1यूहन्ना 2:24 - Halbi

²⁴ जोन काई तुमी मुर ले सुनलासास, हुनी तुमचो ने बनुन रओ; जोन तुमी मुर ले सुनलासास, अगर हुन तुमचो ने बनुन रओ तेबे तुमी बले बेटा ने आउर बुआ ने बनुन राआ से।

परमेस्वर को सच्चो वचन ख जाननू

²⁴ जे कोई तुम न सुरू से सुन्यो हैं, उही तुम म बनो रय्हे; जे तुम न सुरू से सुन्यो हैं, अदि उ तुम म बनो रय्हे ते तुम भी पोरिया म अर बाप म बने रहे।

1यूहन्ना 2:24 ပူးပေါင်းရင်းမြစ်များ

लूका 1:2

जसन कि हुनमन जोन पईल ले ची ऐ गोठमन चो दकतो बितामन आउर बचन चो सेवकमन रवत, आमचो लगे पोंचाला।

लूका 9:44

“तुमी ऐ गोठमन थाने कान दिआस, कसनबल्लोने माने चो बेटा मानेमन चो हाथ ने धराया जातोर ने आसे।”

यूहन्ना 14:23

ईशु हुनके जबाप दिलो, “अगर कोनी मोचो ले मया संगाय दे, तेबे हुन मोचो बचन के माने दे, आउर मोचो बुआ हुनचो ले मया संगाय दे, आउर आमी हुनचो लगे ऐऊ दें आउर हुनचो संगे वास करूं दे।”

यूहन्ना 15:7

अगर तुमी मोचो ने बनुन राहा आउर मोचो बचन तुमचो ने बनुन रओ, तेबे जोन चाहे मांगा आउर हुन तुमचो काजे होऊन जाये दे।

यूहन्ना 6:56

जोन मोचो मास खाऊ आय आउर मोचो लऊ पिऊ आय हुन मचो ने थीर बनुन रऊ आय, आउर मय हुनचो ने।

यूहन्ना 8:25

हुनमन हुनचो ले बल्ला, “तुय कोन आस?” ईशु हुनमन ले बल्लो, “हुनी आय जोन मुर ले तुमचो ले बोलते ईले से।

फिलिप्पियो 4:15

हे फिलिप्पिमन, तुमी खुद ची बले जानास कि नगतखबर परचार चो मुर ने, जिदलदाय मय मकिदुनिया ले बिदा होले, तेबे तुमके छांडुन आउर कोनी कलीसिया ने लेन-देन चो बारे ने मचो सायता नी करला।

कुलुस्सियो 3:16

मसीह चो बचन के आपलो मन ने जादा ले जादा बसुक दिआस, आउर सीद गिआन संगे गोटक दुसर के सिकाआ आउर जनावा, आउर आपलो-आपलो मन ने अनुग्रह चो संगे माहापुरू चो काजे भजन आउर स्तुति गीत आउर आत्मिक गीत गाहा।

इब्रानियो 2:1

ऐेई लागुन जरूरी आय कि आमी हुन गोठमन थाने जोन आमीमन सुनलु से, आउर बले मन लगाऊं, असन नी होओ कि भहकुन भाती हुनमन ले लापी जाते जाऊं।

इब्रानियो 3:14

कसनबल्लोने आमी मसीह चो शामिल होलु से, अगर आमी आपलो पयला भरसा थाने आखरी ले मजबूत ले थीर रवां।

1यूहन्ना 1:3

जोन काई आमीमन दकलु आउर सुनलु से हुनचो खबर तुमके बले देऊ से, ऐईकाजे कि तुमी बले आमचो संगे शामिल हुआ; आउर आमचो ऐ सामिलता बुआ चो संगे आउर हुनचो बेटा ईशु मसीह चो संगे आय।

1यूहन्ना 1:7

मान्तर अगर जसन हुन उजर ने आसे, असने ची आमी बले उजर ने चलुन्दे, तेबे गोटक दुसर ले सामिलता संगाऊ आव, आउर हुनचो बेटा ईशु चो लऊ आमके सपाय पापमन ले शुद्ध करू आय।

1यूहन्ना 2:7

हे लाड़रामन, मय तुमके कोनी नवा हुकुम नी लिके, मान्तर हुनी जुना हुकुम जोन मुर ले तुमके मिरली से; ऐ जुना हुकुम हुन बचन आय जेके तुमनमन सुनलासास।

1यूहन्ना 3:24

जोन हुनचो हुकुममन के मानु आय, हुन हुन थाने आउर हुन हुनमन ने बनुन रऊ आय: आउर ऐचीई ले, बल्लोने हुन आत्मा ले जोन हुन आमके दिलो से, आमी जानु से कि हुन आमचो ने बनुन रऊ आय।

1यूहन्ना 4:13

ऐचीई ले आमी जानु से कि आमी हुनचो ने बनुन रऊ आंव, आउर हुन आमचो ने; कसनबल्लोने हुन आपलो आत्मा थानले आमके दिलो से।

1यूहन्ना 4:15

जोन कोनी ऐ मानु आय कि ईशु माहापुरू चो बेटा आय, माहापुरू हुनचो थाने बनुन रऊ आय, आउर हुन माहापुरू ने।

1यूहन्ना 4:16

जोन मया माहापुरू आमचो ले संगाऊ आय, हुनके आमी जानलु आउर आमके हुनचो ले बिश्वास आसे। माहापुरू मया आय, आउर जोन मया ने बनुन रऊ आय हुन माहापुरू ने बनुन रऊ आय, आउर माहापुरू हुनचो थाने बनुन रऊ आय।

2 यूहन्ना 1:2

हुन सत जोन आमचो ने थीर रऊ आय, आउर हरमेशा आमचो संगे अटल रये दे;

2 यूहन्ना 1:9

जोन कोनी मसीह चो सिक्या ले पयले बडुन जाऊ आय आउर हुन थाने बनुन नी रये, हुनचो लगे माहापुरू निआय, जोन कोनी हुनचो सिक्या ने थीर रऊ आय, हुनचो लगे बुआ बले आसे आउर बेटा बले।

3 यूहन्ना 1:3

कसनबल्लोने जिदलदाय भाईमन ऐऊन भाती तुचो हुन सत चो गोहई दिला, जोन थाने तुय सत-सत चलु आस, तेबे मय खुबे ची हरिक होले।

प्रकाशितवाक्य 3:11

“मय झटके ऐतो बिता आंय; जोन काई तुचो लगे आसे हुनके थामुन रा कि कोनी तुचो मुकुट झिकुन नी धरो।”

प्रकाशितवाक्य 3:3

“ऐईकाजे सुरता कर कि तुय कसन सिक्या पावलीस आउर सुनु रईस, आउर हुन थाने बनु रा आउर मन फिराव। अगर तुय जागरत नी रसे तेबे मय चोर चो असन ऐयेंदे, आउर तुय केबीई नी जानुक सकसे कि मय कोन घड़ी तुचो थाने ऐऊन पडे़दें।”