1यूहन्ना 2:20 - Halbi

²⁰ मान्तर तुमचो तो हुन पवितर ले अभिषेक होली से, आउर तुमी सपाय काई जानेसास।

परमेस्वर को सच्चो वचन ख जाननू

²⁰ पर तुमारो ते उ सुध्द से अभिसेक भयो हैं, अर तुम सब कुछ जानह हैं।

1यूहन्ना 2:20 ပူးပေါင်းရင်းမြစ်များ

मत्ती 13:11

हुन जबाप दिलो, “तुमके सरग राज चो भेदमन चो समज दिया गेली से, मान्तर हुनमन के नाई।

मरकुस 1:24

हुन चिचयाऊन भाती बल्लो, “हे ईशु नासरी, आमके तुचो ले काय काम? काय तुय आमके नष्ट करूक ईली सीस? मय तुके जाने, तुय कोन आस? माहापुरू चो पवितर जन!”

लूका 4:18

“परबु चो आत्मा मोचो उपरे आसे, ऐईकाजे कि हुन कंगालमन के नगतखबर सुनातो काजे मोचो अभिषेक करलो से, आउर मोके ऐईकाजे पठालो से कि बन्दीमन के छुटकारा चो आउर कानामन के नजर पावतोर नगतखबर परचार करेंदे आउर चेपाय होलो लोग के छंडायेंदे,

लूका 4:34

“हे ईशु नासरी, आमके तुचो ले काय काम? काय तुय आमके नष्ट करतो काजे ईली सीस? मय तुके जाने तुय कोन आस? तुय माहापुरू चो पवितर जन आस!”

यूहन्ना 14:26

मान्तर सायक बल्लोने पवितर आत्मा जेके बुआ मोचो नाव ले पटाये दे, हुन तुमके सपाय गोठमन सिकाये दे, आउर जोन काई मय तुमचो ले बल्ले से, हुन सपाय तुमके सुरता कराये दे।”

यूहन्ना 16:13

मान्तर जिदलदाय हुन बल्ले सते चो आत्मा ऐये दे, तेबे तुमके सपाय सते चो बाट सांगे दे, कसनबल्लोने हुन आपलो बाटले नी बले दे मान्तर जोन काई सुने दे हुनी बले दे, आउर ऐतो बिती गोठमन के तुमके सांगे दे।

प्रेरितो 10:38

माहापुरू कोन रीति ले ईशु नासरी के पवितर आत्मा आउर सामरत ले अभिषेक करलो; हुन भलाई करते आउर सपाय के जोन शयतान चो कन्दरालोर रवत, अच्छा करते फिरलो, कसनबल्लोने माहापुरू हुनचो संगे रलो।

प्रेरितो 3:14

तुमीमन हुन पवितर आउर धरमी चो इन्कार करलास, आउर बिनती करलास कि गोटक हत्या करू के तुमचो काजे छांडुन दिया जाओ;

1 कुरिन्थियो 2:15

आत्मिक जन सपाय काई जाचु आय, मान्तर हुन खुद काचीई ले जचाए नी जाये।

इब्रानियो 1:9

तुय धरम ले मया आउर अधरम ले बईर संगालीस; ऐई लागुन माहापुरू, तुचो माहापुरू, तुचो संगवारीमन ले बडुन भाती हरिक रूपी तेल ले तुचो अभिषेक करलो।”

इब्रानियो 8:11

आउर हरकोनी आपलो देश बितामन के आउर आपलो भाई के ऐ सिक्या नी देये, कि तुय परबु के चिताव, कसनबल्लोने नानी ले बड़े सपाय मोके जान दे।

1यूहन्ना 2:27

मान्तर तुमचो हुन अभिषेक जोन हुनचो बाटले कराए गेली, तुमचो ने बनुन रऊ आय; आउर तुमके ऐचो जरूरत निआय कि कोनी तुमके सिका ओत, बल्लोने जसन हुन अभिषेक जोन हुनचो बाटले कराए गेली तुमके सपाय गोठमन सिकाऊ आय, आउर ऐ सते आय आउर फंद नुआय; आउर जसन हुन तुमके सिका लो से हुसने ची तुमी हुन थाने बनुन रऊ आहास।

1यूहन्ना 4:13

ऐचीई ले आमी जानु से कि आमी हुनचो ने बनुन रऊ आंव, आउर हुन आमचो ने; कसनबल्लोने हुन आपलो आत्मा थानले आमके दिलो से।

यहूदा 1:5

मान्तर अगर तुमी सपाय गोठ गोटक हार जानलासास, तेबे बले मय तुमके ऐ गोठ चो सुरता दियातोर चाहाय से कि परबु गोटक कुल मिस्र देश ले बचालोर पाचे बिश्वास नी आनतो बितामन के नष्ट करून दिलो।

प्रकाशितवाक्य 3:7

“फिलदिलफिया चो कलीसिया चो दूत के ऐ लिक: जोन पवितर आउर सत आत, आउर जोन दाऊद चो कुची संगाऊ आय, जेचो उगाढ़लो बिती के कोनी बन्द नी करूक सकोत आउर बन्द करलो बिती के कोनी उगाढुक नी सकोत, हुन ऐ बलेसे, कि”

प्रकाशितवाक्य 4:8

चारो परानीमन चो छय-छय पाटकी आसे, आउर चारो बाटे आउर भीतरे आँईक ची आँईक आसे; आउर हुनमन रात दिन बिना बिसालोर बोलते रऊ आत, “पवितर, पवितर, पवितर परबु माहापुरू, सर्वशक्तिमान, जोन रये आउर जोन आसे आउर जोन ऐतो बिता आय।”