा आय।

इब्रानियो 7:26

आउर असने ची माहायाजक आमचो लायक रलो जोन पवितर, आउर निष्कपट, आउर निंगल, आउर पापीमन ले अलग, आउर सरग ले बल्ले ऊँचा करलो बिती होओ।

याकूब 1:18

हुन आपलो ची इच्छा ले आमके सत चो बचन चो दुवारा उपजास करलो, बल्ले आमी हुनचो बनालो बिती तीजमन थानले गोटक परकार चो पईल फर होऊ।

1 पतरस 1:23

कसनबल्लोने तुमनमन नाशवान नाई मान्तर अविनाशी बीज ले, माहापुरू चो जीवता आउर हरमेशा ठेबतो बिती बचन चो दुवारा नवा जनम पावलासास।

1 पतरस 1:3

आमचो परबु ईशु मसीह चो माहापुरू आउर बुआ चो धन्यबाद होओ, जोन ईशु मसीह चो मरलो थानले जीव उठलोर दुवारा, आपलो बड़े दया ले आमके जीव आशा चो काजे नवा जनम दिलो,

1 पतरस 3:18

ऐईकाजे कि मसीह बले, आउर अधरमीमन काजे धरमी, पापमन चो लागुन गोटक हार दुख उठालो, बल्ले आमके माहापुरू चो लगे अमराओ हुन देंह चो भाव ले तो घात करा गेलो, मान्तर आत्मा चो भाव ले जिआया गेलो।

2 पतरस 1:4

जोनमन चो दुवारा हुन आमके बड़े मोल आउर खुबे बड़े बायदामन दिलो से बल्ले ऐ मन चो दुवारा तुमी हुन कुवतोर ले छुटुन भाती, जोन संवसार ने खराप मनमानीमन ले होऊ आय, माहापुरू चो स्वभाव चो शामिल होऊन जाहा।

1यूहन्ना 2:1

हे मोचो लेकामन, मय ऐ गोठमन तुमके ऐईकाजे लिकें से कि तुमी पाप नी करा; आउर अगर कोनी पाप कर दे, तेबे बुआ चो लगे आमचो गोटक सायता करू आसे, बल्लोने धरमी ईशु मसीह;

1यूहन्ना 3:5

तुमी जानेसास कि हुन ऐईकाजे परकट होली कि पापमन के हरून जाओ; आउर हुनचो आदत ने पाप निआय।

1यूहन्ना 3:7

हे लेकामन, काचीई भरमातो ने नी ईआ। जोन धरम चो कामकरू आय, हुनी हुनचो असन धरमी आय।

1यूहन्ना 4:7

हे लाड़रा मन, आमी आपस ने मया संगाऊ, कसनबल्लोने मया-माहापुरू ले आय। जोन कोनी मया करू आय, हुन माहापुरू ले जनम लो से आउर माहापुरू के जानु आय।

1यूहन्ना 5:1

जेचो ऐ बिश्वास आसे कि ईशु ची मसीह आय, हुन माहापुरू ले उपजास होलो से; आउर जोन कोनी उपजास करतो बिता ले मया संगाऊ आय, हुन हुनचो ले बले मया संगाऊ आय जोन हुनचो ले उपजास होलो से।

1यूहन्ना 5:18

आमी जानु से, कि जोन कोनी माहापुरू ले उपजास होला से, हुन पाप नी करे; मान्तर जोन माहापुरू ले उपजास होलो, हुनके हुन बचाऊन संगाऊ आय, आउर हुन दुष्ट हुनके छिंऊक नी सके।

1यूहन्ना 5:4

कसनबल्लोने जोन काई माहापुरू ले उपजास होली से, हुन जगत थाने जय पाऊ आय; आउर हुन जीत जेचो ले संवसार थाने जय पाऊ आय आमचो बिश्वास आय।

3 यूहन्ना 1:11

हे लाड़रा, खराप चो नाई मान्तर भलाई चो करतो बिता हो। जोन भलाई करू आय, हुन माहापुरू चो बाटले आय; मान्तर जोन खराप करू आय, हुन माहापुरू के नी दकलो।